لیبیا کے دارالحکومت طرابلس میں جنرل خلیفہ حفتر کی قیادت میں قائم نیشنل آرمی اور عالمی سطح پر تسلیم شدہ قومی وفاق حکومت کی وفادار فورسز کے درمیان گھمسان کی جنگ کی اطلاعات ہیں۔ دونوں فوجیں مخالفین کے ٹھکانوں پر بھاری ہتھیاروں سے حملے کررہی ہیں۔

تفصیلات کے مطابق دارالحکومت طرابلس کے جنوبی علاقے اس وقت گھمسان کی جنگ کا مرکز ہیں۔ ہفتے کے روز طرابلس کے نواح میں فوج اور حکومتی دستوں کے مابین نئی جھڑپیں ہوئیں جہاں دونوں طرف سے بھاری توپخانے اور فضائیہ کا استعمال کیا گیا

عینی شاہدین نے ہفتہ کی صبح سے ہی شدید دھماکوں اور بھاری اور درمیانے درجے کے ہتھیاروں کے ساتھ جھڑپوں کی آوازوں کے بارے میں اطلاعات فراہم کیں۔ سوشل میڈیا پرآنے والی اطلاعات کے مطابق متحارب فریقین کے درمیان السبعیہ ، عین زارا ، الکرمیہ ، الخمیس اور الخلا بازار میں خوفناک جھڑپیں ہو رہی ہیں۔

خلیفہ حفتر کی فوج نے قومی وفاق حکومت کے کئی عسکری مراکزاور اسلحہ کو تباہ کرنے کے ساتھ بھاری جانی نقصان پہنچانے کا دعویٰ کیا ہے جب کہ ایک دوسرے ذریعے کے مطابق دونوں فریقین کو لڑائی میں غیرمعمولی جانی اور مالی نقصان اٹھانا پڑا ہے۔

دارالحکومت طرابلس اور اس کے نواحی علاقوں میں رواں ہفتے کے وسط سے ہی غیر معمولی فوجی کشیدگی پائی جارہی ہے۔ قومی وفاق فورسز ایک بڑا فوجی آپریشن شروع کیا تھا ، جبکہ لیبیا کی قومی فوج نے اپنے فضائی ، زمینی اور بحری اکائیوں کے انتباہ کی سطح کو بڑھا دیا تھا۔

امریکی قومی سلامتی کے مشیر جان بولٹن نے ہفتے کے روز کہا کہ بین الاقوامی جوہری توانائی ایجنسی (آئی اے ای اے) نے اپنے گورنرز بورڈ کو بتایا ہے کہ ایران جوہری مواد چھپا سکتا ہے۔

اس سے قبل ایک سینئر ایرانی عہدیدار نے ایک پریس کانفرنس میں کہا تھا کہ ان کے ملک نے جمعہ کے روز ایرانی جوہری معاہدے میں اپنی ذمہ داریوں کو کم کرنے کے لیے ایک نیا قدم اٹھا لیا ہے۔

بھارت میں مدراس ہائی کورٹ کی چیف جسٹس وجے کملیش تاهل رمانی نے اپنے عہدے سے استعفیٰ دے دیا ہے،

باغی ٹی وی کی رپورٹ کے مطابق مدراس ہائی کورٹ کی چیف جسٹس میگھالیہ میں تبادلہ کئے جانے سے متعلق نظرثانی کی درخواست دی تھی جسے نامنظور کئے جانے پر انہوں نے استعفیٰ دیا ہے، بھارتی میڈیا کا کہنا ہے کہ وجے کملیش تاھل نے اپنا استعفیٰ ہندوستانی صدر رام ناتھ کووند کو بھیج دیا ہے اور اس کی ایک کاپی بھارتی چیف جسٹس رنجن گوگوئی کو بھی بھجوائی گئی ہے، بتایا گیا ہے کہ بھارتی چیف جسٹس کی سربراہی والے كولیجيم میں پانچ جج ہیں اور اس نے ہی جسٹس تاهل رماني کے تبادلے کی سفارش کی تھی،

بھارتی میڈیا کا کہنا ہے کہ مدراس ہائی کورٹ کی چیف جسٹس وجے کملیش تاھل رمانی انڈیا میں ہائی کورٹ کی سب سے سینئر جج ہیں اور انہوں نے مدراس ہائی کورٹ جیسی بڑی عدالت سے میگھالیہ ہائی کورٹ کی طرح چھوٹی جگہ بھیجے جانے کی وجہ سے اپنے عہدے سے استعفی دیا ہے، مدراس ہائی کورٹ کے پانچ عارضی ججوں کو مستقل کئے جانے کے موقع پر منعقدہ عشائیہ میں انہوں نے استعفی دینے کا فیصلہ کیا تھا، بھارتی میڈیا نے اپنی رپورٹ میں یہ بھی کہا ہے کہ مدراس ہائی کورٹ کی چیف جسٹس کا کہنا ہے کہ وہ مدراس سے اب ایک چھوٹے ہائی کورٹ میں اچانک تبادلہ کئے جانے سے دلبرداشتہ ہیں،