Author: +9251

عیسائیت کے روحانی پیشوا نے ایٹمی ہتھیاروں بارے اہم مطالبہ کردیا

تفصیلات کے مطابق خبر رساں ادارے روئٹرز کے مطابق پوپ فرانسس نے ناگاساکی کے ایٹم بم ہائپوسنٹر پارک، وہ مقام جہاں پر ایٹم بم گرایا گیا تھا، پر خطاب کرتے ہوئے ایٹمی عدم پھیلاؤ کے معاہدوں کے خاتمے پر بھی افسوس کا اظہار کیا۔عیسائیت کے روحانی پیشوا نے دنیا بھر سے ایٹمی ہتھیار تلف کرنے کی اپیل کی ہے.

جاپان کے شہر ناگاساکی اور ہیروشیما ہی صرف دنیا کے وہ شہر ہیں جنھیں اب تک ایٹمی حملوں کا سامنا کرنا پڑا ہے۔ ناگاساکی پر 9 اگست 1945 کو امریکہ کی جانب سے دوسری عالمی جنگ میں ایٹم بم گرایا گیا تھا جس میں یک دم 27 ہزار افراد ہلاک ہو گئے تھے۔

جی 20 ممالک کی سربراہی جاپان سے اہم مسلم ملک کے سپرد

تفصیلات کے مطابق جاپان کے شہر تسوکوبا میں ہونے والے دورہ اجلاس میں آزادانہ تجارت اور ڈیجیٹل اکنامی جیسے معاملات کا جائزہ لیا جارہا ہے۔ جاپان کے وزیر ٹیلی مواصلات ماسا توشی ایشیدا اور وزیر اقتصاد و تجارت ہیرو شیگے سیکو گروپ بیس کے اقتصادی اور تجارتی اجلاس کی صدارت کر رہے ہیں۔
اس اجلاس کے ساتھ ہی جنوب مغربی شہر فوکو اوکا میں گروپ بیس کے رکن ملکوں کے مرکزی بینکوں کا اجلاس بھی شروع ہوگیا ہے جس کا مقصد ٹیکسوں کے نظام میں اصلاحات اور پائیدار اقتصادی ترقی کے جیسے معاملات کا جائزہ لینا ہے۔

سعودی عرب کے وزیر خارجہ شہزادہ فیصل بن فرحان کو جاپان کے وزیر خارجہ توشی مِٹسو موٹیجی نے نیگویا میں منعقدہ ایک تقریب میں گروپ 20 کی صدارت کاعلامتی نشان باضابطہ طور پرحوالے کردیا ہے۔گروپ 20 کا 2020ء میں سربراہ اجلاس سعودی دارالحکومت الریاض میں منعقد ہوگا۔

شہزادہ فیصل جمعہ کو جاپان پہنچے تھے۔انھوں نے گروپ 20 کے وزرائے خارجہ کے دوروزہ اجلاس میں شرکت کی ہے۔اس میں آزاد تجارت ،پائیدار ترقی اور افریقا کی تیزی سے ترقی کرتی معیشتوں کی امداد سے متعلق امور پر غور کیا گیا ہے۔یہ جاپان میں منعقد ہونے والے گروپ کے آٹھ وزارتی اجلاسوں کا اس سال آخری اجلاس تھا۔