لاہور۔پاکستان اور ترکی دو اسلامی برادرملک دنوں کی عوام کے دل بھی ایک دوسرے کے لیے دھڑکتے ہیں اور ایک دوسرے سے پیارکرتے ہیں، ترکی پاکستان کی خوشیوں میں برابر کا شریک ہوتا ہے اور پاکستان ترکی کی خوشیوں کو دوبالا کرتا ہے ، اسی لیے آج ترکی کے قومی دن پرجہاں‌وزیراعظم عمران خان نے ترک صدر کو مبارک باد دی وہاں‌ وزیراعلیٰ پنجاب سردار عثمان بزدار نے ترکی کے قومی دن کے موقع پر ترک صدر رجب طیب اردوان اور ترک عوام کو مبارکباد دی ہے۔

مسجد کے باہر فائرنگ سے 2 افراد زخمی

وزیراعلیٰ عثمان بزدار نے اپنے تہنیتی پیغام میں کہا کہ پاکستان اور ترکی کے عوام کے مابین باہمی احترام کا مضبوط رشتہ موجود ہے۔پاکستان اور ترکی کے درمیان لازوال تاریخی برادرانہ تعلقات ہیں اور دونوں ممالک کے عوام کے دل ایک ساتھ دھڑکتے ہیں۔۔پاکستان اور ترکی کے عوام ایک دوسرے کی کامیابیوں اور مشکل گھڑیوں میں ہمیشہ ایک دوسرے کے ساتھ کھڑے نظر آئے ہیں۔

زلمے خلیل زاد کی وزیراعظم سے ملاقات،اہم پیش رفت

ہر گزرتے لمحے پاکستان اور ترکی کی دوستی مضبوط تر ہو رہی ہے۔ انہوں نے کہا کہ پاکستان اور ترکی کے عوام محبت، بھائی چارے اور اخوت کے تاریخی رشتوں میں بندھے ہوئے ہیں۔ وزیراعلیٰ نے کہا کہ ترکی نے اپنے قائد رجب طیب اردوان کی ولولہ انگیز قیادت میں بے پناہ ترقی کی ہے۔

کشمیرمیں کرفیو کا 86 واں دن،نہ غذا نہ دوا،دنیا خاموش،بہت افسوس،بہت افسوس

انہوں نے کہا کہ ترکی کی حکومت اور عوام نے عالمی سطح پر پاکستان کے ہر موقف کی بھرپور تائید کی ہے اور مسئلہ کشمیر پر ترکی کی حمایت پر اس کے شکر گزار ہیں۔ پاکستان اور ترکی کے درمیان دوستی اورمحبت کے رشتے ازل سے ہیں اور ابد تک رہیں گے۔ پاکستان کے عوام اپنے برادر ملک ترکی کی بے مثال ترقی پر فخر کرتے ہیں

لاہور: حکومتی کمیٹی سے گرینڈ ہیلتھ الائنس کے مزاکرات ناکام ہوگئے ہیں‌،دوسری طرف حکومت نے اس احتجاجی تحریک کے ماسٹرمائنڈ ڈاکٹروں کو ان کے عہدوں سے فارغ کرتےہوئے نوٹیفکیشن بھی جاری کردیا ہے،

محکمہ صحت کے ذرائع کے مطابق معطل کیے جانے والے ڈاکٹرز پنجاب بھرسے محکمہ کے دیگر ملازمین کو حکومت اور اداروں کے خلاف اکسانے اوراحتجاجی تحریک کو جاری رکھنے کا کام کررہے تھے ، محکمہ صحت نے مضبوط اطلاعات کی بنیاد پرینگ ڈاکٹرز ایسوسی ایشن کے پیٹرن انچیف سمیت 5 احتجاجی ڈاکٹرزکو معطل کردیا

ذرائع کے مطابق معطل کیے جانے والے ڈاکٹروں میں سے ڈاکٹر عاطف مجید کو نوکری سے فارغ کرنے کا نوٹیفیکیشن جاری کردیا گیا ہے جو کہ لاہور کے سروسز ہسپتال میں میڈیکل آفیسر ہیں

باغی ٹی وی کے مطابق دوسرے معطل ہونے والے ڈاکٹروائی ڈے اے میوہسپتال کے صدر ڈاکٹر محمود اور وائی ڈی اے میو کے جنرل سیکرٹری ڈاکٹر بلال احمد کو معطل کردیا گیا، دیگر معطل ہونے والے ڈاکٹروں میں میو اسپتال کے ڈاکٹر ظفر اقبال، ڈاکٹر عظیم بھی شامل ہیں‌

چارسدہ (نمائندہ باغی ٹی وی) پورے صوبے کی طرح چارسدہ میں بھی ظالمانہ ٹیکسز اور تاجروں کے ساتھ حکومتی ناروا سلوک کے خلاف تاجر برادری کی جانب سے مکمل شٹرڈاون ہڑتال، آل تاجر فیڈریشن کا فاروق اعظم چوک پر ہڑتالی کیمپ کا انعقاد، مرکزی تحصیل بازار سمیت تجارتی مراکز میں کاروباری سرگرمیاں معطل شٹرڈاون ہڑتال تینوں تحصیلوں چارسدہ, تنگی اور شبقدر میں کی جا رہی ہے.

