Author: +9251

پاکستان تحریک انصاف کے خیبر پختونخوا سے تعلق رکھنے والے سابق رکن اسمبلی بلدیو کمار نے انڈیا میں نریندر مودی حکومت سے سیاسی پناہ کی درخواست دی ہے،

باغی ٹی وی کی رپورٹ کے مطابق پی ٹی آئی کے سابق رکن اسمبلی پر رکن اسمبلی سردار سورن سنگھ کے قتل کا الزام تھا جو کہ ان کے گھر والوں نے لگایا تھا تاہم عدالت میں‌ ثبوت کمزور ہونے کی بنیاد پر اسے رہا کر دیا گیا تھا جس کے بعد وہ اپنی فیملی کے تین افراد کے ہمراہ انڈیا چلے گئے اور اب انہوں نے سیاسی پناہ کیلئے مودی حکومت کو درخواست دے دی ہے، بلدیو کمار نے بھارتی شہریت حاصل کرنے کیلئے پاکستان میں اقلیتوں کے غیر محفوظ ہونے کا زہریلا پروپیگنڈا شروع کر رکھا ہے،

بلدیو کمار نے زہر اگلتے ہوئے کہا ہے کہ ہندوستانی حکومت پاکستان میں‌ بسنے والی اقلیتوں خاص طور پر ہندوؤں اور سکھوں کیلئے پیکج کا اعلان کرے تاکہ وہ یہاں انڈیا میں آ کر رہ سکیں، پی ٹی آئی کے سابق رکن اسمبلی نے بھارت میں سیاسی پناہ کی درخواست دی ہے تاہم سوشل میڈیا پر بھارتی شہریوں‌ کا کہنا ہے کہ حکومت چھان پھٹک کر سیاسی پناہ دے کہیں یہ شخص پاکستان کا ایجنٹ ہی نہ ہو، ادھر خیبر پی کے کے وزیر اطلاعات شوکت یوسف زئی نے کہا ہے کہ پی ٹی آئی نے بلدیو کمار کی ممبر شپ معطل کر دی تھی وہ پی ٹی آئی کے رکن نہیں ہیں، بلدیو کمار کی جانب سے پاکستانی اقلیتوں کو آزادی نہ ہونے کا الزام شرمناک ہے، دنیا جانتی ہے کہ پاکستان میں اقلیتوں کو مکمل طور پر آزادی ہے، پاکستان تحریک انصاف کا جرائم پیشہ لوگوں سے کوئی تعلق نہیں ہے، کسی پر قتل کا الزام ہوتو اس کے ساتھ نہ تو پی ٹی آئی کا کام ہے او رنہ ہی حکومت کا ،

واضح‌ رہے کہ 22 اپریل 2016 کو خیبر پی کے میں بونیر ضلع میں وزیراعلیٰ پرویز خٹک کے مشیر برائے اقلیتی امور اور رکن اسمبلی سورن سنگھ کو قتل کر دیا گیا تھا جس کا الزام ان کے سیاسی حریف بلدیو کمار پر لگا اور اسے گرفتار بھی کیا گیا تاہم 26 اپریل 2018 کو انسداد دہشتگردی کی عدالت نے بلدیو کمار کو شک کی بنیاد پر باعزت بری کرنے کے احکامات جاری کیے تھے، بلدیو کما رکے کئی رشتہ دار خیبر پی کے میں مقیم ہیں، ان کا کہنا ہے کہ بلدیو کمار سے ان کا کوئی رابطہ نہیں‌ ہے،

تفصیلات کے مطابق برطانیہ کی فضائی کمپنی کی طرف سے تنخواہیں نہ بڑھانے پر پائلٹس کی طرف سے ہڑتال کی گئی ہے جس وجہ سے لاکھوں مسافر متاثر ہیں
اس معاملے پر لندن کے وزیر اعظم بورس جانسن کو بھی معاملے میں مداخلت کرنا پڑی ہے اور انہوں نے امید ظاہرکی ہے کہ معاملے کو عنقریب بات چیت سے سلجھا لیا جائے گا.برطانیہ کی فضائی کمپنی برٹش ایئر ویز کے پائلٹس کی دو روزہ ہڑتال کے باعث پیر کو پہلے دن 1700 پروازیں منسوخ کردی گئیں۔ہوا بازوں کی تنظیم برٹش ایئر لائن پائلٹس ایسوسی ایشن نے پیر اور منگل کو ہڑتال کا اعلان کیا تھا۔ پائلٹس تنخواہ میں اضافے کے ساتھ کمپنی کے منافع میں حصے کا مطالبہ کررہے ہیں ۔ برطانیہ کے سول ایوی ایشن کے ادارے نے برٹش ایئرویز کو احکامات دیے ہیں کہ وہ مسافروں کے لیے متبادل انتظامات کرے ۔میڈیا رپورٹس کے مطابق برٹش ایئرویز کے دنیا بھر میں موجود 4300 پائلٹس نے تنخواہ کے تنازع پر ہڑتال کی ہے ، پروازیں منسوخ ہونے سے 3 لاکھ سے زائد افراد کے متاثر ہونے کا خدشہ ہے ، یہ ہڑتال جو کل سے شروع ہوئی تھی آج بھی جاری ہے .اس ہڑتال سے برطانوی وزیر اعظم کی مشکلات میں اضاہ ہو رہا ہے جو کہ سیاسی عدم استحکام کی وجہ سے پہلے ہی مشکالات میں‌ گھرے ہوئے ہیں.

