لاہور : دنیا میڈیا گروپ نے پروڈیوسرز سمیت 134 ورکروں کو نوکریوں سے جبری برطرف کر دیا ہے. یہ بہت تشویش ناک اقدام ہے. ایمپرا ان جبری برطرفیوں کی بھر پور مذمت کرتی ہے اور مطالبہ کرتی ہے کہ دنیا گروپ ہوش کے ناخن لیں اور ورکرز کا معاشی قتل کرنے سے باز رہے. ہم اپنے ورکرز کے حقوق کیلئے ہر فورم پر آواز اٹھائیں گے.

دنیانیوز کی آڑ میں ایجوکیشن مافیا سے ائیر کمپنی کے مالک اور لاہور میں دھڑا دھڑ پراپرٹیز بنانے والوں کے خلاف نیب تحقیقات کرے

ایمپرا کے ترجمان اذان ملک نے ایمپرا کی طرف سے پیغام جاری کرتے ہوئے کہا ہے کہ دنیا نیوز نے جس طرح غریب ورکروں کو بےروزگار کیا ہے اس کی جتنی بھی مذمت کی جائے وہ کم ہے . آذان ملک نے مطالبہ کیا کہ دنیا میڈیا گروپ کے مالک ان بے روزگار صحافیوں کو جلد از جلد بحال کریں تاکہ وہ ان کے خاندان اس تکلیف اور آزمائش سے بچ سکیں

لاہور : پاکستان بھر کی تمام نمائندہ صحافتی تنظیموں نے نیب سے مطالبہ کیا ہے کہ وہ دنیا نیوز کی آڑ میں ایجوکیشن مافیا سے ائر کمپنی کا مالک بننے والے اور میڈیا کے نام پر متنازعہ پراپرٹی کا کاروبار کرنے کے حوالے سے مشہور میاں عامر محمود اور سرکاری بیورو کریسی میں لوٹ مار کرکے دنیا نیوز چینل کی بیورو کریسی میں آنے والے نوید کاشف کے خلاف تحقیقات کرے .

دنیا والوں کی دنیا ہی اجڑ گئی ، سیکڑوں ملازمین جبری برطرف کرکے گھروں کے چولہے بجھا دیئے

لاہور پریس کلب سے ذرائع کے مطابق تمام صحافتی تنظیموں کے اجلاس میں فیصلے کے بعد یہ مطالبہ کیا گیا کہ نیب کی ذمہ داری ہے کہ وہ دنیا نیوز کی آڑ میں‌دھندہ کرنے والوں کی جائیدار کا پتہ لگائے کہ اس فیلڈ میں آنے سے پہلے یہ مافیا کیا تھا اور اب اس مافیا نے کتنا لوٹا ،تمام صحافتی تنظیموں نے نیب کے چئیر مین کے نام پیغام میں‌کہا ہے کہ اگر وہ اس مافیا کا احتساب نہیں کریں گے تو پھر یہ احتجاج شدت اختیار کرجائے گا

غریب ورکروں کو بے روزگار کرکے دنیا نیوز نے ظلم کی انتہا کردی ، مذمت کرتے ہیں ، صحافی تنظیموں کا مطالبہ

ذرائع کے مطاب لاہور پریس کلب میں ہونے والے اجلاس میں اس بات کا انکشاف بھی ہوا ہے کہ میاں عامر اور نوید کاشف نے اپنی سابقہ روایت کو برقرار رکھتے ہوئے میڈیا بحران کا بہانہ بنا کر صحافتی ورکرز کو بلاوجہ تنگ کرنا نہیں چھوڑا ہے میڈیا بحران کا بہانہ بنا کر تیس ہزار روپے سے لیکر ڈیرھ لاکھ روپے تنخواہیں لینے والے سینکڑوں صحافیوں کو جبری طور پر دنیا نیوز چینل اور لاہور نیوز چینل کے ورکرز کو نوکریوں سے فارغ کردیا جبکہ لاکھوں روپے تنخواہیں لینے والے اینکروں اور اپنے رشتہ داروں پر میاں عامر محمود کی دولت کی بارش کردی ہے بتایا گیا ہے

