Author: +9251

بھارت میں معاشی بحران سے ہرشعبہ کا برا حال ہے۔ معاشی بحران سے آٹو سیکٹر سب سے زیادہ متاثر ہوا ۔ ماروتی سوزوکی کے بعد آٹو سیکٹر کی بڑی کمپنی اشوک لے لینڈ نے بھی پانچ پلانٹس میں کام بند کرنے کا باضابطہ اعلان کر دیا۔
ایک اور آٹو کمپنی نے پانچ دن کے لیے اپنا پیداواری یونٹ بند کر دیا…. جانیے کس ملک میں

اعلان کے مطابق اینور میں 16 دن، ہوسر میں 5 دن، الور میں 10 دن، بھنڈارا میں 10 دن اور پنت نگر میں 18 دن تک پلانٹس بند رہیں گے۔ یہ فیصلہ کمرشل گاڑیوں کی طلب میں کمی کو دیکھتے ہوئے کیا گیا۔ اشوک لے لینڈ کی فروخت اگست میں 70 فیصد گھٹ کر 3336 ٹرک رہ گئی تھی۔ جبکہ گزشتہ سال اسی ماہ میں کمپنی نے 11135 ٹرک فروخت کیے تھے۔

کمپنی کے پانچ پلانٹوں میں کام بند کرنے کا اثر ہزاروں ملازمین پر پڑے گا۔ کمپنی کے ہزاروں ملازمین کو بغیر کام کے گھر میں بیٹھنا پڑے گا۔

واضح رہے کہ بھارت میں معاشی بحران کی وجہ سے اب تک لاکھوں لوگ بے روزگار ہو چکے ہیں۔ سی ایم آئی ای کی تازہ رپورٹ کے مطابق، ہندوستان کی بے روزگاری کی شرح 7.2 فیصد تک پہنچ گئی ہے۔ فروری 2018 میں بے روزگاری شرح 5.9 فیصد رہی تھی۔

یاد رہے کہ اشوک لے لینڈ سے قبل ماروتی سوزوکی نے گروگرام کے پلانٹ میں دو دن تک پروڈکشن بند کرنے کا فیصلہ کیا تھا۔ اس کے علاوہ کمپنی ٹویوٹا موٹر اور جنوبی کوریائی کمپنی ہنڈئی موٹر کو بھی گاڑیوں کا پیداواری یونٹ بند کرنا پڑا تھا۔

اسرائیلی جیل میں قید فلسطینی رہنما حذیفہ حلبیہ نے 67 دن کے بعد بھوک ہڑتال ختم کردی۔ اسرائیلی حکام نے انہیں دسمبر 2019میں رہائی کا یقین دلا دیا۔
اسرائیلی فوج کی فائرنگ، دو فلسطینی نوجوان شہید
فلسطینی قیدی حذیفہ نے مسلسل 67دن تک انتظامی قید کے خلاف بہ طور احتجاج بھوک ہڑتال کی ۔ اسرائیلی حکام نے انہیں یقین دلایا ہے کہ انہیں 7 دسمبر 2019ء کو رہا کردیا جائے گا۔

اسلامی جہاد کے رہنما حذیفہ نے یکم جولائی 2019ء کو انتظامی قید کے خلاف بہ طوراحتجاج بھوک ہڑتال شروع کی تھی جس کے نتیجے میں ان کی حالت انتہائی تشویشناک ہوگئی تھی۔

واضح رہے کہ 28 سالہ حذیفہ کا تعلق مقبوضہ بیت المقدس کے نواحی علاقے ابو دیس سے ہے۔ انہیں جون 2018ءمیں اسرائیلی پولیس نے گرفتار کیا بعد ازاںانہیں انتظامی قید میں ڈال دیا گیا تھا۔

اسرائیلی جیلوں میں قید کئی بیماریوں میں مبتلا اور قابض فوج کی مجرمانہ غفلت کا شکار فلسطینی بسام السائح طویل بیماری کے بعد دم توڑ گیا۔47 سالہ بسام اسرائیل کے’ھساف ھروفیہ’ اسپتال میں شہید ہوئے۔
اسرائیلی فوج کی فائرنگ، دو فلسطینی نوجوان شہید
مرکز اطلاعات فلسطین کے مطابق بسام پر2015ءمیں ایک یہودی اور اس کی بیوی کو ہلاک کرنے کا الزام تھا ۔ مذکورہ یہودی نے نابلس میں فلسطینی دوابشہ خاندان کو زندہ جلا کرشہید کر دیا تھا جس کے ردعمل میں بسام نے حملہ کیا تھا۔

