لاہور:ماہ ربیع الاول کا چاند نظر آگیا، ربیع الاول کا چاند نظر آتے ہی اہل اسلام میں خوشی کی لہر،12ربیع الاول 10 نومبر بروز اتوار کو مذہبی عقیدت و احترام سے منائی جائے گی۔واضح رہے ربیع الاول کا چاند نظر آتے ہی فرزندان اسلام نے ایک دوسرے کو مبارکباد دینے کا سلسلہ شروع کردیا ہے
ماہ ربیع الاول کا چاند دیکھنے کے لیے صوبائی رویت ہلال کمیٹی کا اجلاس ایوان اوقاف میں ہوا جس میں مفتی انتخاب نوری اور مفتی مصطفی ثاقب سمیت محکمہ موسمیات کے نمائندے شریک ہوئے۔ حکومت کی طرف سے اس ماہ مقدس میں بہترین انتظامات کرنے کا اعلان کیا گیا ہے اور کہا گیا ہے کہ اس ماہ مقدس میں تمام لوگ امن وامان کا مظاہرہ کریں
صوبائی رویت ہلال کمیٹی کا اجلاس پانچ بج کر انیس منٹ پر شروع ہو کر ساڑھے چھ بجے تک جاری رہا۔ اس دوران کمیٹی ممبران نے چاند دیکھنے کی کوشش کی تاہم مطلع گرد آلود ہونے کی وجہ سے چاند نظر آنے کی شہادت موصول نہ ہو سکی۔ ملک کے دیگر علاقوں سے شہادتیں موصول ہونے پر مرکزی رویت ہلال کمیٹی نے چاند نظر آنے کا اعلان کر دیا۔