صدر ایمرا محمد آصف بٹ نے انکشاف کیا کہ میاں عامر نے کامران شاہد کو 5 کروڑ روپے سے زائد رقم ڈی ایچ اے میں گھر کے لئے قرضے پر دی اور سہیل وڑائچ کے لئے خریدی گی 66 لاکھ روپے کی گاڑی نمبر 9999 بھی کامیران شاہد کو گفٹ کردی اور تو اور ایم ڈی دنیا نیوز کاشف نوید نے اپنے عزیز تسلیم عارف کو اور سٹی گورنمنٹ میں اپنے دوست کے بیٹے زبیر رشید کو لاکھوں روپے کی تنخواہوں پر دنیا نیوز میں رکھ لیا اور جناب نے دنیا نیوز چینل پر شدید مالی بحران کے دوران سوا کروڑ روپے کی نئی گاڑی اور برج کالونی میں 6 کروڑ روپے کا نیا گھر بھی لے لیا

برطرف اور بے روزگار صحافیوں کی پرواہ نہ کرنے والے اداروں کو ورکرز ایکشن کمیٹی نے کنٹرول میں‌لینے کا فیصلہ کرلیا
صدر ایمرا محمد آصف بٹ نے کہا کہ تنظیم آئندہ سے روزانہ میاں عامر محمود اور نوید کاشف کے اثاثے اور غیر قانونی کی لسٹ شائع کی جائیں گی اور ایف بی آر ، نیب اور اِنکم ٹیکس والوں کو دی جائیں گی

لاہور : جسے اپنے بے روزگار اور مظلوم ورکر کا احساس نہیں ہمیں بھی اس کی کوئی ضرورت نہیں ،اس بات کا فیصلہ لاہور پریس کلب میں منعقدہ ورکرز ایکشن کمیٹی کے ہنگامی اجلاس میں کیا گیا.اس بات کا اعلان کنونیئر ورکرز ایکشن کمیٹی راجہ ریاض نے کمیٹی کی طرف سےکیا ، ورکرز ایکشن کمیٹی نے ایسے تمام اداروں کا انتظامی کنٹرول سنھبالنے کا فیصلہ کیا ہے. جو برطرف کیے گئے صحافیوں کارکنوں کو فی الفور بحال نہیں کریں گے. کمیٹی نے اس ضمن میں قانونی امور کا جائزہ لینے کیلئے سینئر صحافیوں اور وکلا پر مشتمل آئینی کمیٹی قائم کردی ہے. اس بات کا فیصلہ لاہور پریس کلب میں منعقدہ ورکرز ایکشن کمیٹی کے ہنگامی اجلاس میں کیا گیا.

دنیا والوں کی دنیا ہی اجڑ گئی ، سیکڑوں ملازمین جبری برطرف کرکے گھروں کے چولہے بجھا دیئے 

لاہور پریس کلب میں‌ہونے والے اس اجلاس میں پاکستان فیڈرل یونین آف جرنلسٹس ورکرز کے سیکرٹری جنرل راجہ ریاض, پاکستان فیڈرل یونین آف جرنلسٹس کے وسیم فاروق, پی ایف یو جے دستور کے حامد ریاض ڈوگر, پی یو جے ورکرز کے صدر ضیا اللہ نیازی, پی یو جے آفیشل کے صدر اعجاز کھوکھر, ڈیمو کریٹس گروپ کے سربراہ رائے حسنین طاہر, چیئرمین ورکرز گروپ احسن ضیاء, چیئرمین رائٹرز گروپ زاہد شفیق طیب سمیت ان تنظیموں کے دیگر سینئر ارکان نے شرکت کی.

غریب ورکروں کو بے روزگار کرکے دنیا نیوز نے ظلم کی انتہا کردی ، مذمت کرتے ہیں ، صحافی تنظیموں کا مطالبہ

اجلاس میں دنیا میڈیا گروپ, سٹی میڈیا گروپ, جنگ میڈیا گروپ, نوائے وقت میڈیا گروپ سمیت دیگر اداروں سے سینکڑوں صحافی کارکنوں کی جبری برطرفیوں کی شدید الفاظ میں مذمت کرتے ہوئے انکی فوری بحالی کا مطالبہ کیا گیا. اجلاس میں فیصلہ کیا گیا کہ ورکرز ایکشن کمیٹی چیئرمین نیب کو باضابطہ یاداشت پیش کرے گی کہ میڈیا مالکان کے اثاثہ جات کی چھان بین کی جائے اور تیزی سے بڑھتے ہوئے اثاثہ جات کی منی ٹریل طلب کی جائے. یہ بھی فیصلہ کیا گیا کہ کمیٹی مرکزی اور صوبائی حکام اور سرکاری عہدیداران سے ملاقات کرکے مطالبہ کرے گی کہ ان اداروں کا آڈٹ کرواتے ہوئے غلط اعداد و شمار پیش کرنے والے اداروں کے اشتہارات فی الفور بند کیے جائیں.