Author: +9251

کراچی :اپنی مرضی کا آئی جی لانے کے لیے سندھ حکومت کا آئی جی سندھ کلیم امام کو ہٹانے کا فیصلہ ،تفصیلات کے مطابق سندھ میں پولیس افسروں کے تبادلوں و تقرریوں کے موجودہ تنازعہ کے باعث سندھ حکومت نے آئی جی سندھ کلیم امام کو ہٹانے کا فیصلہ کر لیا ہے۔

ذرائع سندھ حکومت کے مطابق وفاقی حکومت سےکلیم امام کو بطور انسپکٹر جنرل سندھ ہٹانے کی باقاعدہ درخواست کی جائے گی جس کے لیے وفاقی حکومت کو جلد خط لکھا جائے گا۔یہ بھی معلوم ہوا ہےکہ سندھ حکومت یہ فیصلہ اس لیے کررہی ہےکیوں کہ آئی جی سندھ نے پی پی کے ایم پی ایزاوروزراء کے ساتھ پولیس کی اضافی نفری کو واپس ڈیوٹی پربلالیا ہے

ذرائع کا کہنا ہے کہ نئےآئی جی کے لیے وزیراعلیٰ سندھ پرپارٹی قیادت اوربیوروکریسی کا دباؤ ہے۔پیپلزپارٹی کی قیادت کو یقین ہے کہ آئی جی سندھ اب کھل کر سیاست کر رہے ہیں۔ذرائع سندھ حکومت کا کہنا ہے کہ آئی جی سندھ کے چیف سیکریٹری کو لکھے گئے خط پر وزیر اعلیٰ سندھ سخت برہم ہیں۔

ذرائع کے مطابق آئی جی سندھ نے اپنے خط میں پولیس افسروں کے تبادلوں پر مشاورت نہ کرنے کا شکوہ کیا تھا جبکہ آئی جی سندھ سے ہمیشہ مشاورت کی گئی۔ذرائع کا مزید کہنا ہےکہ یہ طریقہ درست نہیں کہ متنازع معاملات کو میڈیا میں اچھا لا جائے، آئی جی سندھ کا خط پہلے میڈیا میں آیا، پھر وزیر اعلیٰ اور چیف سیکریٹری کو پتہ چلا۔آئی جی سندھ کا یہ رویہ ان کے منصب کے شایان شان نہیں۔

واضح رہے کہ کلیم امام 13 جون 2018 کو آئی جی سندھ کے منصب پر برا جمان ہوئے تھے۔کلیم امام پاکستان سمیت اقوام متحدہ کے عالمی مشن میں بھی تعینات رہے اور حکومت کی جانب سے انہیں اعزازات سے بھی نوازا گیا۔

اسلام آباد:ن لیگ کی بی یم کوجھوٹ بولنے کی عادت ہوچکی ہے،اٹھارہ سوال لیے پھررہا ہوں شہبازشریف جواب نہیں دیتے، تفصیلات کے مطابق معاون خصوصی برائے احتساب شہزاد اکبرنے نیوزکانفرنس کرتے ہوئے کہا کہ ن لیگ کی بی ٹیم کے بھی کئی کارنامے ہیں، ن لیگ کی بی ٹیم بھی کرپشن چھپانےاورپردہ ڈالنے کی کوشش کررہی ہے۔

شہزاد اکبر نے کہا کہ 18 سوالوں کے جواب کے لیے شہباز شریف کو تلاش کررہا ہوں، شہباز شریف سے تقاضا کیا جارہا ہے کہ سرکاری زمین کا معاوضہ دیں۔

انہوں نے کہا کہ پارلیمنٹ میں ایک سوال کو لے کر مریم اورنگزیب نے کانفرنس کی، وہ لوگوں کو گمراہ کرنا چھوڑ دیں، مریم اورنگزیب ذرا شہباز شریف سے میرے سوال کا جواب دلوادیں۔شہزاد اکبر نے کہا کہ تنقید کرنے والوں کو ایسٹ ریکوری یونٹ کی کارروائی سمجھنے کی ضرورت ہے، 35 سال اقتدار میں رہنے والوں نے سرکاری زمینوں پر قبضہ کررکھا ہے، سرکاری اراضی واگزاری پر واویلا کیا جارہا ہے۔

شہزاد اکبر کا کہنا تھا کہ سابق وزیراعظم نواز شریف کے بیرون ملک دوروں کی تفصیلات تو ہم نے دی تھیں، ہمارے دور حکومت میں کیے گئے دوروں کی تفصیلات بھی ہم نے پیش کردی ہیں لیکن حیرت کی بات ہے کہ میں سوالات لیے پھر رہا ہوں اور شہباز شریف کو ڈھونڈ رہا ہوں لیکن میرے 18 سوالوں کے جواب کوئی نہیں دے رہا، نواز شریف، شہباز شریف کے علاوہ (ن) لیگ کی بی ٹیم بھی کرپشن کیسز چھپا رہی ہے۔

معاون خصوصی نے کہا کہ تنقید کرنے والوں کو ایسٹ ریکوری یونٹ کے فرائض جاننے کی ضرورت ہے، 2018ء میں سپریم کورٹ کو پیش کی گئی سفارشات کی بنیاد پر ایسٹ ریکوری یونٹ بنا اور اسے وفاقی کابینہ نے قائم کیا، ایسٹ ریکوری یونٹ کا مقصد لوٹی دولت کوواپس لانا اور اداروں کی معاونت کرنا ہے۔

