Author: +9251

لبنانی نژاد کو امریکا میں 40 سال قید کیوں سنائی گئی

تفصیلات کے مطابق نیویارک میں ایک فیڈرل کورٹ کے جج نے منگل کے روز لبنانی نژاد امریکی شہری کو 40 سال قید کی سزا سنا دی۔ ملزم پر رواں سال مئی میں یہ فرد جرم عائد کی گئی تھی کہ وہ حزب اللہ کے مفاد کے لیے امریکا میں دہشت گرد حملوں کی تیاری میں ملوث ہے۔

مین ہیٹن میں فیڈرل اٹارنی جیفری بیرمین نے ایک بیان میں بتایا کہ حزب اللہ کی ذیلی تنظیم الجہاد الاسلامی نے علی کورانی کو بھرتی کر کے تربیت دی۔ بعد ازاں اسے نیویارک میں دہشت گرد کارروائی کی منصوبہ بندی اور اس پر عمل درامد کے لیے بھیجا گیا۔

جیفری نے مزید بتایا کہ کئی برس تک نیویارک شہر کے انفرا اسٹرکچر اور اہم عمارتوں اور تنصیبات کی نگرانی کے بعد اب کورانی مذکورہ تنظیم کا اول نمبر کا ایجنٹ بن چکا ہے۔

رواں سال مئی میں آٹھ روز تک جاری رہنے والی عدالتی کارروائی کے بعد 35 سالہ کورانی کو آٹھ الزامات کے تحت قصور وار ٹھہرایا گیا تھا۔ ان الزامات میں جرم کے ارتکاب کے واسطے ہتھیار قبضے میں رکھنے کے مقصد کے لیے سازش بھی شامل ہے۔ اس الزام کی سزا عمر قید ہے۔
ورانی نے لبنان میں حزب اللہ کے کئی عسکری کیمپوں میں تربیت حاصل کی۔ وہ ایران نواز ملیشیا کے عناصر سے براہ راست احکامات وصول کرتا تھا۔

واضح رہے کہ 8 جون 2017 کو میشی گن میں کورانی کی گرفتاری کے روز سامر الدبک نامی ایک اور شخص بھی حراست میں لیا گیا تھا۔ سامر پر بھی حزب اللہ سے مبینہ تعلق کا الزام ہے تاہم اس کے خلاف عدالتی کارروائی کی تاریخ مقرر نہیں کی گئی۔

امریکا لبنانی ملیشیا حزب اللہ کو ایک "دہشت گرد تنظیم” شمار کرتا ہے۔ گذشتہ صدی میں 1980ء کی دہائی میں اپنی تاسیس کے بعد سے حزب اللہ نے کئی بڑے حملے کیے۔ ان میں خاص طور پر فرانس، لبنان اور بلغاریہ میں کارروائیاں شامل ہیں۔ لبنان میں پیدا ہونے والا علی کورانی 2003 میں امریکا پہنچا تھا اور 2009 میں اس نے امریکی شہریت حاصل کی۔

واشنگٹن :امریکہ کومسلم عسکریت پسند نہیں روس اورچین سے خطرہ ہے،امریکہ کومسلمانوں کے خلاف دہرامعیارختم کرنا ہوگا، اطلاعات کےمطابق پینٹاگان نےامریکی دفاعی حکمت عملی کے بارے میں خبردار کرتے ہوئے کہا ہے کہ امریکہ کومسلم عسکریت پسندوں سے نہیں بلکہ چین اور روس سے خطرہ ہے۔

پینٹاگان کی طرف سے جاری رپورٹ کے مطابق امریکی فوج کے سربراہ جنرل مارک ملے نے کہا کہ چین اور روس امریکا کے عالمی مفادات کے لیے سب سے بڑا خطرہ ہیں۔ نیوز ایجنسی کو انٹرویو دیتے ہوئے امریکی وزیر دفاع مارک ایسپر نے افغانستان میں عسکریت پسندوں کے کردار کو مسترد کرتے ہوئے کہا کہ کابل سے فوجیوں کی واپسی طالبان سے معاہدے سے منسلک نہیں۔

