Author: +9251

لاہور : اب ہر شہری اپنی جان کی خود حفاطت کرے گا . اس سلسلے میں حکمہ داخلہ پنجاب نے ضرورت کی بنیاد پر عام شہریوں کو لائسنس دینے کا فیصلہ کر لیا۔

محکمہ داخلہ ذرائع کا کہنا ہے کہ محکمہ داخلہ نے اس حوالے سے و زیراعلیٰ کوایک سمری ارسال کی ہے کہ عام شہریوں کو بھی اسلحہ لائسنس دینے کی اجازت دی جائے، جس پر پنجاب حکومت اجازت دے دی ہے

اس سلسلہ میں ایڈیشنل چیف سیکرٹری ہوم کی سربراہی میں قائم کمیٹی یہ فیصلہ کرتی ہے، ڈپٹی کمشنرکی اسلحہ لائسنس دینے کی سفارش پرمحکمہ داخلہ حتمی منظوری دیتا ہے۔یاد رہےکہ اس سے قبل عام آدمی کی پہنچ سے عام اسلحہ کا حصول ناممکن تھا .

لاہور : اساتذہ اور دیگر ملازمین کو مستقل کیوں نہیں کرتے ، لاہور ہائی کورٹ نے سیکرٹری لیبر سمیت دیگر فریقین کو طلب کرلیا تفصیلات کے مطابق جسٹس شاہد وحید نےعاصمہ جمیل سمیت دیگر کی درخواست پرسماعت کی،درخواست گزاروں نےاستدعا کی کہ عدالت انکو ریگولرکرنے کا حکم دے۔

ذرائع کے مطابق لاہور ہائی کورٹ میں درخواست گزاروں نے پنجاب حکومت اور سیکرٹری لیبر سمیت دیگر کو بناتے ہوئے موقف اختیارکیا کہ وہ طویل عرصے سے کنٹریکٹ پرکام کر رہے ہیں۔ اس کے باوجود حکومت کی پالیسی کےتحت مستقل نہیں کیا جا رہا، سیکرٹری لیبر پنجاب سمیت دیگر افسران کو مستقلی کے لیے درخواستیں دیں مگرشنوائی نہیں ہو رہی،

لاہور: بڑی بڑی گاڑیاں رکھنے والوں کے لیے ایف بی آر نے شکنجہ تیار کرلیا ہے ، اطلاعات کے مطابق ایف بی آر نے سیلز ٹیکس رجسٹریشن کے بغیر بجلی اور سوئی گیس کے انڈسٹریل و کمرشل کنکشنز لگوانے اور بڑی گاڑیاں رکھنے والے نان فائلرز کیلئے شکنجہ تیار کرلیا۔

ذرائع کے مطابق اس سلسلے میں بجلی اور سوئی گیس کے کمرشل و انڈسٹریل کنکشن رکھنے والے 2 ہزار ایک سو غیر رجسٹرڈ صارفین کو نوٹسز جاری کر دئیے۔ ایف بی آر نے 2400 سی سی گاڑیاں رکھنے والے 4 ہزار 66 نان فائلر لاہوریوں کا ریکارڈ حاصل کر کے انہیں بھی نوٹسز بھجوا دیئے ہیں۔

لاہور : محکمہ داخلہ پنجاب کی طرف سے جرائم پر قابو پانے کے لیے نیا طریقہ اخذ کرلیا گیا ہے ، اطلاعات کے مطابق اب فیکٹری ملازمین میں چھپے جرائم پیشہ افراد اب چھپ نہیں سکیں گے، لاہور پولیس نے تاریخ میں پہلی بار فیکٹریوں میں ملازمین کی رجسٹریشن کا آغاز کردیا،

ذرائع کے مطابق اس سلسلے میں ایس ایس پی اسماعیل کھاڑک کا کہنا ہے کہ ابتک 83 ہزار سے زائد فیکٹری ملازمین کی رجسٹریشن کا عمل مکمل کیا جاچکا ہے۔اس حوالے سے ابتدائی طور پر لاہور پولیس نے ہوٹل آئی سافٹ وئیر کو فیکٹریوں میں انسٹال کرنا شروع کر دیا ہے، پہلے مرحلے میں ایسی فیکٹریوں کے ملازمین کو رجسٹرڈ کیا جا رہا ہے جن میں ملازمین کی تعداد ایک سو سے زیادہ ہے۔

دوسری طرف ذرائع نے بتایا ہے کہ پولیس نے پہلے مرحلے میں 128 فیکٹریوں کا ریکارڈ اکٹھا کرلیا، جن میں 83 ہزار 795 ملازمین رجسٹرڈ کیے جا چکے ہیں، پولیس کا کہنا تھا کہ شہر میں 147 فیکٹریاں ایسی ہیں جہاں ملازمین کی تعداد 100سے زیادہ ہے، بڑی فیکٹریوں کے بعد چھوٹی گھریلو یونٹس کا ڈیٹا اکٹھا کیا جائے گا۔