بیماری کے آخری مختصرعرصے میں بسام کوکئی اسرائیلی اسپتالوں میں منتقل کیا گیا ۔

بسام کی صہیونی جیلوں میں انتہائی تشویشناک حالت تھی۔ اس کا جگر پھول گیا تھا جبکہ دل کے پٹھے کمزور اور ان کے کام کرنے کی صلاحیت ختم ہو چکی تھی اور اس کے پھیپھڑوں میں بھی پانی بھرچکا تھا۔ بسام تقریبا آٹھ سال سے خون اور ہڈیوں کے کینسر کا شکار رہا ۔

قابض اسرائیلی فوج کی جانب سے اگست 2019 کے دوران فلسطینیوں کے خلاف گھر گھر تلاشی اور گرفتاریوں کا سلسلہ جاری رہا۔ ایک رپورٹ کے مطابق گذشتہ ماہ اسرائیلی فوج نے گھر گھر تلاشیوں کے دوران162 فلسطینی گرفتار کیے ۔
اسرائیلی ریاستی دہشت گردی، ایک ہفتے میں ایک فلسطینی شہید97 زخمی
وادی حلوہ انفارمیشن سینٹر کی رپورٹ کے مطابق اسرائیلی فوج کی طرف سے اگست کے دوران 12 سے 18 سال کی عمر کے 33 بچوں اور 6 خواتین کو گرفتار کیا گیا۔ ان میں بیت المقدس کے 87 فلسطینی شامل ہیں۔ بیت المقدس میں زیادہ تر گرفتاریاں مسجد اقصیٰ میں گھس کر کی گئیں۔

گذشتہ ماہ اسرائیلی فوج نے القدس میں ایک 16 سالہ فلسطینی لڑکے محمد خضر الشیخ کو گولیاں مار کر زخمی کیا جسے بعد ازاں گرفتار کر لیا گیا۔

بھارت کی آٹوموبائل کی انڈسٹری میں چھائی مندی کی وجہ سے اگست میں مسافر کاروں کی فروخت گزشتہ سال کے اسی ماہ کے مقابلہ میں 41.1 فیصد کی بھاری کمی سے ایک لاکھ 15 ہزار یونٹ رہ گئی۔
ایک اور آٹو کمپنی نے پانچ دن کے لیے اپنا پیداواری یونٹ بند کر دیا…. جانیے کس ملک میں
انڈین آٹوموبائل ڈیولپرمینجمنٹ (سیام) نے پیر کو اگست19 میں گاڑی فروخت کے اعداد و شمار جاری کئے۔ اعداد و شمار کے مطابق اس سال اگست میں دو پہیہ والی گاڑیوں کی فروخت بھی گزشتہ سال کے اسی مدت کے مقابلہ میں 22.2 فیصد سے گھٹ کر 15.1 ملین یونٹس رہ گئی۔

سیام کے اعداد و شمار کے مطابق درمیانی اور بڑی کمرشل گاڑیوں کی فروخت بھی نصف سے کم رہ گئی۔ اس ضمن میں فروخت 54.3 فیصد کم ہو کر 15573 یونٹ رہی۔ ہلکی کمرشل گاڑیوں کی فروخت 28.2 فیصد کم ہو کر 36 ہزار 324 یونٹ رہی۔
ٹویوٹا اور ہنڈئی نے گاڑیوں کی پروڈکشن روک دی…. جانیے کس ملک میں
کمرشل گاڑیوں کی فروخت 38.7 فیصد کم ہو کر 51876 یونٹ رہی۔ مسافر گاڑیوں کی فروخت 31.6 فیصد سے کم ہوکر 1.96 ملین یونٹس رہی۔

گاڑیوں کی برآمدات میں 2.4 فیصد کا اضافہ ہوا اور یہ اگست میں 4.2 ملین یونٹس رہی۔ اعداد و شمار کے مطابق اپریل سے اگست کے پانچ ماہ میں کل گاڑی پیداور بھی 12.25 فیصد گھٹ کر ایک کروڑ 20 لاکھ 20 ہزار 944 گاڑیاں رہ گئیں۔ گزشتہ سال اس دوران ایک کروڑ 36 لاکھ 99 ہزار 848 گاڑیاں تیار کی گئی تھیں۔