راول ڈیم کے پانی کی سطح بلند ہو گئی، اسپل وے کھولنا پڑ گئے
تفصیلات کے مطابق راول ڈیم کے پانی کی سطح بلند اسپل وے کھولنا پڑ گئے.اسلام آباد میں راول ڈیم ڈیم انتظامیہ کے مطابق راول ڈیم کےاسپل ویز کھول دیئےگئےچند گھنٹے اسپل ویز کھولنےکے بعد ڈیم سے 2انچ پانی کم کیا جائے گا،
ڈیم میں پانی کی سطح 1752.20 فٹ تک پہنچنےپراسپل ویز کھولےگئے،راول ڈیم میں پانی جمع کرنے کی کل گنجائش 1752 فٹ ہے،ا
امریکی شہر ہیوسٹن کی عدالت نے بھارت کے وزیراعظم نریندر مودی کے خلاف مقدمہ درج کرلیا ہے۔مقدمہ میں مقبوضہ وادی کشمیر میں انسانی حقوق کی بدترین خلاف ورزیوں کے الزامات عائد کیے گئے ہیں۔
مقبوضہ وادی کشمیر میں بدترین انسانیت سوز مظالم ڈھانے پر امریکہ کی ایک اور مقامی عدالت نے پہلے ہی بھارت کے وزیراعظم نریندر مودی، وزیرداخلہ امیت شاہ اور وادی کشمیر میں قابض بھارتی افواج سے مظالم کرانے والے لیفٹننٹ جنرل جیت سنگھ کو طلب کررکھا ہے۔
ادھر مودی نے ٹرمپ کی موجودگی میں بہت بڑے مجعے سے تقریر کی جس میں پاکستان کا نام لیئے بغیر کہا کہ اس ملک کی پہچان دہشت گردی ہے اور اسکے حکمران اپنا ملک خود نہیں سنبھال سکتےکشمیر کے حوالے سے انکا کہنا تھا کہ ہم نے ستر برس کے اس مسلے کو مستقل طور پر حل کر دیا ہے اور وہاں کے مکینوں کو وہی تمام حقوق ملیں گے جو سب بھارتیوں کو ملے ہوئے ہیں
دوسری طرف مودی اور ٹرمپ کی اس تقریب کے موقع پر بھارت کے زیر انتظام کشمیر میں بھارتی حکومت کے حالیہ اقدامات کے خلاف ہیوسٹن میں ہزاروں افراد کا مظاہرہ جاری ہے۔ مظاہرے کے منتظمین نے وائس آف امریکہ کو بتایا ہے کہ امریکہ کے مختلف علاقوں سے پندرہ سے بیس ہزار افراد اس مظاہرے میں شرکت کیلئے ہیوسٹن پہنچ گئے ہیں جن میں پاکستانی نژاد ماریکیوں کے علاوہ امریکہ میں بسنے والے مسلمان اور سکھ برادری سے تعلق رکھنے والے افراد بھی شامل ہیں۔
بھارت پاکستان کے ساتھ نیوٹرل میدانوں میں کرکٹ کھیلنے کے لئے تیار ہے۔
تفصیلات کے مطابق : بھارت پاکستان کے ساتھ نیوٹرل میدانوں میں کرکٹ کھیلنے کے لئے تیار ہے۔انڈین ایکسپریس کے انٹرویو میں بھارتی ایڈمنسٹریٹر کمیٹی کے چیئرمین وینود رائے نے کہا کہ وہ دنیائے کرکٹ میں پاکستان کو تنہا اور اکیلا کرنے کے نظریےکے خلاف ہیں،
مسٹر نود کا کہنا تھا کہ پاکستان کے حوالے سے حکومت کی بڑی واضح پالیسی رہی ہے کہ نیوٹرل وینیو میں دونوں ممالک کے درمیان کرکٹ کھیلی جا سکتی ہے۔
انٹر نیشنل کرکٹ کے سلسلے میں دوسری طرف نیشنل اسٹیڈیم کراچی 10 سال بعد کسی ون ڈے انٹرنیشنل میچ کی میزبانی کرے گا ، نیشنل اسٹیدیم کراچی میں آخری ون ڈے انٹرنیشنل پاکستان اور سری لنکا کی ٹیموں کے درمیان 21 جنوری 2009 کو کھیلا گیا تھا ، اور اب دس سال بعد انہی دونوں ٹیموں کے درمیان ون ڈے میچ نیشنل اسٹیڈیم میں 27 ستمبر کو کھیلا جائے گا ،
بورےوالا (نمائندہ باغی ٹی وی) درخت چوری کرنے والے افراد مقامی لوگوں کی اطلاع پر فوری گرفتار کر لیے گئے
تفصیلات کے مطابق مقامی ایم این اے آفس کے سامنے چوک سے دو تین پٹھان ہرے بھرے درخت کاٹ کر ٹرالی میں لوڈ کر کے لے جارہے تھے.
