Author: +9251

چیف جسٹس کی ہدایت پر اسلام پولیس شکایت سیل کے 7ماہ کی رپورٹ وزارت داخلہ کو پیش کر دی گئی

باغی ٹی وی کی رپورٹ کے مطابق اسلام آباد میں بدامنی عروج پر ہے۔ سیف سٹی کے شہری غیرمحفوظ ہیں اورجرائم کی شرح میں خطرناک اضافہ ہوا ہے۔ وزارت داخلہ کو دی جانے والی رپورٹ میں بتایا گیا کہ وفاقی دارالحکومت اسلام آباد میں سات ماہ میں 73 قتل، ڈکیتی کی 268 .چوری کی 188 اور عام چوری کی 263 وارداتیں ہوئیں

رپورٹ میں مزید بتایا گیا کہ اسلام آباد میں 7ماہ میں مختلف کیسز کی 2ہزار516شکایات درج ہوئیں،2ہزار403 شکایات پر عمل درآمد کیا گیا ،116پر تحقیقات جاری ہے،اسلام آباد ٹریفک پولیس کےخلاف 61شکایات موصول ہوئیں، 59پر عمل کیا گیا،

رپورٹ میں مزید بتایا گیا کہ 14اندھے قتل کیسز کا سراغ لگایا گیا، اغوا برائے تاوان کے 2مقدمات کے ملزمان کو گرفتار کیا گیا،مقدمات میں اغوا برائے تاوان، چوری ،ڈکیتی کے 34کیسز سامنے آئے،7ماہ کے دوران اسلام آباد میں 73قتل کے مقدمات درج ہوئے،

غیرقانونی اسلحہ کے مقدمات میں 47 فیصد جبکہ منشیات کے مقدمات میں 56 فیصد اضافہ دیکھنے میں آیا

سابق صدر آصف زرداری کی ہسپتال سے جیل منتقلی پر پیلز پارٹی نے بڑا فیصلہ کر لیا

باغی ٹی وی کی رپورٹ کے مطابق سابق صدر آصف زرداری کو ہسپتال سے جیل منتقل کرنے کے فیصلہ پر پی پی نے اس مسئلہ کو پارلیمنٹ میں اٹھانے کا فیصلہ کر لیا، نجی ٹی وی چینل دنیا نیوز کے مطابق پیپلز پارٹی کی نائب صدر سینیٹر شیری رحمان نے تحریک التواء سینیٹ سیکرٹریٹ میں جمع کرا دی ہے جس میں انہوں نے ایوان کی کارروائی ملتوی کر کے معاملے پر بحث کا مطالبہ کیا ہے۔

شیری رحمان کا کہنا تھا کہ آصف زرداری کی صحت خراب تھئ، اس کے باوجود حکومت نے انہیں جیل منتقل کر دیا ،ڈاکٹرز نے بھی کہا تھا کہ سابق صدر کو ہسپتال میں رکھا جائے لیکن نہ جانے حکومت کونسا انتقام لے رہی ہے

واضح رہے کہ گزشتہ روز آصف زرداری کو دوبارہ اڈیالہ جیل منتقل کر دیا گیا، پمز ہسپتال کے ترجمان ڈاکٹر وسیم کا کہنا ہے کہ آصف زرداری کو پمز اسپتال سے ڈسچارج کردیا گیا،آصف زرداری کو اڈیالہ جیل کے لیے روانہ کردیا گیا ہے،آصف زرداری کی حالت خطرے سےباہر ہے،

شیری رحمان کا کہنا تھا کہ زرداری کے ذاتی ڈاکٹروں نے کہا کہ ہم اس بات کے خلاف ہیں کہ جیل منتقل کیا جائے، کونسی دشمنی نکالنا چاہتے ہیں، یاد رکھیں جو کر رہے ہیں اس سے بدتر ان کے ساتھ ہو گا، جو انہوں نے شروع کیا وہ بد ترین ڈکٹیٹر کرتا ہے، فیملی اور وکیل کو معلوم نہیں ہوتا نہ ہی عدالت کی بات سنی جاتی ہے،

وفاقی وزیربرائے ہوابازی غلام سرورخان نے کہا ہے کہ نوجوان نسل کومنشیات سے روکنے کا اصل کام والدین کا ہے۔

باغی ٹی وی کی رپورٹ کے مطابق وفاقی وزیر ہوا بازی غلام سرور خان نے رالپنڈی میں اینٹی نارکوٹکس فورس پاکستان کے زیر اہتمام پیش کئے گئے سٹیج ڈرامہ ”اندھیری راہ کا مسافر” کے اختتام پربطورمہمان خصوصی خطاب کرتے ہوئے کہی۔ اس موقع پر ڈائریکٹرآرٹس کونسل وقاراحمد ،ڈائریکٹراے این ایف محمدریاض سومرو اوردیگربھی موجودتھے.

وفاقی وزیر کا کہنا تھا کہ منشیات ایک ناسوربن چکا ہے جسے روکنا صرف اداروں کا کام نہیں بلکہ عوام کوبھی اس کے تدارک کیلئے کردار ادا کرنا ہوگا، والدین اپنے بچوں پرکڑی نظررکھیں۔

۔ڈپٹی ڈائریکٹرجنرل غلام قادرتھیبونے کہا کہ منشیات سے پاک پاکستان ہماراعزم ہے۔

واضح رہے کہ مسلم لیگ ن کے رکن قومی اسمبلی رانا ثناء اللہ منشیات کیس میں جیل میں ہیں انہیں اے این ایف نے گرفتار کیا ہے، چند دن قبل ان کے کیس کی سماعت کرنے والے جج کو تبدیل کر دیا گیا، رانا ثناء اللہ نے سینئر صحافی و اینکر پرسن مبشر لقمان کو خط میں کہا کہ حکومت ظلم کر رہی ہے، دوستوں کا ساتھ رہا تو مجھے انصاف ملے گا