Author: +9251

ریاض :تبدیلی سعودی عرب پہنچ گئی ،نصاب میں موسیقی،تھیٹراوردیگرفنون شامل کردیئے گئے ہیں، اطلاعات کے مطابق سعودی وزیر تعلیم نے کہا ہے ک نئی ثقافتی اور فنی سرگرمیوں کے اجازت ناموں کے اجرا کا اختیار وزارت ثقافت کو منتقل کیا جائے گا۔

تفصیلات کے مطابق سعودی وزیر تعلیم کے ساتھ ملاقات کے بعد شہزادہ بدر نے انکشاف کیا ہے کہ مملکت کے اسکولوں میں موسیقی، تھیٹر اور دیگر فنون متعارف کرائے جائیں گے۔سعودی وزیر ثقافت نے ٹویٹر پر اسکول کے بچوں کے میوزیکل بینڈ کی ایک پرانی بلیک اینڈ وائٹ تصویر بھی پوسٹ کی اور اس کے ساتھ یہ عبارت تحریر کی خوب صورت دن واپس آئیں گے۔

دوسری جانب سعودی عرب کے وزیر تعلیم حمد آل الشیخ کا کہنا تھا کہ وہ ابتدائی طور پر وزیر ثقافت کے ساتھ متفق ہو گئے ہیں جس کے تحت تعلیمی نصاب اور سرگرمیوں میں بعض فنون کو شامل کیا جائے گا اور نئی ثقافتی اور فنی سرگرمیوں کے اجازت ناموں کے اجرا کا اختیار وزارت ثقافت کو منتقل کیا جائے گا۔

یاد رہے کہ پاکستان جہاں ایک عرصے سے سکولوں ،کالجوں اور یونیورسٹیز میں موسیقی اور ناچ گانے کا بہت زیادہ رواج پھیل گیا تھا عمران خان کے حکومت نے اس ختم کرنے کی بھرپورکوشش کی ہے اور تعلیمی اداروں میں ناچ گانے پر پابندی لگا دی ہے دوسری طرف سعودی عرب جو کہ اسلام کا مرکز و محور ہے وہاں یہ کلچر سرکاری طور پر اپنانے کی کوشش کی جارہی ہے، سعودی حکومت وژن 2030 کے تحت مختلف اقدامات کررہی ہے، مملکت میں اس حوالے سے روشن خیالی سے متعلق اہم اقدامات بھی اٹھائے جارہے ہیں۔

قطر اور صومالیہ کے درمیان ایک مبہم اور پر اسرار معاہدہ ہوا ہے.

باغی ٹی وی رپورٹ : خلیجی ریاست قطر کی حکومت افریقی ملک صومالیہ کے ساتھ ٹیلی کیمونیکیشن کے شعبے میں ایک نیا اور پراسرار معاہدہ کیا ہے۔ اس معاہدے کے تحت مصنوعی سیارے کا استعمال، اور سیٹلائٹ ایریا سروس کے لیے زمین کا حصوہ بھی شامل ہے۔

قطری دارالحکومت دوحہ میں حال ہی میں قطر انفارمیشن ٹیکنالوجی کانفرنس اور نمائش ‘KITCOM 2019’ میں قطر کے وزیر مواصلات جاسم بن سیف السلیطی اور صومالی وزیر برائے ڈاک برائے اور ٹیلی مواصلات عبدی عاشور حسن نے دونوں ممالک کی حکومتوں کے مابین سیٹلائٹ سروس ایریا میں زمین کی باہمی شمولیت کے معاہدے پر دستخط کیے۔

ادھر بحرین کے وزیر خارجہ شیخ خالد بن احمد آل خليفہ کا کہنا ہے کہ قطر یمن کے حل کے راہ میں رکاوٹ بن رہی ہے، یہ بات قطر کی جانب سے میڈیا میں سامنے آنے والے موقف سے ظاہر ہوتی ہے”۔ آل خلیفہ کے مطابق یمنی حکومت اور جنوبی کونسل کے درمیان سمجھوتے کے حوالے سے پیش رفت آگے کی جانب بڑھنے کے لیے بہت اہمیت کی حامل ہے اور یمن میں استحکام کے مستقبل پر اس کے مثبت اثرات ہوں گے۔بحرین نے قطر پر الزام لگایا ہے کہ وہ یمن کا مسئلہ کرنے میں رکاوٹ بن رہا ہے.

بارش نے برطانیہ میں تباہی مچا دی ، مانچسٹر بھی لاہور کراچی کا سماں پیدا کرنے لگا.

برطانیہ کے شہر مانچسٹر کو شدید بارشوں نے لپیٹ میں لے لیا ہے، شہر میں بارشوں کے باعث متعدد علاقے زیر آب آگئے۔
مانچسٹر میں گزشتہ روز سے اب تک 60 ملی میٹر بارش ریکارڈ کی گئی ہے، شہر سیلابی صورت حال کی زد پر ہے، مانچسٹر اور لیڈز میں ٹرینوں کی آمدورفت معطل ہوگئی۔

مضافاتی علاقوں میں شاہراہیں بند کر دی گئیں۔ ریلوے لائن زیر آب آنے سے مانچسٹر اور لیڈز میں ٹرینوں کی آمدورفت بھی معطل ہو گئی۔ محکمہ موسمیات کی جانب سے مزید بارشوں کی پیشگوئی کی گئی ہے۔

نواز شریف کے پلیٹ لیٹس کم،سفر کر سکیں گے یا نہیں؟ میڈیکل بورڈ نے سر پکڑ لیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا