Author: +9251

موریطانیہ کے ساحل کے قریب تارکین وطن کی ایک کشتی ڈوبنے سے کتنے افراد لقمہ اجل بنے

باغی ٹی وی رپورٹ کے مطابق بحر اوقیانوس میں موریطانیہ کے ساحل کے قریب تارکین وطن کی ایک کشتی ڈوبنے کے سبب کم از کم 57 افراد موت کے منہ میں چلے گئے۔مہاجرت کی بین الاقوامی تنظیم IOM نے یہ بات بدھ کے روز بتائی۔ آئی او ایم کے مطابق اس کشتی پر سوار دیگر 83 افراد تیر کر ساحل تک پہنچنے میں کامیاب ہوئے۔ اس کشتی پر خواتین اور بچوں سمیت 150 افراد سوار تھے۔

آئی او ایم کے مطابق اس کشتی پر سوار دیگر 83 افراد تیر کر ساحل تک پہنچنے میں کامیاب ہوئے۔ اس کشتی پر خواتین اور بچوں سمیت 150 افراد سوار تھے۔ یہ کشتی 27 نومبر کو گیمبیا سے روانہ ہوئی تھی اور موریطانیہ کے ساحل تک پہنچنے سے قبل ہی اس کا ایندھن ختم ہو گیا تھا۔ افریقہ سے یورپ پہنچنے کی کوشش کرنے والے تارکین وطن کی کشتی کے ساتھ پیش آنے والا یہ حادثہ رواں برس کے بدترین حادثات میں سے ایک ہے

عالمی میڈیا اور سیاستدانوں کو طیب اردوان نے کس بات پر خبردار کیا
باغی ٹی وی رپورٹ کے مطابق : ترک صدر نے کہا ہےکہ مغربی سیاسی اور میڈیا کےاداروں کواسلام کو” دہشت گردی” سےجوڑنےسےباز رہنےکی ضرورت ہے:.برطانیہ میں کیمبرج میں تعمیر کردہ یورپ کی پہلی ماحولیاتی دوست مسجد کا افتتاح کے موقع پر صدر رجب طیب ایردوان نے ان خیالات کے اظہار کیا.
صدر ایردوان نے مذہبِ اسلام جس کا مطلب ” امن کا مذہب ہے” کا نام دہشت گردی سے جوڑنے کی غلطی کی طرف توجہ مبذول کرواتے ہوئے کہا کہ "دہشت گردی کے لفظ کو اسلام کے ساتھ نہیں جوڑا جاسکتا ہے.

برطانیہ میں کیمبرج میں تعمیر کردہ یورپ کی پہلی ماحولیاتی دوست مسجد کا افتتاح صدر رجب طیب ایردوان کی ایک تقریب کے ساتھ کیا گیا۔

صدر ایردوان نے کہا کہ 10 سال سے زاہد کی کاوشوں کے پھل کی حیثیت رکھنے والی یہ کیمبرج مسجد ، برطانیہ میں بسنے والے تمام مسلمانوں ، خاص طور پر ترک نژاد شہریوں کے لئے باعث ِ خیر ہوگی۔

انہوں نے مذہبِ اسلام جس کا مطلب ” امن کا مذہب ہے” کا نام دہشت گردی سے جوڑنے کی غلطی کی طرف توجہ مبذول کرواتے ہوئے کہا کہ "دہشت گردی کے لفظ کو اسلام کے ساتھ نہیں جوڑا جاسکتا ہے لیکن اس کے باوجود اگر لفظ اسلام کو دہشت گردی کے ساتھ جوڑنے کا سلسلہ جاری رکھا گیا تو ہم ایسا کرنے والوں پر لعنت ملامت کا سلسلہ جاری رکھیں گے۔ اگر کوئی مسلمانوں میں سے کوئی ایک دہشت گردی کرتا ہے تو ہم اس کی وجہ سے مذہبِ اسلام پر دہشت گردی کا داغ دھبہ لگنے کی ہرگز اجازت نہیں دیں گے۔ ہم کسی صورت بھی اسے ” اسلامی دہشت گردی ” کہلوانے کی اجازت نہیں دیں گے۔ اس وقت ترکی کے صدر ہونے کے ناتے ترکی دہشت گرد تنظیم داعش کے خلاف سب سے بڑھ کر اس دہہشت گردی کے خلاف جدو جہد جاری رکھے ہوئے ہے

واشنگٹن عراقی انتظامیہ کے خلاف سخت اقدام اٹھانے جارہا

باغی ٹی وی رپورٹ کے مطابق امریکی ذرائع سے معلوم ہوا ہے کہ واشنگٹن انتظامیہ عراقی ذمے داران پر پابندیاں عائد کرنے کا ارادہ رکھتی ہے ان پابندیوں کا اعلان آئندہ چند گھنٹوں میں کر دیا جائے گا۔