کہ ایک فرض شناس سپیشل برانچ اہلکار نے پولیس کو اطلاع دیگر انکو گرفتار کروایا. پکڑے جانے والوں کو کسی آفیسر نے درخت کاٹ کر لانے کی ہدایت کی تھی. ذرائع
کراچی : وفاقی کابینہ کی جانب سے پی آئی اے کا ہیڈ آفس اسلام آباد منتقلی کے فیصلے کی منظوری کی میڈیا اطلاعات پر تشویش کا اظہار کرتے ہوئے چئیرمین پاک سرزمین پارٹی سید مصطفی کمال نے کہا ہے کہ اس فیصلے کو لے کر کراچی کی عوام میں شدید بے چینی پائی جاتی ہے,کراچی جو پہلے ہی احساس محرومی کا شکار ہے اور بنیادی سہولیات سے محروم ہے وہاں حکومت کی جانب سے اس طرح کے اقدامات پاکستان کی معاشی شہ رگ کو زک پہنچانے کے مترادف ہے.
چئیرمین پاک سرزمین پارٹی سید مصطفی کمال نے مزید کہا کہ کراچی پاکستان کو سوا تین ہزار ارب کما کر دیتا ہے، اس کے باوجود بھی کراچی کو سہولیات فراہم کرنے کے بجائے الٹا ان سے دور کی جارہی ہیں، ان خیالات اظہار پاک سر زمین پارٹی چئیر مین مصطفی کمال نے پی آئی اے ملازمین کے وفد سے گفتگو کر تے ہوئے کیا،انہوں نے کہا کہ پہلے ہی 18ویں ترمیم کے تحت صوبوں کو ملنے والے اختیارات وزیر اعلیٰ نے اپنے ہی پاس رکھ لئے ہیں جو نچلی سطح تک منتقل نہیں ہورہے، اٹھارہویں ترمیم میں بھی ترمیم کی ضرورت ہے،
چئیرمین پاک سرزمین پارٹی سید مصطفی کمال نے کہاکہ حکومت قومی سوچ کا مظاہرہ کرے، پی آئی اے کا دفتر کراچی سے اسلام اباد منتقل کرنا اس بات کی عکاسی کر تا ہے کہ پی ٹی ائی کی حکومت کو کراچی کی تعمیر و ترقی سے کوئی دلچسپی نہیں ہے اور آرٹیکل 149 نفاذ کرنے کی باتیں کرنے والے کراچی میں جو کچھ بچ گیا ہے اس کو بھی چھیننے کی کوشش کررہے ہیں انہوں نے کہاکہ پاک سرزمین پارٹی پی ائی اے ہیڈ کوارٹر کی اسلام آباد منتقلی کا ہر فورم پر مخالفت کرے گی اور اس ضمن میں پی ائی اے کی تمام مزدور ویونینز کی مکمل حمایت کرے گے
چئیرمین پاک سرزمین پارٹی سید مصطفی کمال نے وزیر اعظم پاکستان عمران خان سے مطالبہ کیا ہے کہ وہ فوری طور پر پی آئی اے ہیڈ افس کے منتقلی کے عمل کو روکیں کیونکہ پی ائی اے کا دفتر اسلام آباد منقل کرنا کسی صورت بھی ملک کے مفاد میں نہیں۔ ملک دشمن عناصر اس منتقلی کو غلط رنگ دے کر عوامی جزبات سے کھیل سکتے ہیں. انہوں نے کہاکہ ماضی میں جن جن اداروں کے ہیڈ کوارٹرز کو اسلام آباد منتقل کئے گئے، ان سے بھی کوئی فائدہ نہیں ہوا.