انہوں نے کہا کہ جو ریکوری ہوتی ہے سارے پیسے سرکاری خزانے میں آتے ہیں جس کا ریکارڈ متعلقہ اداروں کے پاس موجود ہے، ایسسٹ ریکوری یونٹ نے 2 ارب کی پنجاب سے ریکوری کرائی، اثاثہ جات ریکوری یونٹ کے پاس اپنا اکاؤنٹ نہیں ہے این سی اے نے 190 ملین پاؤنڈ حکومت پاکستان کو بھیجے اور یہ رقم سیٹلمنٹ کے تحت بھیجی گئی، بیرون ملک جائیداد کا پتا لگانے کے لیے ٹاسک فورس بنائی گئی تھی۔

انہوں نے کہا کہ ایسٹ ریکوری یونٹ کا مقصد لوٹی دولت کو واپس لانا ہے، جو ریکوری ہوتی ہے سارے پیسے قومی خزانے میں جاتے ہیں، 2018 میں سپریم کورٹ کو پیش سفارشات پر ایسٹ ریکوری یونٹ بنا تھا۔معاون خصوصی برائے احتساب نے کہا کہ ایف آئی اے نے گزشتہ ایک برس میں 7 ارب کی وصولیاں کیں، ایسٹ ریکوری یونٹ پر اب تک 2 کروڑ 30 لاکھ روپے خرچ ہوئے ہیں، 2 کروڑ 30 لاکھ روپے میں یونٹ کے اہلکاروں کی تنخواہیں شامل ہیں۔

شہزاد اکبر نے کہا کہ اینٹی کرپشن نے 129 ارب روپے کی زمین واگزار کرائی، موجودہ دور حکومت میں ہر چیز کا جواب دیا جاتا ہے پہلے کوئی نہیں دیتا تھا۔

ملتان: ایک ماہ انتظارکریں،آئین اورجمہوریت کےمطابق تبدیلی آئےگی، مولانا فضل الرحمان کوموسم سرما کا خواب آگیا،اطلاعات کےمطابق مولانا فضل الرحمان کا کہنا ہے کہ عوام کو صرف ایک ماہ انتظار کرنا ہوگا پھر آئین اور جمہوریت کے مطابق تبدیلی آئے گی

مولانا فضل الرحمان کا کہنا تھا کہ آزادی مارچ نے ملکی سیاسی جمود کو توڑا ہے، عوام کی قوت نے بتادیا ناجائز حکومت کو کوئی سہارا نہیں دے سکتا،اسمبلیاں تحلیل کردی جائیں وزیراعظم استعفیٰ دیں اور فوج کے بغیر دوبارہ الیکشن کروائے جائیں،نئے الیکشن کے بغیر کوئی دوسرا راستہ حکومت کے پاس نہیں ہے۔

مولانا فضل الرحمان کا کہنا تھا کہ آرمی چیف کے حوالے سے قانون بنانے میں کوئی حرج نہیں، یہ حکومت جعلی ہے اور یہ اہم قانون سازی ہے لہذا اس حکومت میں یہ کام نہیں ہونا چاہیے، اگر یہ ناجائز حکومت اس پر قانون سازی کرے تو پاک آرمی کے سربراہ متنازعہ ہو جائیں گے۔مولانا نے مزید کہا کہ میری یہ خواہش ہے کہ وہ پچھلا دورحکومت آئے جس میں نوازشریف ،زرداری اور ہم سب مل کر ملک میں‌جمہوریت کوبچاکربیٹھے تھے

اسلام آباد:ورلڈ بینک نے تحریک انصاف کی حکومت کے لیے خوشخبری سنادی ،اطلاعات کے مطابق ورلڈبینک نے حکومت پاکستان کی معاشی پالیسیوں سے متاثرہوکرترقیاتی منصوبوں کے لیے رقم کی پیشکش کردی، خیبرپاس اکنامک کوریڈور پروجیکٹ کے لیے ورلڈ بینک کے ساتھ 406.6 ملین ڈالر کے قرض کا معاہدہ طے پاگیا۔

وفاقی وزیر برائے اقتصادی امور حماد اظہر کی نگرانی میں ورلڈ بینک کے ساتھ طے پانےوالے معاہدے کے تحت پشاور سے طورخم تک 48 کلو میٹر 4 لین موٹروے تعمیر کی جائے گی۔حماد اظہر کہتے ہیں‌ کہ اس پروجیکٹ کے تحت لاکھوں لوگوں کو روزگار میسر ہوگا

وفاقی وزیرکاکہنا ہےکہ کے پی ای سی پروجیکٹ کے 2 جز ہیں پہلا سڑک کی تعمیر ہے، دوسرا جز ملحقہ علاقوں میں اسپیشل اکنامک زون بنیں گے۔وفاقی وزیر اقتصادی امور کا کہنا ہے کہ پروجیکٹ میں پبلک پرائیویٹ پارٹنر شپ کی جائے گی، پرائیویٹ فنانس سے اقتصادی سرگرمیوں کے مواقع ہوں گے۔

کنٹری ڈائریکٹر ورلڈ بینک الانگو کہتے ہیں‌ کہ حکومت پاکستان کو معاہدے پر مبارک باد دیتا ہوں، منصوبے کے تحت افغانستان اور وسطی ایشیا کے ساتھ رابطے بڑھیں گے۔کنٹری ڈائریکٹر ورلڈ بینک نے کہا کہ پروجیکٹ کے تحت لاکھوں لوگوں کو روزگار میسر ہوگا، خیبرپختونخوا کی اقتصادی صورت حال بہتر ہوگی۔