یہ پیش رفت عراق میں بالخصوص جنوبی صوبوں میں عوامی احتجاج کے خلاف تشدد کے واقعات میں اضافے کے بعد سامنے آئی ہے۔ جنوبی صوبوں میں ایک دن کے اندر درجنوں مظاہرین اپنی جانوں سے ہاتھ دھو بیٹھے تھے۔

امریکی وزیر خارجہ مائیک پومپیو کے مطابق "ان کا ملک اپنا قانونی اختیار استعمال کرے گا تا کہ عراقیوں کی دولت لوٹنے والی بدعنوان شخصیات اور مظاہرہ کرنے والے شہریوں کو ہلاک اور زخمی کرنے والوں پر پابندیاں عائد کی جا سکیں”۔

اس سے قبل امریکی وزیر خارجہ کے معاون ڈیوڈ شنکر نے اُن پابندیوں کا عندیہ دیا تھا جو واشنگٹن کی جانب سے عراق میں "جابر عہدے داران” کے خلاف لگائی جا سکتی ہیں۔ شنکر نے مظاہرین کے خلاف طاقت کے خوف ناک اور شنیع استعمال کی مذمت کی۔

ادھر بغداد میں تحریر اسکوائر پر موجود طبی کارکنان کے حوالے سے ذرائع نے بتایا کہ حکومت میں شامل سیاسی جماعتوں سے تعلق رکھنے والے نامعلوم عناصر نے جمعرات کی صبح مظاہرین کے خلاف چاقو مارنے کی کارروائیاں کیں۔

واضح‌ رہے کہ عراق میں یکم اکتوبر سے مختلف شہروں میں حکومت مخالف احتجاج کا سلسلہ جاری ہے۔ سیکورٹی فورسز اور ملیشیاؤں نے عوامی احتجاج کے ساتھ بھرپور طاقت سے نمٹنے کی کوشش کی۔ اس کے نتیجے میں تقریبا 400 مظاہرین اپنی جانوں سے ہاتھ دھو چکے ہیں جب کہ ہزاروں زخمی ہو گئے۔ اس دوران درجنوں مظاہرین کو گرفتار بھی کیا گیا۔
واضح رہے کہ بے روزگاری اور بنیادی سہولتوں کے فقدان کے خلاف جاری احتجاج میں اب تک 400 سے زائد افراد ہلاک ہوچکے ہیں،اطلاعات کے مطابقعراق میں 2 ماہ سے جاری پرتشدد احتجاج میں 400 سے زائد ہلاکتوں کے بعد بالآخر عراقی وزیراعظم عادل عبدالمہدی کو استعفیٰ دینا پڑا.

سوڈان امریکی پابندیوں سے نکلنے کے لیے کیسے کوشاں

تفصیلات کے مطابق سوڈان میں عبوری حکومت کے سربراہ وزیراعظم عبداللہ حمدوک کا کہنا ہے دہشت گردی کو سپورٹ کرنے والے ممالک کی امریکی فہرست سے سوڈان کا نام نکالے جانے کے حوالے سے "پیش رفت” ہوئی ہے۔ یہ بات انہوں نے جمعرات کے روز امریکا کے تاریخی دورے کے اختتام پر کہی۔

امریکی وزارت خارجہ ، وزارت خزانہ اور کانگرس کے سینئر ذمے داران سے ملاقاتوں کے بعد حمدوک نے اٹلانٹک کونسل ریسرچ سینٹر کے زیر انتظام ایک کانفرنس سے خطاب میں کہا کہ "بات چیت میں اصل توجہ یقینا سوڈان کا نام دہشت گردی کے معاون ممالک کی فہرست سے ہٹانے پر مرکوز تھی”۔

انہوں نے مزید کہا کہ "اس معاملے نے بہت سی کارروائیوں میں رکاوٹ ڈال رکھی ہے تاہم حالیہ چند ماہ کے دوران امریکیوں کے ساتھ شروع ہونے والی بات چیت بہت اچھی شکل میں آگے بڑھ رہی ہے”۔

اس سے پہلے صدر سو ڈان عبداللہ حمدوک نے اقوام متحدہ کی جنرل اسمبلی سے خطاب کرتے ہوئے کہا تھاکہ واشنگٹن کی پابندیاں سوڈانی عوام کے لیے زبردست تکلیف کا سبب بن رہی ہیں۔

عبداللہ حمدو ک کے مطابق ”سابقہ حکو مت نے دہشت گردی کی حمایت کی تھی اور سوڈانی عوام نے اس کے خلاف بغاوت کی تھی۔ ان پابندیوں کی وجہ ہماری عوام شدید تکلیف میں ہیں۔ لہذا ہم امریکہ سے مطالبہ کرتے ہیں کہ سوڈان کو دہشت گردی کی سرپرست ریاست کی فہرست سے نکال دیں اور سوڈانی عوام کو سابقہ حکومت کے جرائم کی سزا دینا بند کریں“۔