مقبوضہ وادی میں کرفیو کا50 واں روز ہے اور عالمی ضمیر ابھی بھی بے حس ہے جو کشمیریوں کے ان مصائب پر نہ تو آواز بلند کر رہا ہے اور نہ ہی بھارت پر دباؤ ڈالا جا رہا ہے،بھارت کی طرف سے کشمیر کو ہتھیانے کے بعد سے لے کر اب تک وادی میں، مارکیٹ، بزنس اور پبلک ٹرانسپورٹ بند کر رکھا ہے، ادویات کی کمی کی وجہ سے مریض جان سے ہاتھ دھونے لگے ہیں،
آج بھارتی فوج نے ایک کشمیری لڑکے کو مار مار کر مار ہی دیا ، اس پر اتنے ظلم کیے گئے کہ دنیا کے تمام میدیا نے اسے برداشت سے باہر اور انسانیت کی تذلیل سے تعبیر کیا ہے، اطلاعات کے مطابق بھارتی فوج نے اس نوجوان کو گھر سےاٹھا کر تشدد کا نشانہ بنایا جس سے وہ شہید ہوگیا
دوسری طرف کشمیری اپنے ہی گھروں میں قیدی بن کر رہ گئے، بھارتی فوج نے کپواڑا میں گھر پر دھاوا بول دیا اور سامان کی توڑ پھوڑ کی، پلواما میں 2 افراد کو گرفتار کرلیا۔ مقبوضہ وادی میں 5 اگست سے کرفیو نافذ ہے، چپے چپے پر بھارتی فوج تعینات ہے۔
لوگوں کو گھروں سے نکلنے پر تشدد کا نشانہ بنایا جاتا ہے، انٹرنیٹ، موبائل سروس بھی بند ہے، تمام حریت اور سیاسی رہنماؤں کو گھر اور جیلوں میں نظر بند کر رکھا ہے۔ وادی بھر میں مودی سرکار کے خلاف مظاہرے ہوئے، بارہمولا، کپواڑا، باندی پورہ، پلوامہ اور شوپیاں سمیت مختلف اضلاع میں شہری سڑکوں پر نکل آئے۔
آزادی کے حق میں اور مودی سرکار کے مظالم کے خلاف آواز بلند کرتے نہتے افراد پر قابض فوج نے آنسو گیس کی شیلنگ کی اور گولیاں برسائیں جس سے متعدد کی حالت غیر ہوگئی۔وادی میں تعینات بھارتی فوج نے خوف کا ماحول بنا دیا، کشمیری اپنے گھروں میں قید ہوگئے، لوگ روزمرہ کی ضروری اشیاء خریدنے سے قاصر ہیں، دودھ، بچوں کی خوراک، ادویات سب ختم ہوچکا ہے۔
وادی میں مارکیٹ، دکانیں، بزنس اور تعلیمی ادارے بھی بند ہیں۔ مسلسل کرفیو کی وجہ سے سیب کی پکی فصلیں خراب ہونے لگیں۔ کسانوں کا کہنا ہے کہ وہ اپنی فصلیں مارکیٹوں تک پہنچانے میں ناکام ہیں۔وادی میں تمام مساجد کی مانیٹرنگ کی جا رہی ہے، اب تک ہزاروں کشمیریوں کو گرفتار کیا جا چکا ہے
دنیا جانتی ہے کہ ظالم ، قابض بھارتی فوج طاقت کے زور پر کشمیریوں کی آواز دبانے میں مصروف ہے۔ ہر گلی اور سڑک پر بھارتی فوج تعینات ہے، کشمیریوں کو گھروں سے نکلنے نہیں دیا جا رہا، مارکیٹیں ، دکانیں، ٹرانسپورٹ بند ہیں، کمیونی کیشن سسٹم بند جبکہ ٹی وی چینلز تک رسائی نہیں، مودی سرکار بھارتی سیاسی رہنماؤں کو بھی وادی کا دورہ کرنے کی اجازت نہیں دے رہی،
دوسری طرف پاکستان کے وزیراعظم اس وقت امریکہ میں اور کشمیریوں پر بھارتی مظالم کے خلاف آواز بلند کررہےہیں ، عمران خان 27 ستمبر کو جنرل اسمبلی سے خطاب کریں گے اور وہاں مسئلہ کشمیر پر پاکستان کا واضح موقف بھی دیں گے اور اپنا لائحہ عمل بھی بتائیں گے
لاہور : ترکی نے پاکستان میں سرمایہ کاری کرنے کا اعلان کردیا ، اطلاعات کےمطابق ترکی کی حکومت مقامی سطح پر سیاحت اور ہوٹل صنعت کے لیے با صلاحیت افرادی قوت تیار کرنے کے لیے ’اسکلز ڈیولپمنٹ پراجیکٹ‘ شروع کرے گی۔
نیوٹیک کے ڈائریکٹر ڈاکٹر ناصر خان نے بتایا کہ ترکی کے تعاون سے پاکستان میں جدید خطوط پر استوار ’سینٹر آف ایکسیلنس فار ہاسپیٹیلٹی اینڈ کنسٹرکشن‘ کی بنیاد رکھی جائے گی۔ مذکورہ ادارہ اسلام آباد میں نیشنل اسکلز یونیورسٹی میں قائم ہوگا۔
