Author: +9251

دوحہ : امریکہ کی بار بار منتوں نے رنگ لانا شروع کردی ، امریکہ افغان طالبان سے محفوظ راستہ لینے میں کامیاب نظر آنے لگا ، اسی حوالے سے کہا جا رہا ہے کہ افغان طالبان نے اس توقع کا اظہار کیا ہے کہ آج (بروز اتوار) ان کے امریکہ کے ساتھ جاری امن مذاکرات مکمل ہو جائیں گے۔ یہ بھی گمان کیا جا رہا ہے کہ اگر یہ معاملات طئے پا جاتے ہیں تو یہ 18 سالہ خانہ جنگی کا آخری دن ہو گا

دنیا جاتی ہے کہ افغانستان میں گزشتہ 18 سال سے جانہ جنگی جاری ہے جس کے دوران لاکھوں افراد اپنی جانوں کو گنواچکے ہیں اور قرب و جوار کے ممالک پر بھی اس کے نہایت منفی اثرات رونما ہوئے ہیں۔امریکہ کافی عرصےسے افغان طالبان سے مذاکرات کی کوشش میں تھا اور اس سلسلے میں‌پاکستان کو کردار ادا کرنے کی بار بار درخواست بھی کرتا رہاہے

افغان طالبان کی جانب سے اس امید کا اظہار اس وقت کیا گیا جب تین دن قبل قطر کے دارالحکومت دوحہ میں ان کے امریکہ کے ساتھ جاری امن مذاکرات کے نویں دور کا آغاز ہوا جسے فریقین کی جانب سے فیصلہ کن دور بھی قرار دیا جارہا ہے۔ امن مذاکرات گزشتہ ایک سال سے جاری ہیں اور اس دوران فریقین کے درمیان باضابطہ بات چیت کے آٹھ ادوار ہو چکے ہیں۔

واشنگٹن: الیکٹرک سگریٹ نے امریکی نوجوانوں کو تباہ کرنا شروع کردی ا، اطلاعات کے مطابق امریکہ میں ویپنگ یا الیکٹرانک سگریٹ کے استعمال سے ہونے والی پر اسرار بیماری میں مبتلا ہونے والے مریضوں میں سے ایک دم توڑ گیا، اس واقعے کو ویپنگ سے پہلی موت قرار دیا جارہا ہے۔

مغربی ذرائع ابلاگ کے مطابق امریکہ میں محکمہ صحت کے حکام کا کہنا ہے کہ ویپنگ کے باعث سانس کی بیماری میں مبتلا ایک مریض دم توڑ گیا ہے۔ ان دنوں ماہرینِ طب امریکہ میں پھیپھڑوں کی ایک پراسرار بیماری کی تحقیقات بھی کر رہے ہیں جو ان کے مطابق الیکٹرانک سگریٹ کے استعمال سے پھیلتی ہے۔

امریکہ میں بیماریوں کی روک تھام کے ذمہ دار ادارے سی ڈی سی کا کہنا ہے کہ امریکہ کی 22 ریاستوں میں پھیپھڑوں کی اس بیماری کے 193 ’ممکنہ کیسوں ‘ کا جائزہ لیا جا رہا ہے۔سی ڈے سی کے ماہرین کا کہنا ہے کہ اکثر کیسوں میں ٹی ایچ سی نامی مواد کی ویپنگ شامل ہے جو بھنگ کا ایک اہم اور فعال جزو ہے۔پھیپھڑوں کی بیماری کے یہ کیسز 28 جون سے 20 اگست کے درمیان سامنے آئے ہیں۔

ذرائع کے مطابق چیف میڈیکل آفیسر جینیفر لیڈن نے بتایا کہ ‘مرنے والے شخص کو غیرتشخیص شدہ مرض کی وجہ سے ہسپتال داخل کیا گیا تھا۔ وہ ویپنگ یا الیکٹرانک سگریٹ کا استعمال کرتا تھا۔ ڈائریکٹر سی ڈی سی روبرٹ ریڈفیلڈ نے کہا کہ ‘ہمیں افسوس ہے کہ ای سیگریٹ یا ویپنگ سے جڑی پھیپھڑوں کی شدید بیماری میں مبتلا مریضوں میں سے پہلے مریض کی موت واقع ہو گئی ہے۔

امریکی طبی ماہرین کے مطابق متاثرہ افراد میں کھانسی، سانس پھولنے اور تھکاوٹ کی علامات شامل ہیں۔ کچھ کیسوں میں لوگوں کو قَے اور اِسہال جیسے مسائل پیش آتے ہیں۔ اس بات کا کوئی ثبوت نہیں کہ یہ وائرس یا بیکٹیریا سے پھیلنے والی وبا ہے۔اس بارے میں مکمل معلومات اور تشخیص فی الحال ایک موجود نہیں ہے۔