Author: +9251

چمکا جو اک ستارہ تو راہ دکھا گیا تحریر عشاء نعیم

وہ اک ستارہ تھا
جی ہاں ستارہ جسے رات کو بھی لوگ دیکھتے ہیں تو راہ کو سمجھتے ہیں ۔
25 دسمبر۔ 1876کو چمکنے والا
وہ بھی اک ایسا ستارہ تھا جس نے تاریکیوں میں راہ دکھائی تھی ۔جس نے مایوسیوں میں امید دلائی تھی جس نے ہمت دلائی تھی اور اک ایسا جذبہ پیدا کر دیا جو دبی چنگاری سے شعلہ جوالہ بن گیا۔
جی ہاں قیام پاکستان سے پہلےہندوستان مسلمانوں کی اکثریت کہ حیثیت کمی کمینوں والی ہوگئی تھی ۔انگریز تھے یا پھر ہندو دندباتے پھرتے تھے ۔مسلمانوں کی کہیں کوئی نمائندگی تھی نہ ہی آواز ۔
سرکاری نوکریاں تھیں نہ حکومت میں کوئی عہدہ ۔نہ ہی مسلمانوں کے لئے کوئی مذہبی آزادی تھی ۔
بلکہ ہندو جہاں چاہتے منہ اٹھا کر چلے جاتے اور مسلمانوں پہ ظلم و ستم ڈھاتے ۔
مسلمانوں سے گھٹیا کام لئے جاتے ۔جھاڑو پونچھا ‘جیسے غلیظ کام لینے کے ساتھ مسلمانوں کو ناپاک بھی سمجھا جاتا ۔بنیئے جیسا چوہا خور مسلمانوں کے ہاتھ لگی چیز کو ناپاک سمجھتا تھا ۔
مسلمانوں کی مذہبی شخصیات کی گستاخی بھی معمول بنتی جارہی تھی ۔اور انگریز بھی خاموشی اختیار کرتا۔
مسلمان مسجدوں میں نماز پڑھتے تو بنیا وہاں بھی تنگ کرتا ۔ مسلمانوں کو کوئی راہ سجھائی نہ دیتی تھی .
پھر جو چمکا وہ چاند بن کر تو رستے صاف نظر آنے لگے منزل پتہ چل گئی راہیں کھلتی چلی گئیں اور مایوسی امید میں بدل گئی ٹوٹے حوصلے دوبارہ سے بندھنے لگے کامیابیاں قدموں کو چومنے لگیں ۔
بھٹکے مسافر اک راہ پہ آ گئے ۔پھر صعوبتیں بھی لذت دینے لگیں کیونکہ صلہ نظر آنے لگا بے مقصد زندگیاں بامقصد لگنے لگی
جینے کی راہ ملی تو مشکل بھی آسانی لگنے لگی ۔
اک ایسا راہبر ملا رہنما ملا سفر بھی حضر کی طرح لگنے لگا ۔
پھر خون بھی بہا ‘گھر بار بھی لٹا ‘بہن بھائی ‘ماں باپ ‘اولاد مال سب لٹا لیکن دل کی بس ایک پکار تھی "پاکستان ” اور جب پاکستان ملا تو سب بھلا کر اک ہی نعرہ تھا پاکستان زندہ باد قائد اعظم زندہ باد ۔
جی ہاں ایسا رہنما ‘ایسی راہ دکھا کر منزل پہ لے گیا کہ قوم نے اسے سب سے بڑا لیڈر قرار دے دیا ۔اور قائد اعظم پکارنے لگے ۔
یہ محمد علی جناح کی عظیم قیادت اور سیاسی بصیرت ہی تھی جس نے اتنی مشکلات میں بھی اپنی بات منوائی اور دنیا کے نقشے پہ اب سے بڑی ریاست آزاد کروا لی ۔
آج ہم اسی بطل عظیم کی رات دن انتھک کوششوں کی وجہ سے ہی آزاد ریاست میں آزادانہ زندگی گزار رہے ہیں ۔اس آزادی کی قدر پوچھئے کشمیر یوں سے جنھیں مہینہ ہونے والا ہے نہ دوائی ملتی ہے نہ کھانے کو کچھ ہے نہ پینے کو ۔جو مسجد میں نماز پڑھنے جاسکتے ہیں نہ اذان دینے ۔جن کی عزت محفوظ ہے نہ جان ۔
جو جگہ جگہ کٹ رہے ہیں ۔
جو اک محمد علی جناح کی راہیں دیکھ رہے ہیں ۔
اس آزادی کی قدر پوچھئے ہندوستان کے ہندو اکثریت میں رہ جانے والے اور دھوکے سے ہندوستان میں پا کستان کے شامل کئے جانے والے علاقوں کے مسلمانوں سے جنھیں جب چاہے آر ایس ایس کے غنڈے آ کر قتل و غارت شروع کردیتے ہیں ‘جب چاہے گائے کے گوشت کا بہانہ بنا کر رسیوں سے باندھ کر تڑپا تڑپا کر مارنے لگتے ہیں ۔کبھی گائے کا پیشاب پینے پہ مجبور کرتے ہیں کبھی جے شری رام کا نعرہ لگانے پہ مجبور کرتے ہیں ۔وہ بھی اک محمد علی جناح کی راہیں دیکھ رہے ہیں ۔

