Author: +9251

اسلام آبادملک کا امیر طبقہ ٹیکسز دینے میں بہت کمزور ہے لیکن ٹیکسوں کے معاملے پر کسی سے بھی سودے بازی نہیں ہوگی۔ان خیالات کااظہار :مشیر خزانہ عبدالحفیظ شیخ نے ایک پریس کانفرنس میں کیا ، مشیر خزانہ نے کہا اگر امیر لوگ اپنے کاروبار کے حساب سے ٹیکس نہیں دیں تو لامحالہ اس کےاثرات غربیوں پربھی پڑیں گے

پریس کانفرنس کرتے ہوئے مشیر خزانہ نے کہا کہ ملک کا امیر طبقہ ٹیکسز دینے میں بہت کمزور ہے لیکن ٹیکسوں کے معاملے پر کسی سے بھی سودے بازی نہیں ہوگی۔ پاکستان میں ٹیکس فائلرز کی تعداد 25لاکھ ہوگئی ہے، ایف بی آر میں 6 لاکھ ٹیکس دہندگان کو رجسٹر کیا گیا اور اسے مزید بڑھایاجائےگا،

عبدالحفیظ شیخ نے مزید کہا کہ ایسا پروگرام متعارف کرا رہے ہیں جس میں ایکسپورٹرز کو فوری ری فنڈ ملے گا،آئندہ سے ہر مہینے کی 16 تاریخ کو ٹیکس ریفنڈ ہوجایا کرے گا۔

اسلام آباد: پاکستان کی معاشی صورت حال سنبھلنے لگی اور اطلاعات یہی ہیں کہ پاکستان کے جاری کھاتوں(ڈالر کی آمدن اور خرچ میں فرق) کا خسارہ 73 فیصد کم ہوا ہے۔

مشیر خزانہ عبدالحفیظ شیخ نے پریس کانفرنس کے دوران ان کا کہنا تھا کہ موجودہ حکومت کو انتہائی مشکل حالات میں ملک ملا اور ہماری ٹیم نے فوری طور پر معاشی اصلاحات کے ذریعے اقتصادی صورت حال کو بہتر کیا۔ رواں سال جولائی اور اگست میں 580ارب ٹیکس جمع کیا گیا جو گزشتہ سال کی نسبت 71 ارب زیادہ ہیں۔

مشیر خزانہ نے انکشاف کیا کہ ایف بی آر نے 6لاکھ ٹیکس دہندگان کو رجسٹر کیا جس سے مجموعی تعداد 25لاکھ ہوگئی ہے۔مگر اس کے باوجودبحران سے نکل بہتری کی جانب گامزن ہونا اتنا آسان نہیں لیکن ملک کی معاشی صورتحال بہتر ہو رہی ہے۔

عبدالحفیظ شیخ نے پریس کانفرنس کے دوران بتایا کہ نان ٹیکس آمدنی کے تحت دو سیلولر کمپنیوں سے 70ارب روپے وصول ہوئے اور ٹیلی نار سے 70ارب روپے اضافی ملنے کی امید ہے۔

اسلام آباد : ہرسال کی طرح مسلم دنیاکی بااثر شخصیات کی درجہ بندی کی طرح سال 2019 کی درجہ بندی بھی کردی گئی ہے جس میں وزیراعظم عمران خان سمیت پاکستان کی 19 مسلم شخصیات بھی اس درجہ بندی میں شامل ہوگئی ہیں،

ذرائع کےمطابق یہ درجہ بندی کے حوالے سے اردن کے شاہی تعلیمی مرکز کی جانب سے 500 با اثر مسلم شخصیات کی فہرست شائع کی گئی ہے جس میں مولاناتقی عثمانی، مولانا طارق جمیل اور جاوید احمد غامدی بھی شامل ہیں۔

اردن کے شاہی تعلیمی مرکز کی جانب سے 500 با اثر مسلم شخصیات کی فہرست کے مطابق مولانا تقی عثمانی چھٹے نمبر پر وزیراعظم عمران خان اس فہرست میں 29ویں اور مولانا طارق جمیل 40 ویں نمبر پر ہیں۔ ڈاکٹر قدیر خان، ڈاکٹر عرفان صدیقی اور ڈاکٹر عطا الرحمان کے نام بھی فہرست میں درج ہیں۔

اردن کے شاہی تعلیمی مرکز کی جانب سے 500 با اثر مسلم شخصیات کی فہرست میں‌وزیراعظم عمران خان کی ذاتی زندگی اور شوکت خانم ہسپتال کا بھی ذکر کیا گیا وزیراعظم کی 22 سالہ سیاسی جدوجہد، کرکٹ میں کامیابیوں، شوکت خانم اسپتال اور تعلیم کے لیے بنائی گئی یونیورسٹی کا کا ذکر بھی کیا گیا ہے۔عمران خان کے متعلق درج ہے کہ انہوں نے اقتدار میں آنے کے بعد بدعنوانی کے خلاف سخت اقدامات کیے اور حکومتی اخراجات میں کفایت شعاری اپنائی۔

اردن کے اس تحقیقی ادارے کی طرف سے جاری رپورٹ کے مطابق دیگر پاکستانیوں میں سابق وزیراعظم نوازشریف، جمیعت علمائے اسلام(ف) کے سربراہ مولانا فضل الرحمان، ڈاکٹر فرحت ہاشمی، ڈاکٹرطاہر القادری، جماعت اسلامی کے سربراہ سراج الحق، جاوید غامدی، بلقیس ایدھی، منیبہ مزاری، شرمین عبید چنائی، ملالہ یوسفزئی، مولانا الیاس عطاری اورعابدہ پروین شامل ہیں۔