Author: +9251

جموں‌ کشمیر لبریشن فرنٹ کے چیئرمین یٰسین ملک کی اہلیہ مشعال ملک نے کہا ہے کہ کشمیر میں ایئرپورٹس، بازار اور موبائل نیٹ ورک تک بند ہیں،

باغی ٹی وی کی رپورٹ کے مطابق ان خیالات کا اظہار انہوں نے وفاقی دارالحکومت اسلام آباد میں ڈی چوک پر مشعل بردار ریلی سے خطاب کرتے ہوئے کیا، مشعل بردار ریلی میں صحافی، سول سوسائٹی اورحریت کانفرنس کے رہنماؤں نے شرکت کی، اس موقع پر مقبوضہ کشمیر میں بھارتی مظالم کی سخت مذمت کرتے ہوئے نعرے بازی بھی کی گئی، ریلی میں شریک افراد نے ہاتھوں میں کتبے اور بینرز بھی اٹھا رکھے تھے جن پر مقبوضہ کشمیر میں بھارتی فوجی مظالم کیخلاف تحریریں درج تھیں،

مشعال ملک نے کہاکہ مقبوضہ کشمیر میں ظلم و دہشت گردی کی انتہا کر دی گئی ہے، کشمیری خواتین کو ہراساں کیا جارہا ہے، یٰسن ملک کو پنجرے میں قید رکھا گیا ہے، کشمیریوں‌ کو آزادی مل کر رہے گی،

چین کے وائس چیئرمین سینٹرل ملٹری کمیشن نے جی ایچ کیو کا دورہ کیا ہے،

باغی ٹی وی کی رپورٹ کے مطابق آئی ایس پی آر کی طرف سے بتایا گیا ہے کہ چین کےوائس چیئرمین سینٹرل ملٹری کمیشن کے ہمراہ اعلیٰ سطح کا وفد بھی تھا، آرمی چیف سےچین کےوائس چیئرمین سینٹرل ملٹری کمیشن کی ملاقات ہوئی ہے،

آئی ایس پی آر کے مطابق آرمی چیف جنرل قمرجاوید باجوہ سے چینی جنرل کی ملاقات ون آن ون ہوئی ہے، آرمی چیف نےاہم امورخاص طورپرمسئلہ کشمیرکی حمایت پرچین کوسراہا، ملاقات میں مقبوضہ کشمیرکی صورتحال پرخصوصی تبادلہ خیال کیاگیا، ملاقات کےبعد دفاعی تعاون سےمتعلق ایم اویو پردستخط کیےگئے، چینی جنرل کا ملاقات کے دوران کہنا ہے کہ پاکستان کےساتھ تعلقات کوقدرکی نگاہ سےدیکھتےہیں، جی ایچ کیوآمدپرچینی وفدکوگارڈآف آنربھی پیش کیاگیا، چینی جنرل کی یادگارشہداءپرحاضری،پھول چڑھائے،

وفاقی وزیر برائے سائنس و ٹیکنالوجی فواد چوہدری نے کہا ہے کہ مقبوضہ کشمیر میں لاک ڈاون کو22 روز ہو گئے ہیں ، یہ نہیں ہو سکتا کہ کشمیر میں خون کی ندیاں بہیں اور ہم خاموش رہیں ،

باغی ٹی وی کی رپورٹ کے مطابق فواد چوہدری نے کہاکہ ہم امن کے لیے کھڑے ہیں ، بھارت دنیا میں بے نقاب ہو رہا ہے، بھارت کی پریس کونسل میڈیاپرپابندی کےحوالے سےسپریم کورٹ گئی ہے، دنیا کو کشمیر کے معاملے پراپنی ذمے داری پوری کرنی چاہیے، ہندوستان میں نریندرمودی کا بدترین مارشل لاء نافذ ہے، آج ہندوستان کےلبرل ازم سے پردہ چاک ہو رہا ہے، مسئلہ کشمیرحل کےقریب ہے،پاکستان نےکشمیرکیلیےتاریخی قربانیاں دیں،

فواد چوہدری نے کہاکہ مولانا فضل الرحمان کا فوکس اسلام آباد ہے کشمیر نہیں، فضل الرحمان نے ایک بار بھی نہیں کہا کہ کشمیر آزاد نہ ہوا تو اتنےلوگ لائیں گے، فضل الرحمان نےباربارکہا وزیراعظم نےاستعفا نہ دیا تواسلام آبادلوگ لائیں گے، مولانافضل الرحمان 30 سال کشمیر کمیٹی کےچیئرمین رہے ، مولانا فضل الرحمان کی کشمیر کمیٹی نے 17 کروڑ خرچ کیے، مولانا فضل الرحمان کےلیےاسلام نہیں اسلام آبادخاص ہے،