گذشتہ 3 سال کے دوران 12 لاکھ غیر ملکی مزدور سعودی عرب کو چھوڑ چکے ہیں جبکہ ابھی بھی 70 لاکھ غیر ملکی مزدور کے طور پر کام کر رہے ہیں۔ اس کے بالمقابل سعودیوں کی تعداد میں اضافہ نہیں ہوا۔
سیاحتی ویزا پالیسی سعودی عرب کے اعلان نے کھلبلی مچا دی
سعودی اخبار میں شائع ہونے والی رپورٹ کے مطابق کہ سعودی عرب کی حکومتی پالیسی اور غیر ملکیوں پر عائد ہونے والی ٹیکسوں کی وجہ سے گذشتہ 3 سال میں 12 لاکھ غیر ملکی سعودی عرب کو خیرباد کہہ چکے ہیں۔
رپورٹ میں لکھا گیا ہے کہ سعودی لیبر مارکیٹ میں 80 فیصد غیرملکی ہیں جن کی جگہ سعودی شہریوں نے لینی تھی۔ اس وقت لیبر مارکیٹ میں صرف 19 لاکھ سعودی کام کر رہے ہیں۔ نجی شعبہ غیر ملکیوں کی جگہ سعودی شہریوں کو ملازمتیں دینے سے کترا رہا ہے۔
رپورٹ میں مزید لکھا گیا ہے کہ رواں سال کی پہلی سہ ماہی میں سعودی معیشت میں بہتری ریکارڈ کی گئی ہے۔
ماہرین نے وزارت محنت سے مطالبہ کیا ہے کہ تمام بڑی کمپنیوں کے کلیدی عہدوں پر سعودی شہریوں کو بھرتی کیا جائے۔ اس سے سعودائزیشن پر مثبت نتائج برآمد ہونے کی توقع ہے۔