ڈائریکٹر نیوٹیک نے بتایا کہ ادارے کے لیے افرادی قوت کی تعیناتی اور اس کی تعمیرات سمیت تمام اخراجات ترک حکومت برداشت کرے گی۔’ترکی کی جانب سے پاکستان میں مذکورہ منصوبے کا آغاز اپنی نوعیت کا پہلا قدم ہے اور سیاحت سمیت تعمیرات کے شعبے میں استنبول غیرمعمولی تجربہ رکھتا ہے‘۔
اسلام آباد:اسلام آباد کی پولیس کہتی ہےکہ اس نے 9 ماہ کی کارکردگی رپورٹ جاری کر دی، اس دوران مختلف جرائم میں ملوث 8623 ملزمان کو گرفتار کیا گیا۔ مگر سوال یہ ہے کہ جرم کیوں نہیں رکتے ، جرم ابھی بھی باقی ہیں
اسلام آباد پولیس کی طرف سے جاری کیے گئے اعدادوشمار کےمطابق پولیس نے ملزمان سے کروڑوں کا مال مسروقہ بھی برآمد کیا گیا، ڈکیتیوں اور سرقہ بالجبر کے 512 ملزمان گرفتار کیے گئے، نقب زنی اور چوری میں ملوث 582 ملزمان گرفتار کیے گئے۔
اس دوران پولیس نے 109 کار چور گرفتار کیے گئے اور ان سے 131 گاڑیاں برآمد کی گئیں، موٹر سائیکل چوری میں بھی ملوث 168 ملزمان کو گرفتار کیا گیا۔پولیس ترجمان نے بتایا کہ منشیات اور شراب فروشوں کے خلاف بھی مؤثر کریک ڈاؤن کیا گیا، جس میں 1070 منشیات و شراب فروشوں کو گرفتار کیا گیا، اور 314 کلو چرس، 41 کلو ہیروئن، 7 کلو سے زاید افیون برآمد کیا گیا۔
تل ابیب : جنسی زیادتی دنیا کے ہر کونے میں پھیل رہی ہے ، تازہ واقعہ مین اسرائیل میں پولیس نے اسکول کے بم شیلٹر (بنکر) میں 13 سالہ طالبہ سے متعدد مرتبہ گینگ ریپ کے الزام میں 3 لڑکوں کو گرفتار کرلیا۔
ذرائع کے مطابق متاثرہ طالبہ نے بیان دیا کہ زیر حراست ملزمان نے 10 دن تک بم شیلٹر (بنکر) میں ریپ اور تشدد کیا۔ متاثرہ لڑکی کے والد نے اسرائیلی ٹی وی کو بتایا کہ 4 لڑکوں نے ان کی بیٹی پر حملہ جبکہ دو لڑکے بنکر کے اندر اور باقی دو نے بنکر کے باہر پہراہ دیا۔
اسرائیلی میڈیا میں یہ بات بار بار کی جارہی ہے کہ متاثرہ لڑکی کے والد نے بتایا کہ ’لڑکوں نے میری بیٹی اور اس کی چھوٹی بہن کو جان سے مار دینے کی دھمکی دی اور کہا کہ اگر کسی کو بتایا تو ویڈیوز سوشل میڈیا پر وائرل کردیں گے‘۔
دبئی: دبئی پہلے اس سرزمین پر بہت بڑے مندر کی بنیاد رکھ کر بت پرستی کی نہ صرف اجازت دی گئی بلکہ بعض عرب تو اب ان مندروں میں آکر ہندووں کے ساتھ مل کر عبادت کرنے لگ پڑے ہیں ، لیکن اب ایک اور اعلان نے امت مسلمہ کو حیران کردیا ، اطلاعات کےمطابق متحدہ عرب امارات میں کثیرالعقائد منصوبے کے تحت پہلی مرتبہ سرکاری سطح پر یہودی عبادت گاہ کی تعمیر کا آغاز اگلے برس ہوگا اور 2022 تک اس کی تکمیل ہوگی۔
ذرائع کے مطابق یہ یہودی عبادت گاہ ابوظہبی میں کثیرالعقائد ‘ابراہیمک فیملی ہاؤس’ کمپلیکس کا حصہ ہے جہاں مسجد اور چرچ بھی ہوگا۔اس یہودی معبد خانے کمپلیکس کی تعمیر کا اعلان رواں برس فروری میں پوپ فرانسس کے متحدہ عرب امارات کے دورے میں کیا گیا تھا جو خطے میں پہلی عبادت گاہ ہوگی۔
پریشانی والی بات یہ ہے کہ اس کی تعمیر باقاعدہ طور پر حکومت متحدہ عرب امارات کررہی ہے ،متحدہ عرب امارات میں یہودی کمیونٹی کی یہ پہلی عبادت گاہ ہوگی تاہم اس وقت دبئی میں ایک گھر کو نجی عبادت گاہ کے طور پر استعمال کررہے ہیں۔
خیال رہے کہ متحدہ عرب امارات میں سرکاری سطح پر عیسائیوں کے لیے چرچ اور گرجاگھر اور گردوارا بھی اقلیتی افراد کو عبادت کے لیے تعمیر کیے گئے ہیں۔