Author: +9251

بیجنگ: جنرل قمر جاوید باجوہ پاکستان آرمی کے زبردست سپہ سالار ہیں ، چین نے آرمی چیف کی صلاحیتوں کو تسلیم کرتے ہوئے کہا ہے کہ وہ اس وقت پاکستان کو بہترین انداز سے دفاع کررہے ہیں۔یاد رہے کہ گزشتہ دنوں وزیراعظم عمران خان نے جنرل قمر جاوید باجوہ کو مزید 3 سال کیلئے آرمی چیف مقرر کیا تھا۔ اس حوالے سے پاکستان کے دیرینہ دوست اور پڑوسی چین نے بھی حکومت کے فیصلے کا خیرمقدم کیا ہے۔

ترجمان چینی وزرات خارجہ کے مطابق ہمیں حکومت پاکستان کے جنرل قمر جاوید باجوہ کی مزید 3 سال کی تقرری کے فیصلے بارے آگاہی ہوئی ہے وہ چینی حکومت اور فوج کے دیرینہ دوست ہیں، جنرل باجوہ نے پاک چین دوستی میں مثبت تعاون کیا ہے۔ترجمان نے مزید بتایا کہ ہمیں یقین ہے جنرل باجوہ کی زیر کمان پاک فوج پاکستان کی سلامتی، خود مختاری اور علاقائی امن و استحکام کو برقرار رکھنے کا عمل جاری رکھے گی۔

اسلام آباد : اپوزیشن کی طرف سے نیب قوانین کا از سر نوجائزہ لینے کا حکومتی فیصلے کی مزاحمت ، اسل سلسلے میں پاکستان پیپلز پارٹی کے رہنما اور سابق چیئرمین سینیٹ رضاربانی نے کہا ہے کہ ملک میں پہلے ہی مختلف احتساب قوانین رائج ہیں، وفاقی کابینہ کا نیب قوانین کا ازسرنو جائزہ لینے کا فیصلہ بدنیتی پر مبنی ہے۔

رضا ربانی نے اپنے بیان میں کہا کہ وفاقی کابینہ نے صرف کاروباری افراد اور سول بیورو کریٹس کے حوالے سے ترمیم تجویز کی جو کہ سیاسی طبقے کو سیاسی انتقام کا نشانہ بنانے کی کوشش ہے۔رضا ربانی کے مطابق صرف سیاسی افراد کو ہی خصوصی قانون اور خصوصی عدالتوں کا سامنا ہے، اگر باقی اداروں میں خود احتسابی ہے تو ارکان پارلیمنٹ کا احتساب بھی پارلیمانی کمیٹی کرے۔
سابق چیئرمین سینیٹ نے اس کا حل بتاتے ہوئے کہاکہ وفاقی کمیشن برائے احتساب قائم کیا جائے جہاں سب کیلئے ایک قانون ہو اور وہ معاشرے کے ہر طبقے کا بلاتفریق احتساب کرے۔رضاربانی کا کہنا تھا کہ حقیقی احتساب تب ہی ممکن ہے جب سب پرایک ہی احتساب قانون لاگو ہو۔

برلن : چوہدری مونس الٰہی کی جرمنی سے باغی ٹی وی سے خصوصی گفتگو ، چوہدری شجاعت حسین کے لیے باغی ٹی وی کی طرف سے دعاوں کے سلسلے پر شکریہ ادا کیا،چوہدری مونس الٰہی نے بتایا کہ چوہدری شجاعت حسین کی طبیعت اب کافی بہتر ہے اور چوہدری شجاعت حسین باغی ٹی وی کے ساتھ ساتھ اہل پاکستان کے بھی دعائے صحت کرنے پر مشکور ہیں

تفصیلات کے مطابق پاکستان مسلم لیگ( قائد اعظم ) کے مرکزی رہنما چوہدری مونس الٰہی نے باغی ٹی وی سے خصوصی گفتگو کرتے ہوئے کہا ہےکہ چوہدری شجاعت حسین جرمنی میں‌سخت علیل تھے باغی ٹی وی نے ان کی صحت یابی کے لیے اللہ کے حضور جو دعاوں کا سلسلہ شروع کیا اور اہل پاکستان سے چوہدری شجاعت حسین کی جلد صحت یابی کی درخواست کی ، چوہدری مونس الٰہی نے کہا کہ وہ اور ان کا خاندان اس پر باغی ٹی وی کا مشکور ہے

چوہدری شجاعت حسین تشویش ناک حالت میں آئی سی یو منتقل

چوہدری مونس الٰہی نے باغی ٹی وی سے بات کرتے ہوئے کہا کہ باوجود اس کے کہ چوہدری شجاعت حسین اس وقت آئی سی یو میں زیر علاج ہیں لیکن ان کی حالت خطرے سے باہر ہے اور وہ پہلے سے بہتر ہیں ، چوہدری مونس الٰہی نے مزید بتایا کہ اس وقت جرمنی میں‌ ڈاکٹروں کے علاوہ خاندان کے دیگر افراد تیمار داری کے لیے موجود ہیں.

باغی ٹی وی سے بات کرتے ہوئے چوہدری مونس الٰہی نے باغی ٹی وی کا پھر شکریہ ادا کیا اور درخواست کی کہ چوہدری شجاعت حسین کو قوم کی مزید دعاوں کی ضرورت ہے . ہم باغی ٹی وی کے توسط سے اہل پاکستان سے درخواست کرتے ہیں کہ چوہدری شجاعت حسین کی جلد صحت یابی کی دعائیں کریں ، آخر میں‌چوہدری مونس الہٰہی نے امید ظاہر کرتے ہوئے کہا کہ بہت جلد چوہدری شجاعت حسین آئی سی یو سے جنرل وارڈ میں منتقل ہوجائیں گے اور پھر وہاں سے وطن واپس آئیں‌گے ،