Author: +9251

مسلم لیگ ق کے سربراہ اور سابق وزیر اعظم چوہدری شجاعت حسین کی بیماری کی وجہ سے حالت تشویش ناک، آئی سی یو منتقل کر دیا گیا

باغی ٹی وی کی رپورٹ کے مطابق چوہدری شجاعت حسین علاج معالجہ کے لیے کچھ عرصہ سے جرمنی میں مقیم تھے ۔ ان کی طبیعت دس دن قبل کافی ناساز ہو گئی جس کے بعد انہیں آئی سی یو منتقل کیا گیا جہاں ابھی بھی ان کا علاج جاری ہے۔

چوہدری شجاعت کے خاندانی ذرائع نے باغی کو تصدیق کرتے ہوئے بتایا کہ اب ان کی حالت میں بہتر ہو رہی ہے۔ لیکن مکمل صحت یابی کے لئے کافی وقت لگے گا۔ خاندان کے قریبی افراد نے ان کی صحت یابی کے لیے دعاو¿ں کی درخواست کی ہے۔
دریں اثناءچودھری شجاعت کے خاندان کے زیادہ تر افراد جرمنی میں ان کے پاس موجود ہیں۔ چودھری شجاعت اپنی سیاسی ذہانت ، روادار رویہ اور کنبہ اور دوستوں کے ساتھ وفاداری کے لئے جانے جاتے ہیں اور ان کی بیماری کی خبروں نے ان کے چاہنے والوں کو غمگین کردیا ہے۔ ہم باغی کی ٹیم ان کی جلد اور مکمل صحت یابی کے لئے دعا گو ہے ۔
یاد رہے کہ چودھری شجاعت حسین 1946ءمیں پیدا ہوئے ۔ ان کا تعلق گجرات کے جاٹ خاندان سے ہے جو تقریباً پچیس سال قومی سیاست میں سرگرم ہیں۔ ان کے والد چودھری ظہور الٰہی متوسط طبقہ سے تھا۔ وہ ایوب دور میں سرکاری جماعت کنوینشن مسلم لیگ کے سیکرٹری جنرل رہے اور ایوب کی فوجی حکومت کی سرپرستی میں پنجاب میں جاٹ برادری کے ایک نمایاں سیاست دان کے طور پر جانے لگے۔
چوہدری ظہور الٰہی نے ذو الفقار علی بھٹو کی سخت مخالفت کی اور 1977کے انتخابات کے وقت وہ جیل میں تھے۔ جنرل ضیاءالحق کے مارشل لا دور میں ظہور الٰہی وفاقی وزیر رہے ۔ ظہور الہی کو 25ستمبر1981کو لاہور میں قتل کر دیا گیا ۔
شجاعت حسین نے اپنے والد کی وفات کے بعد سیاست میں قدم رکھا اور ضیاءالحق کی مجلس شورٰی کے رکن رہے۔ 1985 کے انتخابات میں وہ پہلی مرتبہ قومی اسمبلی کے رکن منتخب ہوئے اور وزیر اعظم محمد خان جونیجو کی کابینہ میں وزیر صنعت رہے۔چودھری شجاعت 1988، 1990 اور 1997 کے عام انتخابات میں بھی رکن قومی اسمبلی منتخب ہوئے۔
1986 میں چودھری خاندان نے پنجاب کی وزارت اعلیٰ کے لیے اس وقت کے وزیراعلیٰ نواز شریف کے خلاف بغاوت کی لیکن اسے ناکامی کا ہوا۔شجاعت حسین نواز شریف کے دور میں وفاقی وزیر داخلہ بھی رہے ۔
چوہدری شجاعت حسین 2003ءمیں میاں اظہر کے مستعفی ہونے کے بعد مسلم لیگ ق کے صدر منتخب ہوئے۔ جب 2004ءمیں میر ظفراللہ جمالی نے وزیراعظم کے عہدے سے استعفیٰ دیا تو ان کو ملک کا وزیراعظم منتخب کیا گیا۔ وہ دو ماہ تک ملک کے وزیراعظم رہے۔
چوہدری شجاعت کے کزن چوہدری پرویز الہی ا س وقت پنجاب اسمبلی کے سپیکر ہیں۔

ریاست جموں وکشمیر سے آرٹیکل 370ہٹائے جانے اور خصوصی ریاست کا درجہ ختم ہونے کے بعد کشمیری پنڈتوںنے اپنے ردعمل کا اظہار شروع کر دیا ہے۔
مقبوضہ کشمیر: کرفیو کو دو ہفتے بیت چکے، انسانیت دم توڑنے لگی، دنیا کے منصف تاحال خاموش تماشائی بنے بیٹھے
انگریزی اخبار ٹیلی گراف کے مطابق کشمیری پنڈتوں کے لیڈر سنجے ٹیکو نے کہا” اب کشمیر میں پنڈتوں کا رہنا مزید مشکل ہو جائے گا۔میں اس سے بھی بدتر حالات کی پیشین گوئی کرتا ہوں۔ ریاست کا خصوصی درجہ درجہ ختم ہونے کے بعد مجھے ڈر ہے کہ کہیں کشمیر سے واپس نہ جانا پڑ جائے“ ۔

سنجے ٹیکو نے ٹیلی گراف کوبتایا کہ آرٹیکل 370کے ہٹائے فرقہ وارانہ کا عمل تیز ہو جائے گا اور لوگوں کے صبر کا پیمانہ بھی ختم ہو جائے گا۔

کشمیری پنڈت نے آرٹیکل 370کے ہٹائے جانے کو کشمیر کی شناخت پر حملہ قرار دیا اور اس خوف کا اظہار کیا کہ کشمیر میں رہنے والے پنڈت سیاسی ہدف ہو سکتے ہیں۔ وہاں اس کا رد عمل ہو سکتا ہے۔

ٹیکو نے انگریزی اخبار کو مزید بتایا ”یہ قدم بھارت سے آئے پنڈتوں کی واپسی کو بھی متاثر کر سکتا ہے۔ کیونکہ جتنے مسلمانوں نے ان کا استقبال کیا ہوگا، وہ شاید اب ایسا نہ کریں۔“

ٹیکو کے مطابق کشمیر میں تقریباً 4 ہزار سے 6 ہزار مہاجر کشمیری پنڈت رہتے تھے جن میں سے اکثریت وادی چھوڑ چکی ہے ۔ انھوں نے کہا کہ ”ہمارے پاس اطلاعات ہیں کہ اننت ناگ ضلع میں پنڈت خاندانوں نے اپنے گھر چھوڑ دیئے ہیں، جب کہ پانچ خاندانوں کو پولس نے 5 اگست کی رات گاندربل کے علاقہ سے باہر بھیج دیا تھا۔ ناکہ بندی کے باعث ہمیں دیگر خاندانوں کے بارے میں کوئی اطلاع نہیں ہے۔“