رپورٹ میں جوائنٹ چیفس آف اسٹاف کے چیئرمین جنرل مارک ملے کا حوالہ دے کر کہا گیا کہ ‘طویل مدتی تناظر میں چین ہی امریکاکے لیے واحد خطرہ ہے اور جوہری ہتھیاروں سے لیس روس آج کے لیے بڑا خطرہ ہے’۔مذکورہ رپورٹ میں کہا گیا کہ ‘بین الاقوامی سطح پر زبردست طاقت کے مقابلے کا امکان ہے’۔

واضح رہے کہ جنرل مارک ملے 30 ستمبر کو جوائنٹ چیفس آف اسٹاف کے 20 ویں چیئرمین بننے کے بعد سے شام، ترکی، شمالی کوریا، روس، چین، ایران اور سعودی عرب کے معاملات میں فعال ہیں۔رپورٹ میں دعویٰ کیا گیا کہ چین اور روس معاشی، سیاسی، سفارتی اور عسکری لحاظ سے اپنا دائرہ بڑھا رہے ہیں اور یہ سب ہائبرڈ تنازع کے پیش نظر ہورہا ہے۔

علاوہ ازیں امریکی فوج کے سربراہ جنرل مارک ملے نے اعتماد کا اظہار کیا کہ چین اور روس اپنے علاقائی اور عالمی وقار کو بڑھانا چاہتے ہیں۔ان کے مطابق امریکا کے دونوں حریف ‘بین الاقوامی نظام میں رد و بدل پر مجبور کرنے کے لیے حکومت کے اس سارے جبر’ کو استعمال کریں گے۔

رپورٹ میں جنرل مارک ملے کے حوالہ سے مزید کہا گیا کہ ‘یہ ایک خطرناک دنیا ہے اور دوستوں کے ساتھ یہ بہتر ہے، واشنگٹن سے اپیل ہے کہ وہ چین اور روس کو امریکا کو نقصان پہنچانے کی اجازت نہ دیں جبکہ ہمیں طاقت کے ذریعے امن قائم رکھنا چاہیے’۔رپورٹ میں یہ بھی بتایا گیا کہ چین اور روس کے بعد شمالی کوریا اور ایران امریکی مفادات کے لیے بڑا خطرہ ہیں۔

قبل ازیں پیر کو امریکی وزیر دفاع مارک ایسپر نے خبررساں ادارے رائٹرز کو دیے گئے ایک انٹرویو میں کہا تھا کہ طالبان سے امن معاہدہ کے علاوہ بھی افغانستان میں امریکی و نیٹو فوجیوں کی تعداد میں کمی کا جلد امکان ہے۔انہوں نے کہا تھا کہ وہ پرامید ہیں کہ ہم افغانستان میں اپنے لوگوں کی تعداد میں کمی لائیں گے لیکن یقین ہے کہ افغانستان دہشت گردوں کے لیے ایک محفوظ پناہ گاہ ثابت نہیں ہوگی جو امریکا پر حملہ کرسکے۔

واضح رہے کہ افغانستان میں 13 ہزار امریکی اور ہزاروں نیٹو فوجی موجود ہیں۔امریکی حکام نے کہا تھا کہ امریکی فوجیوں کی تعداد کم کرکے 8 ہزار 600 تک لائی جائے گی، جو صرف انسداد دہشت گردی کے منصوبوں میں معاونت فراہم کریں گے

فلپائن میں طوفان سے مچی تباہی کتنی ہوئی ہلاکتیں

تفصیلات کے مطابق فلپائن کے دارالحکومت منیلا میں سمندری طوفان کموری نے ہر طرف تباہی مچا دی اور مختلف حادثات میں اب تک 17 افراد ہلاک اور متعدد لاپتہ ہونے کی اطلاعات ہیں۔

