Author: +9251

اسلام آباد: پنجاب میں رواں سال ڈینگی مریضوں کی تعداد 2ہزار900 تک پہنچ گئی ، دوسری طرف ملک کے مختلف شہروں میں ڈینگی بخار وبائی شکل اختیار کرگیا۔ ہسپتال مریضوں سے بھر گئے، راولپنڈی اور خانپور میں تین مریض دم توڑ گئے،

وزیراعظم کے معاون خصوصی ڈاکٹر ظفر مرزا کہتے ہیں‌کہ اس وقت کراچی سے خیبر تک ہزاروں افراد کو مرض نے لپیٹ میں لے لیا۔ راولپنڈی میں ڈینگی کے 2 مریض دم توڑ گئے، خانپور میں بھی ڈینگی کا شکار 45 سالہ شخص جاں بحق ہوگیا، پنجاب میں مرض سے ہلاکتوں کی تعداد 16 ہوگئی۔ اسلام آباد اور راولپنڈی میں مرض سے متاثرہ افراد کی تعداد 4 ہزار 953 تک جاپہنچی۔

محکمہ صحت کی طرف سے دی جانی والی اطلاعات کےمطابق لاہور، ملتان، فیصل آباد، گوجرانوالہ، سیالکوٹ اور دیگر شہروں میں بھی سینکروں مریض ہسپتالوں میں پہنچ گئے ، صوبے میں متاثرہ افراد کی تعداد 2900 سے تجاوز کرگئی۔محکمہ صحت کی طرف سے مریضوں کو تمام تر سہولیات اور ادویات مفت فراہم کی جارہی ہیں،

پشاور:خیبرپختونخوا میں ڈینگی مچھر کے کاٹنے سے متاثرہ افراد کی تعداد میں مسلسل اضافہ ہورہاہے،صوبے بھرمیں ڈینگی کے180 نئے مریضوں کے ساتھ کل تعداد 3125 ہوگئیصوبہ بھر میں گزشتہ چوبیس گھنٹوں کے دوران مزید180کیسز سامنے آگئے ہیں۔

رپورٹ کے مطابق صوبہ بھر میں مجموعی طورپر3125افراد متاثر ہوئے ہیں،پشاور کے مختلف علاقوں سے ڈینگی وائرس سے متاثرہ افراد کی تعداد 1793تک پہنچ گئی ہے،جبکہ پشاورمیں 96نئے کیسز میں رپورٹ ہوئے ہیں،395متاثرہ افراد مختلف ہسپتالوں میں زیرعلاج ہیں۔متاثرہ افراد میں سے25مریضو ں کوعلاج کے بعد فارغ کردیاگیا ہے۔

ڈینگی رسپانس یونٹ کے مطابق پشاور میں 86نئے کیسیز کے بعد ڈینگی کے مریضوں کی تعداد3125ہوگئی ہے جبکہ ،مردان سے 29،ہری پور 19،خیبر 15 اورنوشہرہ سے 8 کوہاٹ میں 6،بٹگرام سے7،مانسہرہ سے 9،ڈی آئی خان سے4 اورایبٹ آبادسے 4نئے کیسز سامنے آئے ہیں۔