لاہور: پاکستان شوبز کی دنیا میں جیون ساتھیوں کی کہانی بھی بڑی عجیب اور دلچسپ ہوتی ہے، اداکارائیں اپنے جیون ساتھی کی تلاش کے معاملے پر بڑی احتیاط سے کام لیتی ہیں، دوسری طرف ایک ایسے ہی جیون ساتھی کے قصے مشہور ہونا شروع ہوگئے ہیں، اطلاعات کے مطابق سوشل میڈیا پراداکارہ و ماڈل ماورا حسین کی ان کے دوست کے ساتھ وائرل ہونے والی تصاویر کے بعد افواہیں گردش کررہی ہیں کہ بہت جلد وہ اپنے رشتے کا باقائدہ اعلان کرنے والی ہیں۔
ذرائع کےمطابق اس وقت سوشل میڈیا پرگردش کرنے والی خبروں کے مطابق بالآخر ماورا حسین کو ان کے دوست افضل لغاری کے روپ میں ان کی محبت مل گئی۔ دونوں کئی مقامات پرایک ساتھ دیکھے گئے ہیں جب کہ افضل کراچی میں منعقد ہونے والے فیشن پاکستان ویک میں بھی موجود تھے جہاں ماورا نے فہد مصطفیٰ کے ساتھ ریمپ پر واک کی تھی۔
ایک مقامی ویب سائٹ کے مطابق افضل لغاری اسلام آباد کے رہائشی اوررئیل اسٹیٹ کے بزنس سے وابستہ ہیں اس کے علاوہ وہ لنکس ایجوکیشنل انسٹی ٹیوٹ میں بطورڈائریکٹر بھی خدمات انجام دے رہے ہیں۔یہ بھی معلوم ہوا ہےکہ افضال لغاری بھی ماوراحسین کی دل سے قدر کرتے ہیںاوروہ بھی کچھ ایسی ہی خواہش رکھتے ہیں جو ماورا حسین کی ہے
یہ بھی معلوم ہوا ہے کہ ماورا اور افضل واقعی دوست ہیں یا دونوں کے درمیان رشتہ دوستی سے بڑھ کر ہے اس حوالے سے فی الحال ماورا کا کوئی بیان جاری نہیں ہوا۔ تاہم ان کے مداح جاننے کے لیے بے چین ہیں کہ ماورا کا جیون ساتھی کون ہوگا۔