Author: +9251

جاپان کے صوبہ’ آوموری ‘ کے مشرقی ساحل سے متصل علاقوں میں زلزلہ کے شدید جھٹکے محسوس کئے گئے، جس کی شدت ریکٹر اسکیل پر 6.1 تھی۔
جاپان، ہوکائڈو میں زلزلے کے شدید جھٹکے
جاپان کے محکمہ موسمیات کے مطابق زلزلہ کے جھٹکے مقامی وقت کے مطابق جمعرات کی صبح محسوس کئے گئے اور اس کا مرکز 41.0 ڈگری شمالی طول البلد اور 143.1 ڈگری مشرقی طول البلد پر مرکز زمین کی سطح سے 10 کلومیٹر گہرائی میں تھا۔

محکمہ موسمیات نے سونامی کی وارننگ جاری نہیں کی۔زلزلہ کی وجہ سے ابھی تک کسی طرح کے بڑے نقصان ہونے یا کسی کے زخمی ہونے کی اطلاع نہیں ہے۔

جاپان کے جوہری مراکز کی نگرانی کرنے والے محکمہ کے مطابق کسی بھی جوہری توانائی مرکز میں غیر معمولی صورت حال کی اطلاع نہیں ہے۔

یاد رہے کہ گذشتہ ماہ بھی جاپان کے شہر ہوکائڈو میں زلزلے کے شدید جھٹکے محسوس کئے گئے۔ ریکٹر سکیل پر زلزلے کی شدت 6.7 تھی۔عمارتیں گر گئیں تھیں، لینڈ سلائیڈنگ کی متعدد افراد کی موت کاخدشہ ظاہر کیا گیا تھا۔ زلزلے کے نتیجے میں ہوکائڈو جزیرے پر اندھیرا چھا گیاتھا۔

‘غزہ میں بم دھماکے’،فلسطینی حکومت نے حماس کے الزامات مسترد کردیے
فلسطینی اتھارٹی کی حکومت نے غزہ کی پٹی کی حکمراں حماعت کی طرف سے غزہ کے علاقے میں منگل کے روز ہونےوالے بم دھماکوں میں ملوث ہونے کے الزامات مسترد کردیے ہیں۔ فلسطینی حکومت کا کہنا ہے کہ حماس کی طرف سے فلسطینی جنرل انٹیلی جنس پرغزہ میں بم دھماکوں اور افراتفری پھیلانے میں ملوث ہونے کے الزامات باطل ہیں۔ فلسطینی انٹیلی جنس کا غزہ میں بدامنی پھیلانے میں ہاتھ نہیں۔

خیال رہے کہ منگل کے روز غزہ کی پٹی میں پولیس چوکیوں پر ہونے والے بم دھماکوں کے نتیجے میں کم سے کم تین فلسطینی جاں بحق ہوگئےتھے۔ حماس نے ان دھماکوں کا الزام فلسطینی اتھارٹی کے ماتحت انٹیلی جنس ادارے پرعاید کیا تھا۔

جنوبی مراکش کے صوبہ ترودنت میں سیلاب کی وجہ سے سات افراد ہلاک ہو گئے ہیں۔
سوڈان، سیلاب سے بھاری نقصان
غیر ملکی خبر رساں ایجنسی اے ایف پی کے مطابق ،ایک عینی شاہد نے نام نہ ظاہر کرنے کی شرط پر بتایا کہ آٹھ افراد جنہوں نے بدلتے کمروں میں پناہ لیا سیلاب کے پانی میں بہہ گئے۔

گواہ نے کہا ، ”ہم صدمے میں ہیں۔ میں 64 سال کا ہوں اور میں نے کبھی اتنی بارش نہیں دیکھی۔“
مقامی میڈیا کے مطابق ایک شخص کو بچا لیا گیا ہے جبکہ دوسرے کی تلاش جا ری ہے۔ سیلاب سے متاثرہ 200 افراد کو تعلیمی اور سماجی اداروں میں ٹھہرایا گیا ہے کیونکہ ان لوگوں کے گھروں میں پانی بھر گیا ہے۔سرکاری اور غیر سرکاری تنظیمیں ریسکیو کے کاموں میں مصروف ہیں۔

محکمہ موسمیات نے بدھ کی دوپہر متعدد صوبوں میں طوفانی بارش کے خطرے سے خبردار کیا تھا۔

یاد رہے کہ مراکش میں سیلاب کا آناعام ہے۔ جولائی کے آخر میں ، مراکش کے جنوب میں سڑک پر طوفانی بارشوں کے نتیجے میں مٹی کے تودے گرنے سے 15 افراد ہلاک ہوگئے تھے۔اسی طرح2014 میں ، سیلاب سے 50 کے قریب افراد ہلاک ہو گئے تھے۔