Baaghi TV

Author: +9251

  • سعودی عرب کے شہزادہ فیصل بن فہد وفات پا گئے

    سعودی عرب کے شہزادہ فیصل بن فہد وفات پا گئے

    مملکت سعودی عرب کے شہزادے فیصل بن فہد بن مسہری بن جلوی السعود وفات پا گئے ہیں،

    باغی ٹی وی کی رپورٹ‌ کے مطابق عرب میڈیا میں شائع ہونے والی رپورٹوں کے مطابق سعودی شہزادہ فیصل بن فہد کی نماز جنازہ ادا کردی گئی ہے جس میں‌ سعودی عرب کے شاہی خاندان سمیت اہم شخصیات نے شرکت کی، شہزادہ فیصل بن فہد سے متعلق بتایا گیا ہے کہ وہ شہزادہ فہد بن مسہری کے بیٹے تھے جو سعودی عرب کے القسیم ضلع کے سابقہ شہزادے تھے،

    رپورٹ کے مطابق شہزادہ فیصل بن فہد کی نماز جنازہ سعودی دارالحکومت ریاض کی امام ترکی بن عبداللہ مسجد میں ادا کی گئی، ان کی وفات پر خادم الحرمین الشریفین شاہ سلمان بن عبدالعزیز، سعودی شہزادہ محمد بن سلمان اور دیگر اہم شخصیات نے تعزیت کا اظہار کیا ہے، سعودی شہزادہ کی نماز جنازہ ادا کرنے کے بعد تدفین کر دی گئی ہے،

  • دنیاپور : امن کمیٹی کا اجلاس

    دنیاپور:محرم الحرام میں امن وامان کے قیام کے سلسلے میں ڈسٹرکٹ پولیس آفیسر لودھراں ملک جمیل ظفر کی زیر صدارت امن کمیٹی کا اجلاس

    اس موقع پر ڈپٹی کمشنر لودھراں راؤامتیازاحمد..اسسٹنٹ کمشنر دنیاپور سیدوسیم حسن شاہ ،صوبائی وزیر زوار حسین وڑائچ ، ڈی ایس پی دنیاپور جواد سخا گورائیہ اور صدرریجنل یونین آف جرنلسٹس جنوبی پنجاب راؤ عابد علی خاں اور امن کمیٹی کے ممبران شامل تھے.

  • سری لنکن کرکٹ بورڈ سینئر کھلاڑیوں‌ کو دورہ پاکستان کیلئے راضی کرنے میں کامیاب ہوا یا نہیں؟ خبر آ گئی

    سری لنکن کرکٹ بورڈ سینئر کھلاڑیوں‌ کو دورہ پاکستان کیلئے راضی کرنے میں کامیاب ہوا یا نہیں؟ خبر آ گئی

    سری لنکن کرکٹ بورڈ دورہ پاکستان کیلیے سینیرکھلاڑیوں کو راضی نہیں کرسکا،

    باغی ٹی وی کی رپورٹ کے مطابق دنیش چندیمل ، کوشل میڈس، کوشل پریرا، دننجایا ڈی سلوا اورسرنگا لکمل بھی پاکستان نہیں آئیں گے، دننجایا ڈی سلوا اورسرنگا لکمل بھی پاکستان نہیں آئیں گے، سری لنکن کھلاڑیوں کےپاکستان آنے پرتحفظات برقرار ہیں، سینئرسری لنکن کرکٹرزنے دورہ پاکستان کرنے سے معذرت کی ہے،

    سری لنکن کرکٹ بورڈ حکام سے30 کھلاڑیوں کی ملاقات ہوئی ہے، ٹی 20 ٹیم کے کپتان لیستھ ملنگا، ون ڈے کپتان اینجیلومیتھیوز دستبردار ہو گئے ہیں، سرنگالکمل، دننجایاڈی سلوا، کوشال پریرا کی طرف سے بھی دورہ پاکستان سے معذرت کی گئی ہے، سری لنکن بورڈنےدورہ پاکستان کیلئےنئےکپتانوں کااعلان کردیا ہے، لاہیروتھری مانےٹی 20 اورداسون شناکا ون ڈے ٹیم کی قیادت کریں گے،

  • وہاڑی : ممبران بلامقابلہ منتخب ہو گئے

    وہاڑی (نمائندہ باغی ٹی وی) وہاڑی چیمبر آف کامرس اینڈ انڈسٹری کے سالانہ انتخابات

    تفصیلات کے مطابق مجلس عاملہ کے ممبران بلامقابلہ منتخب۔
    کارپوریٹ کلاس اور ایسوسی ایٹ کلاس سے پانچ پانچ ممبران کا انتخاب۔
    گزشتہ روز ایوان صنعت و تجارت وہاڑی کے سالانہ انتخابات بابت سال 20 -2019 کے سلسلہ میں مجلس عاملہ کی دس نشستوں کا انتخاب ہوا

  • وہاڑی : کمشنر ملتان نے سکیورٹی کا جائزہ لیا

    وہاڑی (نمائندہ باغی ٹی وی)کمشنر ملتان ڈویژن افتخار سہو نے محرم الحرام کے سکیورٹی انتظامات کے حوالے سے وہاڑی کا دورہ کیا.