ہمیں ان میں سے کسی مشکل کا سامنا نہیں تو یہ اس عظیم ترین انسان کی بدولت ہے جس کا نام ہے محمد علی جناح ۔جو گیارہ ستمبر 1948 کو ہمیں اک آزاد وطن دے اپنا مقصد حیات پورا کر کے چلا گیا ۔

اللہ رب العزت انھیں کروٹ کروٹ جنت نصیب کرے ۔آمین

قائد اعظم محمد علی جناح۔۔۔
ایک شخصیت،ایک عہد۔۔۔ !!! بقلم:(جویریہ چوہدری)۔

کراچی میں 25دسمبر 1876ء
میں پیدا ہونے والے بچے کے بارے میں کون جانتا تھا کہ یہ بچہ بڑا ہو کر عالمِ اسلام کا عظیم لیڈر اور عہد ساز شخصیت بنے گا۔۔۔؟؟؟

تاریخ پاکستان کا چمکتا ستارہ عالمی سیاسی منظر نامے پر بھی ایک عظیم لیڈر کے طور پر نظر آتا ہے۔۔۔ !!!!
آپ عہد آفریں شخصیت۔۔۔
با اصول سیاستدان۔۔۔۔
کامیاب قانون دان۔۔۔
اور بلند مرتبہ مدبر بھی تھے۔۔۔
یہ آپ کی مضبوط قوتِ ارادی۔۔۔اور دانشورانہ صلاحیتوں کا صلہ تھا کہ۔۔۔ہندو کی تنگ نظری (Narrow vision) آپ پر جب واضح ہو گئی تو آپ کے لیئے یہ بات سمجھنا مشکل نہ رہی کہ مسلمانانِ ہند کو اس غلامی کا طوق اتار پھینکنا چاہیئے۔۔۔
اور ایک الگ پہچان۔۔۔۔اور مملکت ناگزیر ہو چکی ہے۔۔۔
یہی وجہ تھی کہ مسلمانانِ برصغیر نے عظیم لیڈر کی قیادت میں متحد ہو کر اپنا بھر پور کردار ادا کیا جو بالآخر دنیا کے نقشے م پر پاکستان جیسی عظیم ریاست کے قیام کی وجہ بن گیا۔۔۔
تاریخ اس تحریک پر حیران نظر آتی ہے کہ مدبرانہ اور ولولہ انگیز مخلص قیادت قوموں کی کامیاب و بامراد سمت کا تعین کر دیتی ہے۔۔۔۔
یہی کردار ہمیں محمد علی جناح کا نظر آتا ہے۔۔۔
قوم کے لیئے ان کے دل میں محبت اور خدمت کا جو جزبہ موجزن تھا وہ آج بھی ہم جیسوں کے لیئے مشعل راہ ہے۔۔۔ !!!
آپ کی غیر معمولی شخصیت کی بنیاد ابتداء سے ہی پڑ گئی تھی اور شروع سے ہی آپ کے کردار میں ایک دیانتدار اور محنتی انسان کی جھلک نظر آتی تھی۔۔۔۔
اور یہی کردار آگے بڑھ کر قابلِ تقلید مثال بن گیا۔۔۔۔
دیانتداری۔۔۔۔
اصولوں کی پاسداری۔۔۔۔
اور کردار سے ثابت کر کے دکھانا آپ کی پہچان بن گئی۔۔۔۔
قومی وسائل کے بے دریغ استعمال۔۔۔اقرباء پروری۔۔۔۔رشوت۔۔۔۔بڑائی۔۔۔خیانت ان کے نزدیک سنگین جرائم تھے۔۔۔
تاریخ کے صفحات میں ان کے بے مثال و قائدانہ کردار کی ایک جھلک دیکھیئے کہ
1943ء میں الہ آباد یونیورسٹی میں کانگریس اور مسلم لیگ کے طلباء کے درمیان پرچم لہرانے کا تنازعہ اٹھا۔۔۔
ہندو طلباء ملکی اکثریت کی بناء پر اپنا پرچم لہرانا چاہتے تھے۔۔۔۔
جبکہ یونیورسٹی میں مسلمان طالبعلموں کی اکثریت کی وجہ سے مسلم لیگی اپنا پرچم لہرانا چاہتے تھے۔۔۔
یونین کے الیکشن میں مسلم لیگ کی کامیابی کے بعد طلباء نے جب ان سے پرچم کشائی کی تقریب میں شرکت کا کہا تو آپ نے فرمایا:
"تمہاری اکثریت خوشی کی بات ہے لیکن طاقت حاصل کرنے کے بعد اپنے غلبے کی نمائش اچھی حرکت نہیں ہے۔۔۔کوئی ایسی بات نہ کرو جو کسی کی دل آزاری کا باعث بنے۔۔۔یہ مناسب نہیں کہ ہم جس کام پر دوسروں کو مطعون کرتے ہیں،وہی کام خود کرنے لگ جائیں۔۔۔۔ ”

