لاہور:دھرنے سے پھرتبدیلی آئے گی ،عمران خان نئے روپ میں آسکتے ہیں ،سالوں سے لٹکے ہوئے فیصلے ہفتوں میں ہوں گے،امریکہ چین،سعودی عرب،برطانیہ سمیت دنیا بھر کے کئی ممالک کی طرف سے اسٹیبلشمنٹ کویقین دہانی کرادی گئی ہے،معتبرذرائع کےحوالے سے یہ معلوم ہوا ہے کہ ان عالمی قوتوں نے وزیراعظم عمران خان کی حکومت کے مذہبی شدت پسندی ختم کرنے کی کوششوں پراعتماد کرتے ہوئے ہرممکن تعان کی یقین دہانی کرادی ہے،

باغی ٹی وی کومعتبرذرائع کے حوالے سے یہ معلوم ہوا ہے کہ وزیراعظم عمران خان کو ملک میں صدارتی نظام لانے کے سلسلے میں جورکاوٹیں حائل تھیں وہ دھرنے کی صورت میں ختم ہوجائیں گی اور مشکل کام بھی آسان ہوجائے گا،عمران خان کومقتدراداروں کی طرف سے یہ یقین دہانی کرادی گئی ہے کہ وہ بالکل پریشان نہ ہوں دونوں صورتوں میں فائدہ ہی ہے

معتبرذرائع کے حوالے سے یہ بھی معلوم ہوا ہے کہ ملک میں تبدیلی کے حوالےسے عمران خان کی حکومت جومسائل درپیش تھے ،وہ بھی نئے نظام میں ختم ہوجائیں گے ،کرپشن اوردیگراہم کیسزجوپچھلےحکمرانوں کے ملی بھگت سے اپنی کرپشن کو آئینی تحفظ دینے کےلیے قوانین بنائے گئے تھے اور جن کی کی وجہ سے رکاوٹین حائل تھیں وہ رکاوٹین بھی دھرنے کی برکت سے ختم ہوجائیں گی

ذرائع کے مطابق حکومت کے پاس اس وقت دو آپشنز ہیں ،پہلی آپشن یہ ہےکہ دھرنے سےاحسن انداز سے نبٹا جائے اور مولانا فضل الرحمن پرشکنجہ سخت کردیا جائے گا،اور دھرنے کے بعد مولانا فضل الرحمن بھی اپنے سیاسی یاروں کے ساتھ جیل کی سلاخوں کے پیچھے ہوں گے،دوسری صورت میں پھر سے ایک تبدیلی آسکتی ہے،جسے پاکستان کی 80 فیصدآبادی پسند کرتی ہے وہ ہے ملک میں صدارتی نظام،

سری نگر: بھارت کی جانب سے آرٹیکل 370 اے ختم کرنے کے بعد مقبوضہ کشمیر میں کرفیو نافذ ہوئے 81واں روز ہے، وادی میں تاحال زندگی مفلوج ہے۔ظلم وتشددکےسلسلے اب 12 ویں ہفتے میں داخل ہوچکے ہیں ، مسلسل لاک ڈاؤن سے کشمیریوں کی زندگی اجیرن ہوچکی ہے۔ادھر آج وفاقی دارالحکومت میں کشمیر ملین مارچ میں لاکھوں لوگوں نے کشمیریوں سے اظہاریکجہتی کرکے ان کے حوصلے بلند کردیئے ، کشمیر ملین مارچ میں 5 کلومیٹر کشمیری پرچم لہراکر ریکارڈ بھی قائم کیا

جدید اسلحے سے لیس بھارتی فوجی نہتے کشمیریوں سے خوفزدہ ہیں۔ قابض فوج نے سری نگر سمیت مختلف علاقوں میں بلٹ پروف بنکرز تعمیر کرلیے۔ مختلف سڑکوں کو رکاوٹیں لگا کر بند کردیا گیا۔