    تفصیلات کے مطابق اس دوران انہوں کمانڈ اینڈ کنٹرول روم پولیس لائنز کا دورہ کیا اور سی سی ٹی وی کیمرہ جات سے مجالس اور جلوسوں کی مانیٹرنگ کا جائزہ لیا. اس دوران ان کے ہمراہ ڈسٹرکٹ پولیس آفیسر وہاڑی ثاقب سلطان المحمود اور ڈپٹی کمشنر عرفان علی کاٹھیا بھی موجود تھے.

  • صحافیوں نے ایسا کیا سوال کیا کہ آئی جی پنجاب جواب دیے بغیر چلے گئے؟ پی آر او بھی صحافیوں سے الجھ پڑے

    صحافیوں نے ایسا کیا سوال کیا کہ آئی جی پنجاب جواب دیے بغیر چلے گئے؟ پی آر او بھی صحافیوں سے الجھ پڑے

    آئی جی پنجاب پولیس عارف نواز صحافیوں کے سوالات کا برا مان کر جواب دیئے بغیر چلے گئے،

    باغی ٹی وی کی رپورٹ کے مطابق میڈیا سے گفتگو کے دوران صحافیوں نے ان سے سوال کیا کہ تھانوں میں تشدد سے ہلاکتوں کی روک تھام کب ہوگی؟ اسی طرح ایک صحافی نے یہ سوال کیا کہ پولیس اسٹیشنزمیں موبائل لےجانےپرپابندی کیوں لگائی؟ جس پر آئی جی پنجاب عارف نواز صحافیوں کے ان سوالات پر برا مان گئے اور عجب منطق پیش کرتے ہوئے کہاکہ صحافی سوال کیوں‌ کرتے ہیں؟

    پولیس چیف کے جانے کے بعد ان کے پی آر او صحافیوں سے الجھ پڑے اور صحافیوں کو ڈکٹیشن دینے کی کوشش کرتے ہوئے کہا کہ صحافی ایسے سوال نہیں پوچھ سکتے؟ پی آر او کے رویہ پر صحافیوں نے احتجاج کیا ہے،

  • برٹش ایئر ویز کو بڑے احتجاج کا سامنا

    برٹش ایئر ویز کو بڑے احتجاج کا سامنا

    برٹش ایئر ویز کے 4300 پائلٹس نے لگا تار پچھلے نو ماہ سے تنحواہیں نہ ملنے پر پورے برطانیہ کے کسی بھی ایئر پورٹ سے طیارے نہ اڑانے کی کال دے دی ہے جس سے کم و بیش 3 لاکھ مسافروں کے سفری روٹس متاثر ہونے کا حدشہ ہے
    دوسری برٹش ایئر ویز کے پائلٹس کی آرگنائزیشن بالپا کا کہنا ہے برطانوی فضائی کمپنی پائلٹس کو سالانہ صرف دو لاکھ پاونڈز کے مراعات دینے پر رضا مند ہے جو کہ پائلٹس کو بالکل بھی قبول نہیں ہے، فی الحال پائلٹس نے سوموار اور منگل کے فضائی آپریشن معطل کرنے کا اعلان کر رکھا ہے اور بالپا کا کہنا ہے کہ اگر پائلٹس کی تنحواہوں کا مسئلہ مستقبل قریب میں حل نہ کیا گیا 27 ستمبر کو بھی ہڑتال کریں گے

  • پاکستان ریکوڈک کیس میں جرمانے پر کیا اقدام اٹھانے جا رہا ہے؟ اہم خبر آ گئی

    پاکستان ریکوڈک کیس میں جرمانے پر کیا اقدام اٹھانے جا رہا ہے؟ اہم خبر آ گئی

    وفاقی وزیر برائے توانائی عمر ایوب خان نے کہا ہے کہ گزشتہ دور حکومت میں آئی پی پیز کو دینے کےلیے رقم موجود نہیں تھی، تمام مسائل صاف شفاف انداز میں حل کیےجارہے ہیں، عوام کوحقائق کاپتہ چلناچاہیےکہ گزشتہ حکومتوں نےملک کومقروض کیا،

    باغی ٹی وی کی رپورٹ کے مطابق انہوں نے کہاکہ گزشتہ حکومتوں نےآئی پی پیزپربہت زیادہ بوجھ ڈالا، سرکلرڈیٹ پرکیپیسٹی چارجزواپس لےرہےہیں، عمران خان کی حکومت میں کوئی کام میرٹ کےبغیرنہیں ہوتا، ریکوڈک کیس میں پاکستان پر جرمانے کو چیلنج کرنے جارہے ہیں، ریکوڈک اور کارکے کیس میں پاکستان کو نقصان پہنچا، ن لیگ کےدورمیں سرکلرڈیٹ بڑھ گیاتھاجس کےلیےحکومت کےپاس پیسے نہیں تھے،