یہ تھا آپ کا نوجوانوں کو ٹھنڈے دل و دماغ، تحمل اوربردباری سے آگے بڑھنے کا مدبرانہ مشورہ۔۔۔۔۔

دو قومی نظریہ کی وضاحت جس خوبصورتی کے ساتھ آپ نے دنیا کے سامنے رکھی تھی۔۔۔۔
قیامِ پاکستان کی وجوہات کا وہ بہترین سرمایہ تھی۔۔۔۔
عدل و انصاف پر مشتمل پر امن معاشرے کا قیام ان کا خواب تھا۔۔۔۔
کسی بھی طبقے کے حقوق کا استحصال اور لوٹ مار سے قوم کو خبردار کیا۔۔۔۔
اسلام کا نظام مساوات،عدل،رواداری،اتحاد ان کا دو ٹوک پیغام تھا۔۔۔۔
قائد کی شخصیت۔۔۔حوصلہ،تدبر،احساسِ ذمہ داری۔۔۔اور بے بے باکی کی آئینہ دار تھی۔۔۔
آپ نے مسلمانوں کا مؤقف واضح الفاظ میں دنیا کے سامنے اخلاقی جرأت کے ساتھ پیش کیا۔۔۔۔ !!!!
مگر افسوس!
ہم رفتہ رفتہ ان اصولوں سے دور ہوتے گئے۔۔۔جن کا خواب قائد کی دور اندیشی سے لبریز آنکھوں میں چمکتا تھا۔۔۔۔
آپ مخالفین کے سامنے آہنی دیوار تھے۔۔۔
وہ آپ کو جھکا نہ سکتے تھے۔۔۔۔
آپ کے اٹل ارادوں کے آگے بند نہ باندھ سکتے تھے۔۔۔۔
یہی وجہ تھی کہ لارڈ ماؤنٹ بیٹن بھی یہ کہنے پر مجبور ہوا تھا کہ میں ہندوستان کو متحد رکھنے کی غرض سے ہی گیا تھا۔۔۔مگر اس راہ میں ایک شخص پہاڑ کی طرح ڈٹا ہوا تھا اور وہ محمد علی جناح تھا۔۔۔ !!!

بلاشبہ ایسی عظیم شخصیات صدیوں بعد جنم لیتی ہیں۔۔۔۔
جو قوموں کی تاریخ کا دھارا موڑ دیتی ہیں۔۔۔۔
جو دنیا کے نقشے بدل کر رکھ دیتی ہیں۔۔۔۔
جو نوزائیدہ مملکت کو مدبرانہ انداز و سوچ سے اپنے پاؤں پر۔۔۔کفایت شعاری سے کھڑا کر دیتی ہیں۔۔۔۔ نوجوانوں کو تعلیم و محنت اپنی ترجیح بنانے کا درس دیتی ہیں۔۔۔۔اسی صورت میں وہ اپنی دنیا آپ پیدا کر سکتے ہیں۔۔۔ !!!
بقول اقبال
>ہزاروں سال نرگس اپنی بے نوری پہ روتی ہے
بڑی مشکل سے ہوتا ہے چمن میں دیدہ ور پیدا۔۔۔۔ !!!
بانئ پاکستان 11ستمبر 1948 کو وفات پا گئے اور قوم عظیم لیڈر اور ہیرو سے محروم ہو گئی۔۔۔۔۔۔۔۔
But heroes like him never die…..
Do they die????
He lives in our hearts…. !!!!!
آپ کے فرمودات آج بھی قومی استحکام اور ترقی کے لیئے ہمارے لیئے راہنما اصول ہیں۔۔۔۔ !!!!
¤¤¤¤¤¤¤¤¤¤¤¤¤¤¤¤¤¤¤