Author: +9251

اسلام آباد: پاکستان تحریک انصاف نے وعدے کے مطابق نئے صوبوں کے قیام کی طرف قدم بڑھانا شروع کردیئے ہیں، اطلاعات کے مطابق قومی اسمبلی کی قائمہ کمیٹی برائے قانون و انصاف نے جنوبی پنجاب، بہاولپور اور ہزارہ صوبوں کے قیام کے پیش کیے گئے قانون میں مزید بہترین کے لیے اسپیکر اسمبلی کو پارلیمانی کمیٹی کے قیام کے لیے بھیج دی۔

اسلام آباد سے ذرائع کے مطابق کمیٹی میں مرتضیٰ جاوید عباسی اور علی خان جدون کی جانب سے پیش کیے گئے ترمیمی بل، 2019 جس میں آئین کے آرٹیکل 1، 51، 59، 106، 175اے اور 218 میں ترمیم کا کہا گیا ہے، کا جائزہ لیا گیا۔یاد رہے کہ جنوبی پنجاب اور بہاولپور صوبے کے قیام کے حوالے سے پاکستان تحریک انصاف کے درمیان بھی اختلافات پائے جاتے ہیں.

کراچی :تعلیم کے نام پر لوٹ مار تو جائز مگر جب ٹیکس کی بات کی جائے تو شکوہ اور شکایتیں ، پاکستان کے بڑے بڑے تعلیمی ادارے تعلیم کے نام پر لوٹنے لگے ، دوسری طرف ٹیکس نہ دینے والی تعلیمی ادارے بھی ایف بی آر کے ریڈار پر آگئے، کراچی کے 6ہزار 324 پرائیویٹ سکولوں کو نوٹس جاری کردیئے۔

ذرائع کے مطابق اس وقت کراچی شہر کے نجی سکول ،کوچنگ سینٹرز،پری نرسری ٹریننگ سینٹرز ایف بی آر کے ریڈار پر ہیں، ایف بی آر نے ٹیکس نہ دینے والے تعلیمی اداروں کی تفصیلات حاصل کرلیں۔یف بی آر حکام کا کہناتھا کہ تمام ترتفصیلات اعلیٰ ثانوی تعلیمی بورڈز سے حاصل کی گئیں ہیں،رجسٹرڈ نہ ہونے والے تعلیمی اداروں کونوٹس جاری کردیئے ہیں،

ایف بی آر کی طرف سے جاری کردہ اعداد و شمار کے مطابق کراچی شہرمیں 6 ہزار 324 سکول ٹیکس نہیں دیتے،ضلع وسطیٰ میں 1307،ضلع ایسٹ میں 1370،ضلع کورنگی میں 921،ضلع ملیرمیں911،ضلع جنوبی میں 810،ضلع ویسٹ میں 1005تعلیمی ادارے ٹیکس نیٹ میں شامل نہیں ہیں۔

اسلام آباد : پی آئی اے کی پرواز پی کے 352 پر فائرنگ کرنے والے شخص کو پولیس نے گرفتار کرلیا ہے اور فائرنگ کی وجہ بھی سامنے آگئی ہے . یا د رہے کہ کوئٹہ سے اسلام آباد آنے والی پی آئی اے کی پرواز فائرنگ کی زد میں آنے سے بال بال بچ گئی، پائلٹ نے طیارہ بحفاظت لینڈ کر لیا گیا

پاکستان سول ایوی ایشن ذرائع کے مطابق کوئٹہ سے اسلام آباد آنے والی پی آئی اے کی پرواز پرمبینہ فائرنگ کا واقعہ پیش آیا، پی آئی اے کی پرواز پی کے 352 پر فائرنگ کا واقعہ اسلام آباد ائیر پورٹ لینڈنگ کے وقت ہوا، طیارہ فائرنگ رینج سے باہر ہونے کے باعث محفوظ رہا، کنٹرول ٹاور کو اطلاع کے بعد پرواز کو دوسرے رن وے پر لینڈ کروایا گیا ۔

ذرائع کے مطابق فائرنگ کے بعد مسافروں سمیت طیارے کی بحفاظت لینڈنگ کے بعد معاملے کی تحقیقات کا آغاز کردیا گیا،ابتدائی تحقیقات کے مطابق طیارے پر ہونے والی فائرنگ مقامی شادی میں ہوائی فائرنگ کا نتیجہ ہے، رات 10بجے ہونے والے واقعے میں ملوث ملزمان کو مقامی پولیس نے گرفتار کر لیا۔دوسری طرف پولیس حکام کا یہ کہنا ہے کہ یہ کہنا قبل از وقت ہے کہ یہ فائرنگ شادی پر ہورہی تھی جس کا فائر طیارے کی طرف کیا گیا ،