چینی وزیر خارجہ وانگ پی کے دورہ پاکستان کے اختتام پر جاری مشترکہ اعلامیہ سے بھارت سرکار کے پیٹ‌ میں سخت مروڑ اٹھ رہے ہیں‌ اور ہندوستانی وزارت خارجہ کے ترجمان نے اس پر شدید ردعمل ظاہر کیا ہے،

باغی ٹی وی کی رپورٹ کے مطابق ہندوستانی وزارت خارجہ کے ترجمان رویش کمار نے ہرزہ سرائی کرتے ہوئے کہا ہے کہ کشمیر بھارت کا اٹوٹ‌ انگ ہے اور ہم اس اعلامیہ کو تسلیم نہیں کرتے، اسی طرح زہر اگلتے ہوئے یہ بھی کہا گیا ہے کہ پاک چین اقتصادی راہداری منصوبہ انڈیا کی سرزمین پر تعمیر کیا گیا ہے کیونکہ پاکستان نے مبینہ طور پر 1947ء میں اس سرزمین پر غیر قانونی قبضہ کر لیا تھا،

بھارتی وزارت خارجہ کا یہ مضحکہ خیز دعویٰ کرتے ہوئے یہ بھی کہنا تھا کہ وہ اپنی تشویش سے دونوں ملکوں‌ کو آگاہ کرتا رہا ہے، بھارتی وزارت خارجہ کے ترجمان کا کہنا تھا کہ انڈیا آزاد کشمیر میں کسی دوسرے ملک کی طرف سے صورتحال کو بدلنے کی کسی بھی کاروائی کے سخت خلاف ہے، تمام متعلقہ فریقین کو یہ کاروائیاں‌ روک دینی چاہئیں، واضح رہے کہ پاکستانی اور چینی وزرائے خارجہ کے ملاقات کے بعد جاری کردہ مشترکہ اعلامیہ میں کشمیر کا خاص طور پر ذکر کیا گیا تھا جس پر انڈیا کو سخت تکلیف ہوئی ہے،

بھارت میں ہندوانتہاپسندوں کو بچانے کیلئے تبریز انصاری نامی مسلمان کے قتل کو دل کا دورہ پڑنے سے جاں بحق ہونے کا دعویٰ کر دیا گیا ہے،

باغی ٹی وی کی رپورٹ کے مطابق تبریز انصاری کو ہندوانتہاپسندوں نے تقریبا دو ماہ قبل جے شری رام کے نعرے لگانے پر مجبور کیا اور کھمبے کے ساتھ باندھ کر وحشیانہ تشددکا نشانہ بناتے ہوئے قتل کر دیا تھا مگر اب قاتل ہندوانتہا پسندوں‌ کی جانب بچانے کیلئے دعویٰ کیا گیا ہے کہ اس کی موت دل کا دورہ پڑنے سے ہوئی تھی، اسی طرح بھارتی پولیس نے انتہاپسندوں کے خلاف درج ایف آئی آر میں سے دفعہ 302 حذف کر دی ہے،

تبریز انصاری کی اہلیہ کی درخواست پر ہندوانتہاپسندوں کے خلاف قتل کا مقدمہ درج کیا گیا تھا، بھارتی پولیس کے اس اقدام کے بعد ہندوانتہاپسندوں کی اس مقدمہ سے جلد جان چھوٹ جائے گی، بھارتی پولیس کی اس حرکت پر مقامی مسلمانوں میں سخت اشتعال پایا جاتا ہے،

ایرانی پاسداران انقلاب کے سربراہ حسین سلامی نے اپنا نائب مقرر کر دیا، اس کا مقصد عوامی احتجاج کو روکنے کے لیے سیکیورٹی کو سخت کرنا ہے.
ایرانی پاسداران انقلاب کے سربراہ حسین سلامی نے اپنا نائب مقرر کر دیا، اس کا مقصد عوامی احتجاج کو روکنے کے لیے سیکیورٹی کو سخت کرنا ہے. حسین سلامی نے باسیج ملیشیا کے سابق سربراہ غلام حسین غریب پرور کو اپنا نائب اور "امام علی” سیکورٹی مرکز کا سربراہ مقرر کر دیا ہے۔ غیب پرور پاسداران انقلاب کے اہم ترین یونٹ کا کمانڈر ہو گا۔ ۔

واضح رہے کہ ایرانی پاسداران انقلاب نے 2009 میں سبز تحریک کے تحت ہونے والے مظاہروں کے خلاف کریک ڈاؤن میں موٹر سائیکلوں پر سوار سیکورٹی یونٹوں کا استعمال کیا۔ ان میں ہر یونٹ 50 اہل کاروں پر مشتمل ہوتا تھا۔ یہ یونٹس پولیس کی گاڑیوں اور ہنگامہ آرائی سے نمٹنے والی فورس کی سواریوں سے زیادہ تیز تھے۔ ہاتھوں میں لاٹھیاں اور ڈنڈے لیے ہوئے موٹر سائیکل پر سوار نقاب پوش اہل کاروں نے مظاہرین کے بیچ انارکی اور خوف کی صورت حال پیدا کر دی۔

سال 2009 کی شورش کو دبانے میں ایک سال سے زیادہ کا عرصہ لگا۔ بعد ازاں 2011 میں موٹر سائیکل سواروں کے اس یونٹ میں افراد اور سامان کا اضافہ کر کے اسے سرکاری طور پر ایک بریگیڈ کی شکل دے دی گئی۔ت 30 اگست2017ء) ایران نی2009ء میں ہونیوالے صدارتی انتخابات کے دوران مبینہ دھاندلی کے الزامات کے بعد سبز انقلاب تحریک شروع ہوئی تھی اس دھاندلی کے خلاف احتجاج کرنے والے قائدین کے خلاف عدالتوں میں مقدمات چلائے تھےاور ان کی پکڑ دھکڑ کی گئی تھی.