گزشتہ روز سمندری طوفان کموری فلپائن کے جنوب مشرق میں واقع سب سے زیادہ آبادی والے جزیرے لوزون سے ٹکرایا تھا جس نے بڑے پیمانے پر تباہی مچاتے ہوئے نظام زندگی درہم برہم کر کے رکھ دیا ہے۔

غیر ملکی میڈیا کے مطابق سمندری طوفان کموری کے باعث مخلتف حادثات میں ہلاکتوں کی تعداد 17 ہو گئی ہے جب کہ متعدد گھر تباہ، ہزاروں افراد لاپتہ و بے گھر، اور 15 ملین ڈالرز کا نقصان ہو چکا ہے۔

ترجمان ڈیزاسٹر ایجنسی مارک ٹمبل کے مطابق طوفان کے خطرے کے باعث تقریباً 3 لاکھ 45 ہزار افراد حفاظتی مراکز میں موجود ہیں جو اپنے گھر واپسی کے لیے حکام کی منظوری کے منتظر ہیں۔

طوفان کموری منگل کے روز فلپائن میں داخل ہوا ، گھروں سے چھتوں کو توڑ دیا ، بجلی کی لائنیں گرادیں اور ڈیڑھ لاکھ افراد کو انخلا کے مراکز میں الجھادیا ، طوفان کے منتظر ہونے کا انتظار کیا۔ کم از کم 17 افراد ہلاک ہوگئے۔

منیلا کا بین الاقوامی ہوائی اڈہ طوفان کے دوران 12 گھنٹوں کے لئے بند رہا ، جس کے نتیجے میں قریب 500 پروازیں منسوخ ہوگئیں۔ افسران نے کاموری کے طور پر متاثرہ علاقوں میں سمندری ٹریفک معطل کردیا ، جس نے ہوا کے جھونکوں کو 150 میل فی گھنٹہ کی رفتار سے باندھتے ہوئے فلپائنی جزیرے میں دوسرے دن بھی دخل اندازی کی۔

حکام نے بتایا کہ بدھ کے اوائل تک طوفان قدرے کم ہو گیا تھا ، لیکن توقع ہے کہ تیز بارش کا سلسلہ جاری رہے گا۔ حکام نے خدشہ ظاہر کیا تھا کہ سیلاب سے دارالحکومت منیلا اور اس کے آس پاس کے علاقوں میں سیلاب آسکتا ہے ، جس میں ایک کروڑ سے زیادہ افراد آباد ہوں گے۔

شام میں کرد علیحدگی پسندوں کو اب کن کے ہاتھوں سے ٹھکانے لگوایا جارہا

تفصیلات کے مطابق شام میں انسانی حقوق کے نگراں گروپ المرصد نے بدھ کے روز بتایا ہے کہ تل ابیض شہر کے جنوب میں واقع قصبوں میں گھروں کو منہدم کرنے کی کارروائیاں جاری ہیں۔ اس سے قبل شمالی شام میں سیکڑوں کرد شامی خاندان اُن علاقوں سے نقل مکانی کر گئے جہاں گذشتہ کئی ہفتوں کے دوران ترکی کے ہمنوا مسلح گروپ داخل ہو گئے تھے۔

ذرائع کے حوالے سے بتایا گیا ہے کہ ترکی نواز گروپوں نے شمالی رقہ کے دیہی علاقے میں تل ابیض کے جنوب میں واقع دیہات میں گھروں کو گرانا شروع کر دیا۔ گرائے جانے والے گھروں میں مقامی طور پر آباد کرد شہریوں کے گھر بھی شامل ہیں جو ترکی کے فوجی آپریشن کے بعد یہاں سے کوچ کر کے جا چکے ہیں۔ ان کے علاوہ مقامی آبادی میں شامل سیرین ڈیموکریٹک فورسز کے ارکان کے گھر بھی مسمار کیے جانے کی کارروائیوں کا شکار ہوئے۔
واضح رہے کہ ترکی شمالی شام میں کرد علیحدگی پسندوں کے صفائے کے لیے کاروائی کی تھی ، جس کی وجہ سے اس پر یورپ ، امریکا ، اور خطے کے دیگر ممالک کیطرف سے اس کی مخالفت کی گئ اور ترکی نے مقاصد تمام تر مخالفت کے باوجود حاصل کر لیے تھے.

