نواز شریف کی ضمانت ہوگی یا نہیں‌ اہم فیصلہ ہوگیا
اسلام آباد ہائیکورٹ کے جسٹس عامر فاروق اور جسٹس محسن اختر کیانی پر مشتمل بینچ درخواست پر سماعت ہوئی، عدالت نے ہفتے کے روز اسی کیس میں نوازشریف کی منگل تک عبوری ضمانت منظور کی تھی۔آج تمام فریقین کے دلائل سننے کے بعد عدالت نے فیصلہ محفوظ کر لیا
عدالت نے وزیر اعلیٰ پنجاب کو بھی طلب کر رکھا تھاجن سے نواز شریف کی صحت کی سہولیات بارے جیل کی اصلاحات اور دیگر قیدیوں‌ کی صحت اور سہولیات بارے استفسار کیا گیا.اس کے بعد میڈیکل بورڈ نے اپنی رپورٹ پیش کی نیب نے ضمانت کی مخالفت میں دلائل دیے ، اسی طرح‌ نواز شریف کے وکیل خواجہ حارث نے کہا کہ نواز شریف کی صورت حال انتہائی تشویشناک ہے ، ڈاکٹر ایک مرض کا علاج کرتےہیں تو دوسرا شروع ہو جاتا ہے .ہمیں ڈاکٹروں کی لیاقت اور قابلیت پر شک نہیں لیکن انہیں ایسا ماحول دینا چاہیے جہاں سب بیماریوں کے ماہر ڈاکٹر ہوں‌.ان کی صحت اتنی خراب ہے کہ صرف ایئر ایمبولینس پر باہر جاسکتے ہیں.ہم یہ نہیں‌کہتے کہ وہ باہر جائیں ، اگر یہ ناگزیر ہے تو ان کو باہر جانے کی سہولت فراہم کی جائے.
جب کہ نیب نے نواز شریف کی ضمانت کی مخالفت کی ہے .ہمیں انتظامیہ کے رحم و کرم پر نہ چھوڑا جائے، عدالت نواز شریف کی درخواست پر فیصلہ دے تاکہ انتظامیہ عملدرآمد کر سکے.اس پر جسٹس عامر فاروق نےکہا کہاب ہمارے پاس 4آپشنز ہیں،ایک درخواست منظور کریں،دوسرا مختصر وقت دیں کہ علاج کروایا سکے،تیسرا دلائل سنتے رہیں اور چوتھا یہ کہ درخواست مسترد کردیں، ان دلائل کو سننے کے بعد عدالت نے فیصلہ محفوظ کر لیا

اسلام آباد :اسلام آباد ہائی کورٹ میں طبی بنیادوں پر درخواست ضمانت کی سماعت میں نیب نے نواز شریف کی ضمانت پر بیرون ملک علاج کی مخالفت کر دی اور کہا نواز شریف کاعلاج بہترین ڈاکٹرز کررہےہیں۔

تفصیلات کے مطابق اسلام آباد ہائی کورٹ میں جسٹس عامر فاروق ،جسٹس محسن اخترکیانی پرمشتمل ڈویژن بینچ العزیزیہ ریفرنس میں سابق وزیراعظم نوازشریف کی طبی بنیاد پر درخواست ضمانت اور سزا معطلی پر سماعت کررہا ہے۔

ایڈیشنل پراسیکیوٹر جنرل نیب جہانزیب بھروانہ روسٹرم پردلائل میں کہا ہے کہ سپریم کورٹ نےعلاج کیلئے6ہفتےسزامعطل کی تھی اور سزامعطلی پرکچھ پیرامیٹرزطےکئےتھے، جس پر جسٹس عامرفاروق کا کہنا تھا کہ حکومت کے پاس بیمار قیدی کیلئے اختیارات موجود ہیں

جہانزیب بھروانہ نے طبی بنیادپرضمانت کاسپریم کورٹ کافیصلہ پڑھ کرسنایا اور کہا ہم طبی معاملات کے ماہر نہیں، جس پر جسٹس عامر فاروق نے استفسار کیا عدالت کو ایک چیز بتائیں، کوٹ لکھپت اور اڈیالہ جیل پنجاب ہیں، ان دونوں جیلوں کے قیدیوں کافیصلہ کون کرے گا۔

نیب نے نواز شریف کی ضمانت کی مخالفت کردی اور کہا نواز شریف کاعلاج بہترین ڈاکٹرز کررہےہیں، نیب کیس میں سزا پر426 لاگو نہیں ہوتا، جس پر جسٹس عامرفاروق کا کہنا تھا کہ 401 کے اختیارات پرعملدرآمدکراناوفاق ،صوبائی حکومت کا کام ہے ، تو جہانزیب بھروانہ نے کہا دونوں کے پاس احتیارات ہیں۔

عدالت نے کہا اسلام آباد میں سزا پانیوالا قیدی جیل جائے تو کسٹڈی کون ریگولیٹ کرےگا؟ اڈیالہ جیل اورکوٹ لکھپت دونوں ہی پنجاب میں ہیں، نیب ایڈیشنل پراسیکیوٹر نے کہا نواز شریف کےبیرون ملک جانے پر اعتراض ہے۔