Author: +9251

سندھ میں لاڑکانہ میڈیکل کالج کی ڈاکٹرنمرتہ کی موت سے متعلق صحافی کے سوال پر وائس چانسلرڈاکٹرانیلا نے مذکورہ صحافی کو سرعام تھپڑ مار دیا،

باغی ٹی وی کی رپورٹ‌ کے مطابق میڈیا رپورٹس میں بتایا گیا ہے کہ اس دوران ڈاکٹر انیلا کی جانب سے کہا گیا کہ ویڈیو ریکارڈنگ بندکرو وگرنہ ایسا حشرکروں گی کہ یاد رکھو گے، ڈاکٹر انیلا کے اس رویہ کے خلاف صحافیوں نے شدید احتجاج کیا ہے، یہ بھی کہا جارہا ہے کہ تعزیت کے بہانے ڈاکٹر نمرتہ کی موت کے معاملہ کو دبانے کی کوشش کی جارہی ہے،

واضح رہے کہ صوبہ سندھ کے ضلع لاڑکانہ کے چانڈکا میڈیکل کالج کے ہاسٹل نمبر 3 سے میڈیکل کی طالبہ کی لاش برآمد ہوئی تھی، طالبہ کا نام نمرتہ بتایا گیا جو کہ کراچی کی رہائشی ہے، ڈا کٹر نمرتہ بی ڈی ایس کی فائنل ایئر کی طالبہ تھی، ابھی تک اس واقعہ کی وجوہات سامنے نہیں آسکی ہیں، ادھر وی سی بینظیر یونیورسٹی ڈاکٹر انیلا کا کہنا ہے کہ ڈاکٹر نمرتہ کے گلے پر نشانات موجود ہیں، ڈاکٹر نمرتہ کے والدین کو اطلاع کر دی گئی ہے جبکہ پولیس بھی اس واقعہ کی تحقیقات کر رہی ہے،

کراچی کے قائد آباد علاقہ میں ضلعی انتظامیہ کی طرف سے تجاوزات کے خلاف آپریشن کیا جارہا ہے،

باغی ٹی وی کی رپورٹ کے مطابق بھاری مشینری کی مدد سے تجاوزات مسمارکرنے کا سلسلہ جاری ہے، آپریشن کے دوران ضلعی انتظامیہ کےساتھ پولیس بھی موجود ہے، ضلعی حکام کا کہنا ہے کہ آپریشن عدالتی حکم پر کیا جارہا ہے، واضح‌ رہے کہ کراچی میں پچھلے کئی ماہ سے سپریم کورٹ کے حکم پر تجازات کے خلاف وقفے وقفے سے آپریشن کا سلسلہ جاری ہے،

کراچی کے قائد آباد علاقہ میں‌ بھی ضلعی انتظامیہ تجازات کے خلاف آپریشن جاری رکھے ہوئے ہے،

تحریک انصاف کے رکن سندھ اسمبلی حلیم عادل شیخ نے کہا ہے کہ لاڑکانہ کے میڈیکل کالج کی ڈاکٹرنمرتہ کا واقعہ خودکشی معلوم نہیں ہوتا،

باغی ٹی وی کی رپورٹ کے مطابق حلیم عادل شیخ نے مطالبہ کیا کہ ڈاکٹر نمرتہ کے حوالے سے اعلیٰ سطحی پیمانے پر تحقیقات کروائی جائیں اور حقائق سامنے لائیں جائیں، واضح رہے کہ صوبہ سندھ کے ضلع لاڑکانہ کے چانڈکا میڈیکل کالج کے ہاسٹل نمبر 3 سے میڈیکل کی طالبہ کی لاش برآمد ہوئی تھی، طالبہ کا نام نمرتہ بتایا گیا جو کہ کراچی کی رہائشی ہے،

کراچی کی رہائشی ڈا کٹر نمرتہ بی ڈی ایس کی فائنل ایئر کی طالبہ تھی، ان کی لاش کو چانڈکا ہسپتال منتقل کر دیا گیا ہے، ابھی تک اس واقعہ کی وجوہات سامنے نہیں آسکی ہیں، ادھر وی سی بینظیر یونیورسٹی ڈاکٹر انیلا کا کہنا ہے کہ ڈاکٹر نمرتہ کے گلے پر نشانات موجود ہیں، ڈاکٹر نمرتہ کے والدین کو اطلاع کر دی گئی ہے جبکہ پولیس بھی اس واقعہ کی تحقیقات کر رہی ہے،