Author: +9251

کراچی : کے الیکٹرک نے کیا کھویا کیا پایا ، نیپرا نے تحقیقاتی رپورٹ جاری کردی ، نیپرا کی تحقیقاتی ٹیم نے کرنٹ لگنے کے 35 میں سے 19 واقعات میں اور بجلی کی طویل بندش پر کراچی الیکٹرک کو ذمہ دارقرار دیا ہے۔

نیپرا کی طرف سے جاری تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے شہر قائد میں ہونے والی حالیہ بارشوں میں بجلی کی بندش پر کے الیکٹرک کو ذمہ دار قرار دے دیا۔

ذرائع کےمطابق نیپرا کی بنائی گئی تحقیقاتی ٹیم نے اب اپنی رپورٹ جاری کردی ہے جس میں شہر میں کرنٹ لگنے کے 35 میں سے 19 واقعات کی ذمہ داری کے الیکٹرک پرعائد کی گئی ہے۔

نیپرا کے اعلامیے کے مطابق نیپرا حکام نے 1997 کے قواعد کے مطابق قانونی کارروائی شروع کرنے کا فیصلہ کیا اور ساتھ ہی کے الیکٹرک انتظامیہ کو شوکاز نوٹس بھی جاری کردیا گیا ہے۔

نیپرا نے کہا کہ ارتھنگ کے ساتھ نیٹ ورک پر سیفٹی بریکرز اور دیگر اقدامات بھی کرتے ہیں، سیلابی صورتحال میں کے الیکٹرک نے تمام اداروں کوایمرجنسی نافذ کرنے کی اپیل کی لیکن بارش، سیلابی صورتحال اور پانی کی نکاسی نہ ہونے سے تنصیبات متاثر ہوئیں

کراچی: کراچی کو صاف ستھرا شہر بنانے کا عزم رکھنے والے وفاقی وزیر علی زیدی نے کہا ہے کہ کراچی میں کچرے سے ہماری جنگ جاری ہے.

کراچی میں ایک نجی تقریب میں خطاب کرتے ہوئے علی زیدی نے کہا کہ کچرا اٹھانا میری دنیاوی یا حکومتی ذمہ داری نہیں، ضمیر کی آواز پر کچرا اٹھانے کی مہم شروع کی.

علی زیدی نے کہا کہ یہ ضمیر کی آواز تھی، کچرے کے باعث کراچی شہر میں دفتر سے گھر پہنچنا ایک مسئلہ تھا، نارتھ ناظم آباد میں بچے بجلی کے کھمبے سے کرنٹ لگ کر مر گئے، ایسے اور بھی واقعات ہوئے۔

وفاقی وزیر کا کہنا تھا کہ کشمیر میں مودی سے لڑائی ہے، کراچی میں ہم کچرے سے جنگ لڑ رہے ہیں، جو جاری رہے گی.یاد رہے کہ علی زیدی کئی ہفتوں سے کراچی کو صاف ستھرا شہر بنانے کے لیے بڑی محنت کررہے ہیں