Author: +9251

ریاض: "مارنہیں پیار”نظریہ سعودی عرب پہنچ گیا،طالبعلموں کوجسمانی سزادینے پرپابندی عائد کردی گئی،اطلاعات کےمطابق سعودی عرب کی وزارت تعلیم نے ایک بار پھر تمام تعلیمی اداروں کو ہدایت جاری کی ہے کہ وہ طالب علموں پر کسی بھی قسم کا تشدد نہ کریں اور سرکاری احکامات کی مکمل پاسداری کریں۔

عرب میڈیا رپورٹ کے مطابق وزارتِ تعلیم کی جانب سے تمام نجی و سرکاری تعلیمی اداروں کو جاری اعلامیے میں ہدایت کی گئی ہے کہ اسکولوں میں موجود اساتذہ یا عملہ کسی بھی طالب علم پر جسمانی یا لفظی تشدد نہیں کرسکتا۔تمام تعلیمی ادارے طلب علموں کو دوستانہ ماحول فراہم کریں تاکہ اُن کی صلاحتیں ابھر کر سامنے آئیں اور خود اعتمادی میں بھی اضافہ ہو۔

وزارتِ تعلیم نے ہدایت کی کہ طلبا کی جانب سے کی جانے والی کسی بھی قسم کی بدتمیزی کو احترام کا رشتہ برقرار رکھتے ہوئے قواعد و ضوابط کے مطابق حل کیا جائے، ٹیچر اور طالب علم کے درمیان محبت کی وجہ سے ہی بچے کی تربیت اچھے انداز سے ممکن ہے۔یہ انتباہ بھی دیا ہے کہ طلباءکو ہاتھ یا چھڑی سے مارنایا حراساں کرنا ضوابط کی خلاف ورزی تصور کی جائے گی اور ان ضوابط کو توڑنے والے کو سزا دی جاسکتی ہے۔

اعلامیے میں وضاحت کی گئی ہے کہ بچوں کو مارنے ، گالیاں دینے ، دھمکانے یا کسی بھی طرح سے حراساں کرنا تعلیم و تربیت کے زمرے میں نہیں آتا، یہ رویہ اپنانے سے طالب علم میں بغاوت پیدا ہوجاتی ہے اور پھر اُن کی مثبت صلاحیتیں پس پشت چلی جاتی ہیں لہذا استاد شاگردوں سے اچھا برتاؤ روا رکھیں تاکہ اُن کی صلاحیتوں اور ہنر کو نکھارا جاسکے۔

یاد رہےکہ چند سال قبل پاکستان میں بھی بچوں کومارکےذریعے پڑھانے پرپابندی لگادی گئی تھی جس کے بعد اساتذہ کی تو تربیت ہوگئی مگرطالب علموں کی صورت حال اس قدر بگڑ گئی ہے کہ وہ اس قانون کی آڑمیں بہت سے غیرقانونی اقدام کربیٹھتے ہیں‌، اس پربھی مختلف آراتھیں‌ ایک آرا تھی کہ بچے کو تنبہیاً سزا دی جائے تاکہ اس پراستاد کا ڈر رہے اوروہ اسی ڈر سے پڑھے بھی اوربڑھے بھی مگردوسرا نظریہ اس کے بالکل خلاف ہے جس کے مطابق بچے کوسزادینے سے اس کی شخصیت ٹوٹ پھوٹ کا شکارہوجاتی ہے

نئی دہلی: کہیں ٹماٹرتوکہیں‌ پیازکی سیاست،شادی میں دلہا کو دوستوں کی طرف سے ڈھائی کلو پیاز گفٹ ، رپورٹ کے مطابق بھارت میں پیاز کی قیمتیں آسمان سے باتیں کررہی ہیں ایسے میں بھارتی ریاست تامل ناڈو سے تعلق رکھنے والے ایک جوڑے کو شادی میں ڈھائی کلو پیاز بطور تحفہ پیش کردی گئی۔

غیرملکی سفیرنے کتاب چوری کرکے مراد علی شاہ کی یاد تازہ کردی

رپورٹ کے مطابق بھارتی ریاست تامل ناڈو میں دلہا کے چار دوستوں نے ڈھائی کلو پیاز گفٹ پیپر میں پیک کرکے بطور تحفہ پیش کیا اور گروپ فوٹو بھی بنوایا۔ایک دوست کا کہنا تھا کہ ہم نے ایک اسٹور سے ڈھائی کلو گرام پیاز 500 روپے میں خریدکر اسے نوبیاہتا جوڑے کے سامنے پیش کیا۔