محصور کشمیری کھانے پینے کی اشیاء، ادویات اور ضروریات زندگی کی ہر شے سے محروم ہیں۔ ہسپتالوں میں بھی انٹرنیٹ سروس معطل ہےکشمیر میڈیا سروس کے مطابق دو ماہ میں معیشت کو 8ہزار کروڑ سے زائد کا نقصان ہوچکا ہے۔ وادی میں کئی جگہ کرفیو کے باوجود کشمیری مظاہروں کےلیے باہر نکلتے ہیں، بھارتی فوج نے اب تک ہزاروں نوجوانوں کو گرفتار کر لیا ہے۔

مقبوضہ کشمیر میں بدترین کرفیو کے باعث دکانیں، کاروبار، تعلیمی ادارے سنسان ہیں۔ کشمیریوں کا رابطہ 5 اگست سے دنیا سے منقطع ہے۔ وادی میں خوراک اور ادویات کی شدید قلت ہو گئی ہے۔بھارتی فوج نے نو سال کے کم عمر بچوں کو بھی حراست میں لے رکھا ہے۔ کشمیر میڈیا سروس کے مطابق آرٹیکل تین سو ستر کے خاتمے سے اب تک گرفتار افراد کی تعداد چالیس ہزار ہو سکتی ہے۔

مقبوضہ کشمیر میں بھارتی جبری تشدد کو تین ماہ ہو گئے ہیں۔ امریکی میڈیا رپورٹ کے مطابق وادی کے رہائشیوں کی تکالیف میں ہر گزرتے دن کے ساتھ اضافہ ہو رہا ہے۔پیلٹ گن سے زخمی کشمیری نوجوان گرفتاری کے خوف سے ہسپتال نہیں جا سکتے۔ مودی سرکار نے وادی میں چپے چپے پر فوج تعینات کررکھی ہے۔بھارتی فوج گھر سے نکلنے والے کشمیریوں کو گولی مارنے کی دھمکیاں دے رہی ہے۔ کشمیری ہسپتال، سکول اور کام پر نہیں جا سکتے۔ وادی میں زندگی مفلوج ہوکررہ گئی ہے۔ اسی لاکھ لوگوں کو گھروں میں قید کر دیا گیا ہے۔

عالمی ذرائع ابلاغ کے مطابق مظاہرے کرنے والے کشمیریوں کو شاٹ گن سے نشانہ بنایا جاتا ہے۔ زخمی کشمیری گرفتاری کے ڈر سے ہسپتال نہیں جا سکتے۔ بھارتی فوج نے ہزاروں افراد کو بلاوجہ گرفتار کیا ہے۔قابض فوج گرفتار کشمیریوں کو بدترین تشدد کا نشانہ بنا رہی ہے۔ بھارتی انتظامیہ وادی میں حالات نارمل ہونےکے بارے میں کچھ بھی بتانے سے قاصر ہے۔

بھارتی قابض فوج کی ریاستی دہشتگردی کے باعث تین اور نوجوان شہید ہوچکے ہیں‌، ستمبر کے دوران 16 نوجوان شہید ہوئے، یہ بھی اطلاعات ہیں کہ اکتوبرکے مہینے میں اب تک 5 کشمیریوں کو بھارتی فوج شہید کرچکی ہے ،دوسری طرف بھارتی خفیہ ایجنسی حریت رہنماؤں کا عزم توڑنے کیلئے مزید دباؤ بڑھانے لگی، وادی میں مکمل لاک ڈاؤن کا تسلسل جاری ہے،

کشمیر میڈیا سروس کے مطابق مقبوضہ کشمیر میں بھارتی قابض فوج نےکارروائیوں کے دوران پچھلے چار دنوں میں‌ 7 نوجوانوں کو شہید کیا۔ شہید ہونے والوں میں نوجوانوں کو گھروں میں تلاشی کے دوران شہید کیا گیا۔

