لاہور : عشق بے پرواہ ، اسٹیج ڈرامہ شخوپورہ پہنچ گیا ، اطلاعات کے مطابق فلمسٹار تابندہ علی طویل عرصے کے بعد ان دنوں شیخوپورہ کے ورثہ تھیٹر میں نئے شروع ہونے والے اسٹیج ڈرامہ ’’ عشق بے پرواہ ‘‘میں پرفارم کریںگی ۔

ذرائع کے مطابق اداکارہ تابندہ علی نے بتایا کہ مجھے ماضی میں بھی شیخوپورہ کے پرستاروں کی جانب سے بے پناہ پیار اور عزت ملی اور اب میں ایک نئے آئٹم کے ساتھ شیخوپورہ کے تھیٹر پر آرہی ہوں ۔ مذکورہ اسٹیج ڈرامہ کل سے پیش کیا جائے گا۔

یاد رہےکہ عشق بے پرواہ نے بڑی حد تک کامیابی حاصل کرلی ہے، اور اب لاہور کے بعد شیخوپورہ اس لیے اس ڈرامے کی نمائش ہوگی کیونکہ اس علاقے کے لوگ بھی اسٹیج ڈرامے دیکھنے کے بڑے شوقین ہیں

لاہور:یہ کیسے ہو سکتا ہےکہ ایک طرف بھارت کشمیری مسلمانوں پر مظالم کی انتہا کردے اور کوئی پاکستان بھارت جانے کی خواہش کرے ، رابی پیرزادہ نے بھارت جانے کی خبروں کی تردید کرتے ہوئے کہا ہےکہ مجھے بھارت سے کوئی سروکار نہہیں،

رابی پیرزادہ نے کہا کہ ان حالات میں جب بھارت کی جانب سے مقبوضہ کشمیر میں مسلمانوں پر مظالم کے پہاڑ توڑے جارہے ہیں ایسے میں کس طرح بھارت میں بننے والے کسی پراجیکٹ میں کام کرنے کا سوچ بھی سکتی ہوں ۔گلوکارہ و اداکارہ رابی پیرزادہ نے کسی بھارتی فلم میں کام کرنے کے معاہدے کی سختی سے تردید کرتے ہوئے کہا کہ مخالفین کی جانب سے بے بنیاد افواہیں پھیلائی گئیں جسے بعد ازاںمیڈیا میں رپورٹ کیا گیا ۔

رابی پیرزادہ نے باقی پاکستانی اداکاروں کی طرف مخاطب ہوتے ہوئے کہا کہ صرف میں ہی نہیں بلکہ پاکستان کا کوئی بھی فنکار بھارت کی جانب سے مظلوم کشمیریوں پر جاری بربریت کے خاتمے تک پراجیکٹ کا حصہ نہیں بنے گا۔

لاہور:پہلے اداکارہ اور پھر وکیل ، یہ اعزاز کسی کسی کو حاصل ہوتا ہے ، اطلاعات کے مطابق نامور اداکارہ ماورا حسین نے کہا ہے کہ اداکاری کے ساتھ وکالت کی پریکٹس بھی کر رہی ہوں ، وکالت کا مقصد ایسے لوگوں کی قانونی معاونت کرنا ہے جو وکیل کرنے کی سکت نہیں رکھتے ۔

اداکارہ ماوراحسین نے ایک انٹرویو میں کہا ہےکہ خود کو شوبز سے ہرگز الگ نہیں کر سکتی بلکہ میں فلم اور ٹی وی دونوں پر کام کر رہی ہوں۔ وکالت کی پریکٹس کا ہرگز یہ مقصد نہیں کہ میں کوئی بڑی وکیل بنوں بلکہ اس کامقصد ایسے لوگوں کی قانونی معاونت کرنا ہے جو اپنا دفاع کرنے کیلئے وکیل کرنے کی سکت نہیں رکھتے ۔ ماورا حسین نے غریبوں کی مدد کے لیے وکالت کرنے کا فیصلہ کیا ہے،

لاہور:” کڑی پٹاخہ ” نے اپنی کامیابی کے جھنڈے گاڈنے شروع کردیئے ،اطلاعات کے مطابق یہ سٹیج ڈرامہ کڑی پٹاخہ لاہور کے مقامی تھیٹر میں پیش کیا جارہا ہے، بڑی تعداد میں لوگ اسے دیکھنے کے لیے آتے ہیں ،

ذرائع کے مطابق ڈرامہ "کڑی پٹاخہ ” میں اہم فلی شخصیات نے کام کیا ان میں معروف مصنف و ہدایت کار ڈاکٹر اجمل ملک اورپروڈیوسر اکبر بٹ کا ،ڈرامے کی کاسٹ میں آصف اقبال، نواز انجم، عابد شاہ، انمول شہزادی، پائل چوہدری، سحر خان، بیبو خان سمیت دیگر فنکار کام کر رہے ہیں،یوم عاشورہ کے بعد شوبز سر گرمیاں دوبارہ شروع ہوگئیں۔

لاہور:: یہ ہفتہ پاکستان فلم انڈسٹری میں بہت اہم ہفتہ ہے جہاں بڑی تعداد میں ڈرامے اور نئی فلمیں متعارف کرائی جارہی ہیں،ابھی حال ہی میں عاشق چکر باز نے اپنی کامیابی کے جھنڈے گاڑ دئیے ، اطلاعات کے مطابق سینئر کامیڈین اداکار طاہر نوشاد سٹیج ڈرامہ عاشق چکر باز میں اپنے فن اور کامیڈی سے شائقین کو متاثر کرنے میں کامیاب ہو گئے،

ذرائع کے مطابق "عاشق چکر باز” کی مقبولیت میں‌ بڑی تیزی سے اضافہ ہورہا ہے، اس کی تیاری میں اہم فلمی شخصیات نےحصہ لیا ہے، کاسٹ میں طاہر نوشاد عمران ،شوکی، آصف اقبال، عامر سوہنا، بٹ شرارتی، تابیر برال، وردہا، فیروزہ علی، آفرین خان اور لائکہ خان سمیت دیگر فنکار کام کر رہے ہیں۔ سٹیج ڈرامہ عاشق چکر باز کے مصنف و ہدایت کار آصف اقبال اور پروڈیوسر حمزہ بٹ ہیں۔