اسلام آباد :وزیراعظم نے پاکستان کو ایف اے ٹی ایف کی گرے لسٹ سے نہ نکالنے کی وجوہات کاجائزہ لینے اور آئندہ کے لیے بہترین حکمت عملی طئے کرنے کے لیے دہشت گردی کے لیے مالی معاونت اور منی لانڈرنگ کی روک تھام کے لیے بنائی گئی نیشنل ایگزیکٹو کمیٹی (این ای سی) میں پہلی مرتبہ ڈائریکٹر جنرل ملٹری آپریشنز (ڈی جی ایم او) اور ڈائریکٹر جنرل (ڈی جی) انٹر سروسز انٹیلی جنس (آئی ایس آئی) کی شمولیت کا فیصلہ کرلیا ہے۔

مصنوعی کیلشئیم ۔ خون کی شریانوں کے امراض کا خطرہ

معتبر ذرائع کے مطابق اسی سلسلے میں وفاقی کابینہ کے اجلاس میں آج (29 اکتوبر) کو دونوں عسکری افسران کی این ای سی میں شمولیت سے متعلق فیصلہ کرلیا جائے گا وفاقی کابینہ فنانس ڈویژن کی پیش کردہ درخواست پر فیصلہ کرے گی اور یہ ملکی تاریخ میں پہلی مرتبہ ہوگا کہ دو اعلیٰ عہدوں پر فائز فوجی افسران کو کسی قومی کمیٹی میں شامل کیا جائے گا۔

واضح رہے کہ این ڈی سی قومی اور علاقائی تعاون پر مشتمل طویل المعیاد منصوبہ بندی کی منظوری دیتی ہے۔اس سے قبل رواں برس جون میں وزیراعظم عمران خان نے چیف آف آرمی اسٹاف جنرل قمر جاوید باوجوہ کو 13 رکنی نیشنل ڈیولپمنٹ کونسل (این ڈی سی) میں شامل کیا تھا۔آج کے اجلاس میں وفاقی کابنیہ کے ایجنڈے کے مطابق وفاقی وزیر برائے اقتصادی امور حماد اظہر کو بھی این ای سی میں شامل کرنے کا فیصلہ ہوگا۔

اسمٰعیل شاہ وفات پا گئے

این ای سی میں ڈی جی ایم او اور ڈی جی آئی ایس آئی کی این ای سی میں بطور جنرل کمیٹی (جی سی) رکن شمولیت اے ایم ایل ایکٹ 2010 کی شق 5 اور 5 اے کے تحت کی جائے گی۔واضح رہے کہ حالیہ دنوں میں وزیراعظم نے فنانشل ایکشن ٹاسک فورس (ایف اے ٹی ایف) کی 27 شرائط پر عملدرآمد کے لیے نئی حکمت عملی کی منظوری دی تھی تاکہ پاکستان کو گرے لسٹ سے نکلا جا سکے۔نئی حکمت عملی کی منطوری کے پیش نظر ہی اعلیٰ عسکری حکام اور وفاقی وزیر برائے اقتصادی امور کو این ای سی میں شامل کیا جانے کا امکان ہے۔

مسجد کے باہر فائرنگ سے 2 افراد زخمی

اسلام آباد:نادرا کافیصلہ معطل ، اطلاعات کے مطابق ابھی تھوڑی دیر پہلے اسلام آباد ہائی کورٹ نے جمعیت علمائے اسلام (ف) کے مرکزی رہنما اور سابق سینیٹر حافظ حمداللہ کی پاکستانی شہریت منسوخ کرنے کا فیصلہ معطل کرتے ہوئے نیشنل ڈیٹابیس اینڈ رجسٹریشن اتھارٹی (نادرا) سے 2 ہفتوں میں جواب طلب کرلیا۔

چیف جسٹس اطہر من اللہ کی سربراہی میں بینچ نے حافظ حمداللہ کی شہریت منسوخی کے خلاف درخواست پر سماعت کی، اس دوران درخواست گزار اور نادرا کے وکیل پیش ہوئے۔سماعت کے آغاز پر درخواست گزار کے وکیل نے موقف اپنایا کہ نادرا نے ان کے موکل کا شناختی کارڈ منسوخ کردیا ہے، اس فیصلے کے خلاف نادرا میں درخواست دی تاہم ایک ہفتے سے اس پر کوئی کارروائی نہیں ہوئی۔

نادرا کی جانب سے عدالت کو بتایا گیا کہ دسمبر 2018 میں پہلی مرتبہ حافظ حمد اللہ کو خط لکھا گیا، ضلع سطح کی کمیٹی کو آگاہ کیا گیا، جس کے بعد حافظ حمداللہ کمیٹی میں پیش ہوئےاورجو دستاویزات طلب کی تھیں، انہیں پیش کیا، تاہم یہ دستاویزات جعلی نکلیں۔اس پر ہائیکورٹ کے چیف جسٹس نے استفسار کیا کہ کیا حافظ حمداللہ کے بچے ہیں کیا ان کے پاکستانی شناختی کارڈ بنے ہوئے ہیں، جس پر درخواست گزار کے وکیل نے عدالت کو بتایا کہ جی بچوں کے شناختی کارڈ ہیں اور ایک بیٹا فوج میں بھی ہے۔

چیف جسٹس اطہرمن اللہ نے ریمارکس دیے کہ جو ماں اپنے بیٹے کو وطن پر قربان کرنے کے لیے بھیج دے کیا اُس کے شوہر کی شہریت پر کوئی شک ہو سکتا ہے؟بعدازاں عدالت نے ابتدائی دلائل سننے کے بعد حافظ حمد اللہ کی پاکستانی شہریت منسوخ کرنے کا نادرا کا فیصلہ معطل کردیا۔ساتھ ہی عدالت نے تاحکم ثانی حافظ حمداللہ کے خلاف کسی بھی قسم کا اقدام اٹھانے سے روک دیا۔