That's expensive. Amid rising prices, Tamil Nadu couple gets bouquet of #Onion at #wedding.@ikpsgill1 @delhichatter@hvgoenka @Jainpankajkasan#OnionPrices pic.twitter.com/19Ilzk27He

— SunilKapoor 4 Free #Hospital,Treatment (@sunilkapoor8) December 9, 2019

بھارتی ریاست تامل ناڈو میں پیاز 150 سے لے کر 160 روپے کلو تک فروخت ہورہاہے اور دیگر شہروں میں ایک کلو پیاز کی قیمت 200 روپے تک پہنچ گئی ہے۔سوشل میڈیا پر دوستوں کی جانب سے پیاز بطور تحفہ پیش کیے جانے پر صارفین کی جانب سے مختلف تبصرے کیے جارہے ہیں۔

بھاری مقدارمیں بارودی مواد اور راکٹ گولے برآمد،دہشت گردوں‌ کے خلاف گھیراتنگ

یاد رہے کہ چند روز قبل لوک سبھا کے اجلاس میں اراکین نے پیاز کی بڑھتی قیمتوں پر وزیر خزانہ سے جواب مانگا تو نرملا سیتا رامن کا کہنا تھا کہ وہ پیاز اور لہسن زیادہ نہیں کھاتیں، میرا تعلق اس خاندان سے ہے جہاں پیاز زیادہ نہیں کھائے جاتے۔بھارت کی طرح پاکستان میں چند دن قبل ٹماٹرکے ریٹس آسمان کوچھونے لگے تو ملکی سیاست میں ہرطرف ٹماٹرکریسی کو ہتھیاربناکراپوزیشن نےسیاست کی

پوسا ڈاس: غیرملکی سفیرنے مراد علی شاہ کی یاد تازہ کرکے حق ادا کردیا ، اطلاعات کےمطابق ارجنٹینا میں تعینات میکسیکن سفیر کتاب چوری کرتے ہوئے رنگے ہاتھوں پکڑے گئے۔ارجنٹائن میں تعینات میکسیکو کے سفیر آسکر ریکارڈو والیرو 10 ڈالر مالیت کی کتاب چوری کرتے ہوئے سی سی ٹی وی کیمرے میں آگئے۔

Estos son los videos del escándalo diplomático ¿del año? Quien se ve en imagen es el embajador mexicano en Argentina, Oscar Ricardo Valero Recio Becerra, llevando sin pagar un libro de El Ateneo Grand Splendid y tomado por las cámaras de seguridad de la librería. pic.twitter.com/65grTmJ3lO

— Juan Manuel Lombardero (@LombarderoJM) December 9, 2019

رپورٹ کے مطابق 76 سالہ سفیر ایل اتینیو لائبریری گئے جہاں اُن کو اپنی پسندیدہ کتاب نظر آئی تو انہوں نے اُسے اٹھا کر جائزہ لیا اور اسے اخبار میں لپیٹ کر چلتے بنے مگر سی سی ٹی وی نے اس سارے منظر کو محفوظ کرلیا۔میکسیکو کی حکومت نے فوری طور پر سفیر کو عہدے سے سبک دوش کر کے انہیں وطن واپس بلا لیا جہاں اُن سے چوری سے متعلق تفتیش بھی کی جائے گی اور اگر وہ قصور وار پائے گئے تو انہیں سزا دی جائے گی۔

He solicitado al Comité de Ética analice el caso de Embajador en Argentina acusado de robar libros en famosa librería. Por lo pronto he ordenado regrese a casa. De comprobarse que el video es veraz será separado del cargo inmediatamente. Cero tolerancia a la deshonestidad.

— Marcelo Ebrard C. (@m_ebrard) December 9, 2019

وزیرخارجہ میکسیکو نے اپنے ٹویٹ میں بتایا کہ ’اگر کتاب چوری کرنے کا جرم ثابت ہوجاتا ہے تو سفیر کو فوری طور پر ملازمت سے برطرف کردیا جائے گا البتہ ابھی معاملہ کی تحقیقات جاری ہیں اس لیے کچھ بھی کہنا قبل از وقت ہوگا‘۔

بھارتی متنازع بل آرایس ایس ہندوراشٹریہ کےتوسیعی منصوبےکاحصہ ہے،مذمت کرتے ہیں…

یاد رہے کہ چند دن قبل سندھ کے وزیراعلیٰ‌ مراد علی شاہ نے ایک تقریب میں‌ تسلیم کیا تھا کہ انہیں‌ اپنے ساتھیوں‌کی کتابیں‌چوری کرنے کا بہت شوق تھا اوروہ ایسا کرتے بھی رہے