کشمیر میڈیا سروس کی ریسرچ کے مطابق بھارتی قابض فوج کی طرف سے ریاستی دہشتگردی کے دوران زیر حراست نام نہاد ان کاؤنٹر کے ذریعےپچھلے دوہفتوں میں 5 نوجوانوں کو شہید کیا گیا، 480 کے قریب زخمی ہوئے، ان زخمیوں میں زیادہ تر افراد ان لوگوں کی ہے جنہیں پیلٹ گنز اور آنسو گیس کے ذریعے زخمی کیا جو پر امن احتجاج کر رہے تھے۔ حریت رہنماؤں کے273کے قریب لوگوں کو گرفتار کیا گیا۔ 40 گھروں سمیت سمیت قیمتی اشیاء کو آتش گیر مواد کے ذریعے تباہ کیا گیا، 9خواتین کو بیوہ کیا، 47بچے یتیم ہوئے، 11خواتین کے ریپ کے کیسز سامنے آئے۔

دریں اثناء وادی بھر میں ہو کا عالم ہے، انٹر نیٹ، لینڈ لائن سمیت دیگر سہولیات ناپید ہیں، ہسپتال ویران ہیں، سڑکیں سنسان ہیں، شہریوں کو مشکلات کا سامنا ہے، میڈیکل سٹوروں پر ادویات کا سٹاک ختم ہو گیا ہے، انسانی بحران سر اٹھاتا نظر آ رہا ہے،81 ویں روز بھی والدین اپنے بچوں کو سکول نہیں بھیج رہے، ہر گلی، ہر نکڑ پر بھارتی فوج موجود ہے جس کے بعد پوری وادی فوجی چھاؤنی کا منظر پیش کر رہی ہے۔ تاجروں کو شدید مشکلات کا سامنا ہے۔ بزنس بالکل بند ہو کر رہ گیا ہے۔

لاہور:سابق وزیراعظم میاں محمد نواز شریف کی طبیعت پھرخراب بتائی جارہی ہےدوسری طرف مریم نواز کی ملاقات بھی کرادی گئی ہےاورساتھ ہی صوبائی وزیرصحت ڈاکٹریاسمین راشد نے یہ اشارہ بھی دے دیا ہےکہ سابق وزیراعظم میاں محمد نواز شریف کو علاج کے سلسلے میں بیرون ملک بھی بھیجاجاسکتا ہے ،

دوسری طرف ڈاکٹروں کایہ کہنا کہ میاں محمد نواز شریف کے وائٹ سیلز کم پڑگئے تھے جو پورے ہوگئے ہیں ،ڈاکٹرز کے مطابق وائٹ سیلز کے کم ہونے سے متعلق پاکستان میں علاج کی بہترین اور عالمی معیارکی سہولیات ہیں توپھراس موقع پرڈاکتریاسمین راشد کا یہ کہنا کہ میاں محمد نواز شریف کو علاج کے لیے کسی دوسرے ملک بھیجا جاسکتا ہےایک سوالیہ صورت حال اور کسی بڑے پیش خیمے کی طرف اشارہ کرتا ہے

باغی ٹی وی کے مطابق میاں نواز شریف اور میاں شہبازشریف کے درمیان ہونے والی اچانک ملاقات بھی یہ اشارہ کررہی ہے کہ کچھ نہ کچھ ضرور ہونے والاہے،یہ بھی اطلاعات ہیں کہ پچھلے دنوں کیپٹین ریٹائرڈ محمد صدر سے برآمد ہونے والے فون سے ایسے اہم راز سامنے آئے ہیں کہ جس کے بعد شریف فیملی کے غبارےسے ہوا نکل چکی ہے

باغی ٹی وی کے مطابق ایسی رپورٹس بھی آرہی ہیں کہ جن سے یہ محسوس ہوتا ہے کہ میاں نواز شریف اگلے چند دنوں تک پاکستان سے کوچ کرجائیں گے ،بہر کیف یہ تو حقیقت ہے کہ جو تکلیف اور بیماری نواز شریف کو بتائی جارہی ہے قابل علاج بھی ہے اور پاکستان میں اس کے حوالے سے بہترین سہولیات دستیاب ہیں عمران خان کی ایک قابل اعتماد صوبائی وزیر کہ یہ کہنا کہ ملک سےباہر بھیجا جاسکتا ہے ،