Author: +9251

وہاڑی (نمائندہ باغی ٹی وی ) ڈسٹرکٹ پولیس آفیسر وہاڑی ثاقب سلطان المحمود نے نماز جمعہ کی ادائیگی کے بعد جامع مسجد باغوالی میں شہریوں کے مسائل سنے- ایس ڈی پی اوز اورایس ایچ اوز نے بھی اپنے اپنے علاقے کی مساجد میں کھلی کچہری لگائی

پولیس عوام کے جان مال اور عزت کی حفاظت کے لئےدن رات کوشاں ہے اوراس سلسلہ میں پولیس کے جوان قیمتی جانوں کا نذرانہ بھی پیش کر چکے ہیں. لہذا ہمیں ان کی قربانیوں کو سراہنا چاہیے. سُود خور عناصر کی نشاندہی کرنے,ٹھیکری پہرہ, کبوتر بازی کی روک تھام اورجرم سے بچاؤ میں کمیونٹی کے کرادر پر بھی روشنی ڈالی. پولیس کو اپنا دوست سمجھا جائے.ثاقب سلطان المحمودڈی پی او

ریجنل پولیس آفیسر ملتان وسیم احمد خان کے ویژن کے مطابق ہر جمعہ کے روز میں خود, ایس ڈی پی اوز اور ضلع وہاڑی کے تمام ایس ایچ اوز مساجد میں عوام کے مسائل ترجیحی بنیادوں پر حل کرنے کے لئے موجود ہوتے ہیں کوئی بھی شخص براہ راست اپنی شکایات کے حل کے لئے مل سکتا ہے۔ثاقب سلطان المحمود ڈی پی او

پولیس افسران کا مساجد کی سطح پر کھلی کچہریوں کے دوران عوام کے مسائل حل کرنا ایک مثالی قدم ہے جس پر ہم وہاڑی پولیس کو خراج تحسین پیش کرتے ہیں۔ شہری

ڈسٹرکٹ پولیس آفیسر وہاڑی ثاقب سلطان المحمود نے کہا ہےکہ عوام اور پولیس کےدرمیان حائل فاصلوں کوکم کرکے نہ صرف انصاف کے تقاضوں کو پورا کیا جا سکتا ہے بلکہ معاشرے کو امن کا گہوارہ بھی بنایا جا سکتا ہےان خیالات کا اظہار انہوں نے جامعہ مسجد باغوالی میں نمازجمعہ کے بعد کھلی کچہری کے دوران خطاب کرتے ہوئے کیا۔
تفصیلات کے مطابق ڈسٹرکٹ پولیس آفیسر وہاڑی ثاقب سلطان المحمود نے نماز جمعہ کی ادائیگی کے بعدجامعہ مسجد باغوالی کلب والی میں شہریوں کے مسائل سنے. اس موقع پر ڈی ایس پی صدر طارق پرویز اورایس ایچ اودانیوال ناصر تبسم بھی موجود تھے. مسجد میں کھلی کچہری کے دوران مختلف قسم کی شکایات/تجاویز موصول ہوئیں جن کے حل کے لئے متعلقہ افسران کو ہدایات جاری کی گئیں

وہاڑی (نمائندہ باغی ٹی وی) / ٹریفک حادثہ
تھانہ دانیوال پولیس ملازمین کا لڈن روڈ پر خوفناک حادثہ ایک ملازم موقع پر جان بحق دوسرا سیریس حالت میں ملتان ریفر

تفصیلات کے مطابق تھانہ دانیوال کے ملازمین جن کی ہیڈ اسلام پر ڈیوٹی لگی ہوئی تھی واپس وہاڑی آرہے تھے کہ شمس آباد کے قریب تیز رفتار اے سی بس نے کچل دیا ایک ملازم صادق علی جوئیہ موقع پر جان بحق ہوگیا اور دوسرا ملازم زاہد حفیظ کو ڈی ایچ کیو ہسپتال وہاڑی لایا گیا لیکن حادثہ اس قدر خوفناک تھا کہ دونوں ملازم خون میں لت پت تھے ڈی ایچ کیو ہسپتال کے ڈاکٹرز نے طبی ٹریٹمنٹ کے بعد زاہد حفیظ کو ملتان ریفر کردیا ہے جس کی حالت تشویشناک بتائی جارہی ہے.

بورےوالا (نمائندہ باغی ٹی وی) زیارت کرنے والے ملزم کے خلاف مقدمہ درج
تفصیلات کے مطابق پولیس تھانہ صدر نے نواحی گاوں 263 ای بی میں 7 سالہ معصوم بچی کے ساتھ مبینہ زیادتی کرنے والے سکول ٹیچر کلیم اللہ لاڑ کے خلاف مقدمہ درج کر لیا
واضع رہے کہ ملزم موقع سے فرار ہو گیا تھا جسے بعد میں اہلیان گاوں نے پکڑ کر شدید تشدد کا نشانہ بھی بنایا تھا.

وہاڑی (نمائندہ باغی ٹی وی) عوامی مسائل سننے کیلئے کھلی کچہری

تفصیلات کے مطابق وزیر اعلیٰ پنجاب سردار عثمان احمد بزدار کی خصوصی ہدایات پرڈسٹرکٹ پولیس آفیسر وہاڑی ثاقب سلطان المحمود اور ڈپٹی کمشنر وہاڑی عرفان علی کاٹھیا ضلع کونسل ہال میں کھلی کچہری کے دوران عوام کے مسائل سنتے ہوئے..اس موقع پر تمام انتظامی اداروں کے سربراہان بھی موجود تھے

بورے والا (نمائندہ باغی ٹی وی) ایڈیشنل سیشن جج بورےوالا نےسابق یونین کونسل چیئرمین کے مشہور مقدمہ قتل کا فیصلہ سنا دیا
دو مجرموں کو25,25 سال قید اور چار چار لاکھ روپے جرمانہ کی سزا کا حکم سنا دیا
تفصیل کے مطابق
نواحی گاوں124۔ای بی کے رہائشی یونین کونسل چئیر مین چودھری نثار احمد ولیکا کو بارہ جولائی2018کو دن دیہاڑے چک نمبر114۔ای بی ملزمان نے اس وقت فائرنگ کر کے قتل کر دیا تھا۔
جب وہ نماز جنازہ پڑھ کر اپنی کار میں ساتھیوں کے ہمراہ واپس اپنے گاوں آ رہے تھے
اس کا مقدمہ تھانہ شیخ فاضل میں ملزمان عمران مانی ،افتخار بگا،عبدالجبار، بوٹا ، احسان اور اسلم کے خلاف درج ہوا تھا
ایڈیشنل سیشن جج بورےوالا سلیم اقبال نے مقدمہ کی سماعت مکمل کر نے کے بعد فیصلہ سناتے ہوئے مجرمان عمران مانی اورافتخار بگا کو پچیس ،پچیس سال قید
اور چار چار لاکھ روپے جرمانہ کا حکم سنایا
۔تین ملزمان کو باعزت بری کر دیا گیا۔
اور ایک نامزد ملزم اسلم کو جوکہ مفرور ہے کو اشتہاری قرار دے دیا گیا.