Author: +9251

کوئٹہ : کہیں یہ سازش تو نہیں کہ بغیر کسی وجہ کے پاکستان کے صوبہ بلوچستان میں گزشتہ چھ ہفتوں میں افغانستان سے تعلق رکھنے والے چھ دینی علما نامعلوم افراد کی گولیوں یا مساجد میں بم دھماکوں کا نشانہ بنے ہیں۔قتل کرنے کی ذمہ داری کسی بھی تنظیم کی نے قبول نہیں کی جس سے لوگوں کے ذہنوں میں کئی سوالات جنم لے رہے ہیں۔

ذرائع کے مطابق بلوچستان میں ان ہلاکتوں کا جائزہ لینے کے حوالے سے ڈپٹی انسپکٹر جنرل (ڈی آئی جی) عبد الرزاق چیمہ کا اس حوالے سے کہنا ہے کہ افغان علما کو نشانہ بنانے کی تحقیقات بعض اہم خفیہ ادارے کر رہے ہیں۔ اُن کا کہنا تھا کہ جب کوئی پیش رفت ہو گی تو خفیہ ادارے پولیس سے معلومات کا تبادلہ ضرور کریں گے۔ اب تک ان اداروں نے تحقیقات کے بارے میں آگاہ نہیں کیا۔

پاکستان کے ایک اہم خفیہ ادارے کے افسر نے اپنا نام ظاہر نہ کرنے کی شرط پر بتایا ہے کہ ان کارروائیوں میں افغان خفیہ ادارے این ڈی ایس کے کارندے ملوث ہوسکتے ہیں کیونکہ اُن کا مقصد پاکستان کے بارے میں افغان طالبان میں بدگمانی پیدا کرنا ہے جبکہ وہ امریکہ اور طالبان میں مذاکرات ناکام بنانا چاہتے ہیں۔

دوسری طرف بلوچستان کے بعض سیاسی مبصر خیال ظاہر کرتے ہیں کہ امریکہ چاہتا ہے کہ طالبان کو افغان حکومت کا حصہ بنانے سے پہلے اُن کے سخت گیر موؑقف رکھنے والے اہم نظریاتی رہنماﺅں کو راستے سے ہٹایا جائے

اسلام آباد: پاکستان میں سرمایہ کاری کے بہترین مواقع سے دنیا متاثر ، اطلاعات کے مطابق روس کے بینک ایکسپو بینک رشیا نے پاکستان میں بڑی سرمایہ کاری کی خواہش کا اظہار کر دیا،
اسلام اباد سے ذرائع کے مطابق وزیر اعظم عمران خان سے ایکسپو بینک رشیا کے ڈائریکٹر ایگور ولادیمیرووِچ کِم نے ملاقات کی، یہ ملاقات پارلیمنٹ ہاؤس میں وزیر اعظم آفس میں ہوئی۔ملاقات میں وفاقی وزیر نج کاری محمد میاں سومرو، مشیر خزانہ حفیظ شیخ اور مشیر تجارت عبد الرزاق داؤد بھی موجود تھے۔

ذرائع کے مطابق پاکستان میں سرمایہ کاری کرنے کے حوالے سے یہ ایک کامیاب اور مثبت اقدام ہے، رپورت کے مطابق روسی بینک کے ڈائریکٹر نے پاکستان میں بڑی سرمایہ کاری کی خواہش کا اظہار کیا وزیر اعظم نے رشین بینک ڈائریکٹر کو پاکستان میں سرمایہ کاری کے بہترین مواقع سے بھی تفصیلی طور پر آگاہ کیا۔

کراچی:پاکستان کی معیشت سنبھلنے لگی اور ملکی ذخائر میں اضافہ ہونے لگا ، اس بات کی تصدیق کرتے ہوئے اسٹیٹ بینک آف پاکستان نے کہا ہے کہ ملک کے زر مبادلہ کے ذخائر میں 18 کروڑ 20 لاکھ ڈالر کا اضافہ ہوا ہے۔

اسٹیٹ بینک آف پاکستان کی تازہ رپورٹ کے مطابق مجموعی ذخائر 15.61 ارب ڈالر سے بڑھ کر 15.75 ارب ڈالر ہو گئے۔اسٹیٹ بینک نے کہا ہے کہ اگست میں کپیٹل مارکیٹس میں غیر ملکی سرمایہ کاری میں بھی نمایاں اضافہ ہوا،

پاکستان میں سرمایہ کاری کے حوالے سے بھی ایک رپورٹ جاری کی گئی ہے جس کےمطابق پاکستان میں امریکی مالیاتی اداروں نے ٹی بلز میں 7 کروڑ 70 لاکھ ڈالر کی سرمایہ کاری کی۔ٹی بلز میں مجموعی طور پر 7 کروڑ 10 لاکھ ڈالر کی بیرونی سرمایہ کاری ہوئی۔

اسلام آباد: سابق وزیراعظم شاہد خاقان عباسی نے آج احتساب عدالت پیشی پر ایک عجیب ہی بات کہہ دی ، شاہد خاقان عباسی نے اس موقع پر کہا کہ چیئرمین قومی احتساب بیورو کی تعیناتی پر وہ قوم سے معافی مانگتے ہیں۔

سابق وزیراعظم شاہد خاقان عباسی نے تنقید کرتے ہوئے کہا کہ انہیں احساس ہےکہ نیب کا ادارہ ہی غلط ہے اور اسے ن لیگ کو توڑنے کے لیے بنایا گیا تھا۔ایک سوال کا جواب دیتے ہوئے سابق وزیراعظم کا کہنا تھا کہ جسٹس ریٹائرڈ جاوید اقبال کا نام پاکستان پیپلزپارٹی کی جانب سے آیا تھا اور تقرری کا فیصلہ اتفاق رائے سے کیا گیا۔