    عمر ایوب خان نے کہاکہ شفافیت موجودہ حکومت کا طرہ امتیازہے، انہوں نے کہاکہ گزشتہ دور حکومت میں آئی پی پیز کو دینے کےلیے رقم موجود نہیں تھی، ان کمپنیوں کا گیس سیلز ایگریمنٹ تبدیل نہیں کیا گیا، تمام مسائل صاف شفاف انداز میں حل کیےجارہے ہیں،
    گزشتہ حکومت کی پالیسی کی وجہ سےریکوڈک کیس میں جرمانہ ہوا، ریکوڈک کیس میں پاکستان پرجرمانےکوچیلنج کرنےجارہے ہیں، گردشی قرضوں پرکیپسٹی چارجزواپس لےرہےہیں، بجلی کےترسیلی نظام کی بہتری ہماری ترجیح ہے، روش پاوراوردیگر11کمپنیوں نےعالمی ثالثی کیلئےرجوع کیاہے، روش پاورکمپنی نےمقامی ثالث سےرجوع کیاہے، عوام کوحقائق کاپتہ چلناچاہیےکہ گزشتہ حکومتوں نےملک کومقروض کیا،

  • عالمی برادری مقبوضہ کشمیر میں انسانی حقوق کی خلاف ورزیوں پر خاموش نہ رہے، عمران خان

    عالمی برادری مقبوضہ کشمیر میں انسانی حقوق کی خلاف ورزیوں پر خاموش نہ رہے، عمران خان

    وزیراعظم عمران خان نے کہا ہے کہ مقبوضہ کشمیر صورتحال پرعالمی براداری کےبڑھتےتحفظات کاخیرمقدم کرتےہیں،


    باغی ٹی وی کی رپورٹ‌کے مطابق وزیر اعظم عمران خان نے سوشل میڈیا سائٹ ٹویٹر پر اپنے پیغام میں کہاکہ عالمی رہنماؤں، سلامتی کونسل کے مقبوضہ کشمیرپرتحفظات ومطالبات کا خیرمقدم کیا ہے، انہوں‌ نے انسانی حقوق کونسل کےمقبوضہ کشمیرپرتحفظات ومطالبات کا بھی خیرمقدم کیا اور مقبوضہ کشمیر کی صورتحال پر عالمی برادری کی بڑھتی ہوئی تشویش کو خوش آئند قرار دیتے ہوئے انسانی حقوق کی خلاف ورزیوں کی تحقیقات کیلئے کمیشن بنانے کا مطالبہ کیا،


    وزیراعظم عمران خان نے کہاکہ عالمی برادری مقبوضہ کشمیر میں بڑےپیمانےپرانسانی حقوق کی خلاف ورزیوں پرخاموش نہ رہے، بھارتی قابض فوج مقبوضہ کشمیر محاصرےکی آڑ میں انسانی حقوق کی خلاف ورزیاں کررہی ہے، عالمی برادری مقبوضہ کشمیر میں بڑے پیمانے پرانسانی حقوق کی خلاف ورزیوں پرخاموش نہ رہے، انہوں نے کہاکہ مقبوضہ کشمیر کی صورتحال پر عالمی رہنماؤں، اقوام متحدہ کے سیکرٹری جنرل انتونیو گوتریز اور اقوام متحدہ کی ہائی کمشنر برائے انسانی حقوق میشیل باچلیٹ نے تشویش کا اظہار کرتے ہوئے بھارت سے پرزور مطالبہ کیا ہے کہ مقبوضہ کشمیر میں چھ ہفتے سے جاری کرفیو کو ختم کیا جائے،

  • اسلام قبول کرنے والی آئرش گلوکارہ کی سکرین پر واپسی

    اسلام قبول کرنے والی آئرش گلوکارہ کی سکرین پر واپسی

    ماضی میں مسیحی مذہب کی پیروکار اور مسیحیت پر تنقید سمیت اپنے متنازع جنسی رجحانات کے باعث خبروں کا حصہ رہنے والی آئرش گلوکارہ شینڈا او کونر نے گزشتہ برس اسلام قبول کرکے سب کو حیران کر دیا تھا ،
    شنیڈا او کونر نے اسلام قبول کرنے کے بعد اپنا نام شہدا ڈیوٹ صداقت رکھا ہے، وہ اسلام کو ایک آفاقی مذہب قرار دیتی ہیں، اسلام قبول کرنے کے دس ماہ بعد انہوں نے دوبارہ موسیقی کی دنیا کا رخ کیا ہے لیکن اس مرتبہ وہ اسٹیج پر اسلامی لباس اور وضع قطع کے ساتھ رونما ہوئیں، گلوکارہ نے سر کو سرخ رنگ کے لباس سے مکمل ڈھانپ رکھا تھا اور سر پر حجاب بھی اوڑھ رکھا تھا،