Author: +9251

مصر نے اسرائیل سے غزہ کے متعلق اہم مطالبہ کر دیا

تفصیلات کے مطابق مصر نے اسرائیل سے مطالبہ کیا ہے کہ وہ غزہ میں حملوں اور شہریوں کو نشانہ بنانے کا سلسلہ روک دے۔
ذرائع کے مطابق مصر نے اسرائیل پر زور دیا ہے کہ وہ جنگ بندی کی طرف واپس آئے۔مصر نے غزہ پٹی میں حالیہ جارحیت اور کشیدگی کا ذمے دار اسرائیل کو ٹھہرایا ہے۔

غزہ میں جزوی فائر بندی کا کمزور معاہدہ دو روز سے نافذ العمل ہے تاہم العربیہ کے ذرائع نے ہفتے کے روز بتایا ہے کہ اسرائیلی فضائی حملوں میں غزہ پٹی میں فلسطینی گروپوں کے ٹھکانوں کو نشانہ بنایا گیا ہے۔ علاوہ ازیں حماس کے ٹھکانوں پر بھی حملے کیے گئے جن میں پولیس کا ایک صدر دفتر شامل ہے۔

اسرائیلی طیاروں نے غزہ پٹی کے شمال میں حماس کے عسکری ونگ القسام بریگیڈز کے ٹھکانے پر 6 اور غزہ کے شمال مغرب میں القسام کی بحری فورس کے ٹھکانے پر 9 میزائل داغے۔
اس سے پہلے غزہ کے شفا اسپتال میں نو نعشیں منتقل کی گئی ہیں۔انھیں آج صبح ٹیکسیوں اور ایمبولینس گاڑیوں کے ذریعے لایا گیا تھا۔ تمام عام شہری تھے اور غزہ شہر کےگنجان آباد علاقے میں مقیم تھے۔ان شہداء میں ایک فلسطینی باپ بیٹا بھی شامل تھے اور ان کا ایک بیٹا شدید زخمی ہوگیا.

ایران میں‌ مظاہرین نے اہم فورس کے دفتر کو آگ لگادی

باغی ٹی وی : ایران میں ایندھن کی قیمتوں میں اضافے کےبعد ملک میں جاری احتجاج کے دوران پاسداران انقلاب کے زیرانتظام ‘باسیج فورس’ کے صدر دفتر کو آگ لگا دی۔

ایرانی مظاہرین کی طرف سے نہ صرف باسیج ملیشیا کے مرکز کو آگ لگا دی بلکہ اس کی فوٹیج بھی سوشل میڈیا پر پوسٹ کی گئی ہے۔

گذشتہ روز سیرجان میں ایک احتجاجی کی ہلاکت کے بعد پٹرول کی قیمتوں میں اضافےکے خلا جاری پرتشدد مظاہروں کے دوران پولیس کے ہاتھوں طاقت کے استعمال کے نتیجے میں نو افراد ہلاک ہوئے ہیں۔ چارافراد کی المحمرہ شہر میں ہلاکت کی تصدیق کی گئی ہے جب کہ اھواز شہر میں پولیس کی طرف سے مظاہرین کے خلاف کیے گئے حملوں میں 13 افراد زخمی ہوئے ہیں۔فارسی زبان کے آن لائن چینل ‘در’ کے مطابق ہفتے کے روز ملک بھرمیں 53 شہروں میں مظاہرے ہوئے۔ ان میں سے کئی مظاہروں میں پولیس اور مظاہرین کے درمیان براہ راست جھڑپیں ہوئیں۔

اس سے پہلے جب تیل کی قیمتوں میں اضافہ ہوا عوام سٹرکوں پر آگئی تھی اور ٹریفک جام ہو گئی تھی ، ایران میں سوشل میڈیا پر کئی تصاویر اور وڈیو کلپ وائرل ہو رہے ہیں جن میں اصفہان، الاہواز اور ارومیہ میں سیکڑوں شہریوں کو پٹرول اسٹیشنوں پر طویل قطاروں میں کھایا گیا ہے۔ اسٹیشنوں کے نزدیک سیکورٹی فورسز اور ہنگامہ آرائی کے انسداد کی فورسز کے اہل کار بڑی تعداد میں تعینات کر دیے گئے ہیں۔

یمن میں اتحادی فوج نے ایک در اندازی کا کوشش کو ناکام بنا دیا اور دراندازی کی کوشش کرنے والے دہشت گردون کو ہلاک کر دیا.

باغی ٹی وی : یمن کے مغربی صوبے الحدیدہ کے جنوب میں واقع علاقے میں دراندازی کی کوشش میں حوثی ملیشیا کے متعدد ارکان ہلاک اور زخمی ہو گئے۔

مشترکہ فورسز کے عسکری میڈیا کے ایک بیان کے مطابق مغربی ساحل میں التحیتا ضلع کے علاقے الفازہ میں مذکورہ فورسز کے ٹھکانوں کی جانب حوثی ارکان کی دراندازی کو ناکام بنا دیا گیا۔ اس دوران 7 حوثی باغی اپنی جانوں سے ہاتھ دھو بیٹھے اور کئی زخمی ہوئے جب کہ بقیہ فرار ہو گئے۔ نشانہ بننے والے حوثیوں میں دو نشانچیوں کے علاوہ آر پی جی اور کلاشنکوف کے حامل پیدل ارکان شامل ہیں۔
یاد رہے کہ یمنی حکومت اور جنوبی عبوری کونسل کے درمیان ریاض معاہدہ سعودی دارالحکومت میں منعقد ہوا تھا جس کے بعد خیال کیا جا رہا تھا کہ یمن میں لڑائی میں‌کمی واقع ہو گی۔ اس موقع پر سعودی ولی عہد شہزادہ محمد بن سلمان، یمنی صدر عبدربہ منصور ہادی اور ابوظبی کے ولی عہد شیخ محمد بن زاید موجود تھے۔

شام میں روسی فوج نے پھر سے مظلوم شامیوں‌ پر قہر برسا دیا

شام میں بشار الاسد انتظامیہ کے حامی ملک روس کی طرف سے ادلب ٹینشن فری زون کے رہائشی علاقوں پر فضائی حملوں میں 3 شہری ہلاک ہو گئے ہیں۔

شامی مخالفین کے ائیر ٹاور کے مطابق روسی جنگی طیاروں نے ادلب ٹینشن فری زون کی حدود میں واقع علاقوں مارزیتہ، عرینیبہ اور مارت حرما دیہاتوں پر فضائی حملے کئے۔

ادلب سول ڈیفنس حکام سے موصول معلومات کے مطابق حملوں کے نتیجے میں مارزیتہ گاوں میں 3 افراد ہلاک ہو گئے ہیں۔
اسد انتظامیہ نے بھی ادلب کی جنوب اور جنوب مشرقی تحصیل کفر عنبل اور بساکلا، حزرین اور مارت السِن دیہاتوں پر مارٹر ، توپ اور راکٹ جیسے زمین سے زمین پر مار کرنے والے اسلحے سے حملے کئے ہیں۔
واضح رہے کہ اسدی فوج کی حمایت روسی فوج کر رہی ہے اور اس سے پہلے اپنے سیاسی مخالفین پربشار الاسد کی افواج روسی فضائیہ کی مدد سے کئی شہروں کو ملیا میٹ کر چکی ہے.