Author: +9251

بزرگ خاتون سے بد تمیزی کرتا پولیس آفیسر آئی جی پنجاب نے معطل کر دیا

باغی ٹی وی رپورٹ: پولیس گردی کی ایک اصطلاح ہماے معاشرے میں معروف ہے، اس اصظلاح کو پولیس کے ظلم و زیادتی پر مبنی رویے کی وجہ سے استعمال کیا جاتا ہے. اور یہ زیادتی صرف کمزور اور معاشرے کے پسے ہوئے طبقے سے ہی کی جاتی ہے. اسی پولیس گردی کی کی تازہ مثال ایک ویڈیو ہےجو سوشل میڈیا پر گردش کر رہی ہے اور اس پر بہت چرچا ہے. اس ویڈیو میں ایک پولیس آفیسر ایک بزرگ خاتون کو انتہائی بد تمیزی سے مخاطب ہے اور دھمکیاں دے رہا ہے .ساتھ ہی ساتھ غلیظ گالیاں‌بھی دے رہا ہے.اس واقعے کی ویڈیو بنانے والے کو ساتھی پولیس اہلکار روکتا ہے لیکن اپنے ساتھی کو نہیں روکتا جو ایک بزرگ اماں کے ساتھ شرمناک سلوک کر رہا ہے . پولیس کا یہ رویہ عام ہے لیکن جب ایسی ویڈیو پبلک ہوتی ہیں تو پھر ان کے خلاف متعلقہ افسران حرکت میں آتے ہیں . اور ایسا ہی ہوا اس بد تمیزی کی ویڈیو پر بھی حسب معمول پنجاب حکومت کے ترجمان ڈاکٹر شہباز گل نے ایکشن لیا اور آئی جی نے اس پولیس اہلکار کو معطل کر دیا ہے.
https://twitter.com/tarhub/status/1169547126076035072?s=20
یہاں یہ سوال پیدا ہوتاہے کہ جب ایسی وڈیوز وائرل ہوں ، اور لوگ ایسے افراد کو لعن طعن کریں تب ہی ہمارے متعلقہ افسران ایسے افراد کو معطل کریں گے اور ایکشن لیں گے.. پولیس کو بحیثیت ادارہ درست کرنے اور ان کے اندر اصلاحات لانے کے لیے بھی کچھ کریں گے.؟ کیا اب بھی پولیس کو بہتر بنانے کا وقت نہیں آیا ؟.

سب سے اہم بات کہ موجودہ حکومت کا انتخابی نعرہ اور ماٹو ہی یہ تھا کہ ہم پولیس کو بہتر بنائیں گے. ایک سال بیت گیا اس کے اندر پولیس کی اصلاحات کے لیے کیا گیا اور کتنے فیصد عمل دآرمد ہوا ان سب سوالات کا جواب یہی ہوتاہے کہہ یہ سب پچھلی حکومت کا کیا دھرا ہے جو عشروں اس نظام کو چلاتی آئی ہیں ہم اب کیا کر سکتے ہیں، ہمیں ابھی وقت لگے گا. ایک سال کی کارکردگی کا یہی جواب ہے. پولیس کے ہاتھوں شہریوں کی تذلیل ہوتی ہے ، ان کو معمولی جرم پر تشدد کر کےمار دیا جائے. ایسے واقعات پنجاب پولیس کی شناخت بن چکے ہیں ، عوام اب منتظر ہیں کہ کب تبدیلی آتی ہے.

وزیراعلی آفس نے لاہور پولیس کو اس اہلکار کے خلاف فوری کاروئی کرنے کی ہدایت کی ہے. ایسے رویے کسی صورت برادشت نہیں کیے جائیں گے. https://t.co/hBZISlShIz

— Dr. Shahbaz GiLL (@SHABAZGIL) September 5, 2019