واشنگٹن :اگلے 80 سالوں میں دنیا کے بڑے بڑے شہرسمندرمیں غرق ہوجائیں‌ گے،سائنسدانوں نےخطرے کی گھنٹی بجادی ،اطلاعات کےمطابق سائنس دانوں کا کہنا ہے کہ اس وقت دنیا بڑےموسمی تغیرات کی زد میں ہے اور یہ صورت حال روزبروز بگڑرہی ہے،

Within 80 years, entire cities could be underwater.#StartHere breaks down #ClimateChange pic.twitter.com/oUjLu2DNCz

— Al Jazeera English (@AJEnglish) December 4, 2019

سائنسدان کہتے ہیں‌ کہ ویسے بھی زمین پر 71 فیصد پانی اور 29 فیصد خشکی ہے۔اس خشک حصے کا 20 فیصد پہاڑوں پر مشتمل ہے اور 20 فیصد حصہ برف سے ڈھکا ہوا ہے جس میں پورا براعظم انٹار کٹیکا شامل ہے جہاں برف کے عظیم الشان گلیشیر بھی موجود ہیں۔زمین کا درجہ حرارت مسلسل بڑھ رہا ہے،

سائنس دانوں کا کہنا ہےکہ زمین کا درجہ حرارت مسلسل بڑھ رہا ہے اس کی وجہ انسان خود ہے جو اپنی ایجادات،درختوں کے کٹاؤ اور دیگر اقسام کی ماحولیاتی آلودگی پھیلانے کے سبب زمین کے اطراف موجود اوزون کی تہہ ختم کررہا ہے جس کے باعث دھوپ کی شعاعیں چھن کر آنے کے بجائے براہ راست زمین پر پڑ رہی ہیں اور درجہ حرارت بڑھ رہا ہے۔برف کے پہاڑ پگھلنے لگے،

اقوام متحدہ میں پیش کی جانے والی اس خطرناک رپورٹ میں انکشاف کیا گیا ہے کہ درجہ حرارت بڑھنے کے سبب زمین پر موجود برف کے عظیم الشان پہاڑ متاثر ہیں اور حالیہ رپورٹس کے مطابق ان کے پگھلنے کی شرح میں تیزی سے اضافہ ہورہا ہے نتیجے میں سمندروں میں پانی کی مقدار مسلسل بڑھ رہی ہے اور سطح آب مسلسل بلند ہورہی ہے۔

چند روز قبل ہی عالمی اداروں نے رپورٹ دی ہے کہ زمین کا درجہ حرارت بڑھنے کے سبب قطب جنوبی میں واقع براعظم انٹارکٹیکا میں6 ہزار مربع کلومیٹر برفانی تودہ شگاف پڑ جانے کے باعث ٹوٹ کر خطے سے علیحدہ ہوگیا۔دنیا کے کئی بڑے شہر غرق ہونے کی پیش گوئیاں،

سطح سمندر بلند ہونے سے زمین کا خشک حصہ کم ہورہا ہے حتیٰ کہ کچھ اداروں نے برسوں بعد دنیا کے کئی بڑے شہر غرق آب ہونے کی پیش گوئی بھی کررکھی ہے جو کہ سمندر کنارے واقع ہیں۔یہ واقعی حقیت ہے کہ درجہ حرارت اگر اسی طرح بڑھتا رہاتو سمندر میں پانی کی سطح کئی انچ تک بلند ہوجائے گیاور پانی سمندر کنارے بنے شہروں میں داخل ہوجائے گا