وہاڑی (نمائندہ باغی ٹی وی) آزاد کشمیر میں لائن آف کنٹرول پر شہید ہونے والے سپاہی کی نماز جنازہ ادا کر دی گئی ہے
تفصیلات کے مطابق شہید سپاہی محمد رمضان کی نماز جنازہ گورنمنٹ ہائی سکول وجھیانوالہ میں ادا کر دی گئی۔ جس میں ڈی سی خانیوال اشفاق احمد اور اعلی فوجی حکام کے ساتھ ساتھ علاقہ بھر سے لوگوں کی کثیر تعداد میں شرکت کی
سپاہی محمد رمضان کو ان کے آبائی قبرستان میں سپرد خاک کر دیا گیا اس موقع پر پاک فوج کے دستے نے گن سلیوٹ بھی پیش کیا
شہیدمحمدرمضان کی فوجی اعزازکےساتھ میاں چنوں میں تدفین کر دی گئی پاک فوج کےدستےنےسلامی پیش کی،پھولوں کی چادرچڑھائی
محمدرمضان نےلائن آف کنٹرول پرجام شہادت نوش کیاتھا.
باغی ٹی وی رپورٹ :شہیدمحمدرمضان کی فوجی اعزازکےساتھ میاں چنوں میں تدفین کر دی گئی پاک فوج کےدستےنےسلامی پیش کی،پھولوں کی چادرچڑھائی محمدرمضان نےلائن آف کنٹرول پرجام شہادت نوش کیاتھا.
واضح رہے کہ چند دن پہلے بھارتی فوج کی گولہ باری سے5پاکستانی جوان شہید ہوئے تھے . شہدامیں نائیک تنویر،لانس نائیک تیموراورسپاہی رمضان شامل ہیں، ڈی جی آئی ایس پی آر میجر جنرل آصف غفور کا کہنا ہے کہ پاک فوج کی جوابی کارروائی میں بھارتی فوج کے کئی بنکرز بھی تباہ ہوئے ہیں، موجودہ صورتحال سے توجہ ہٹانے کیلیےبھارتی فوج نے ایل او سی پر فائرنگ کی، ڈی جی آئی ایس پی آر کی جانب سے کہا گیا ہے کہ شہیدلانس نائیک تیمورکاتعلق لاہور سے ہے، اسی طرح شہید نائیک تنویر اور سپاہی رمضان کا تعلق میاں چنوں سے ہے،
سرگودہا(نمائندہ باغی ٹی وی)سرگودہا پل 111 جنوبی میں ڈونگی روڈ پر واقع کباڑیے کی دکان میں آگ بھڑک اٹھی آگ لگنے کی وجہ معلوم نہ ہو سکی ریسکیو 1122 کی فائر بریگیڈ ٹیم موقع پر پہنچ گئی اور امدادی کاروائی شروع کر دی کباڑیہ چک نمبر 105 جنوبی کا رہائشی ہے آگ لگنے سے سامان جل کر راکھ ہو گیا گرمی کی شدت اور ہوا کی وجہ سے درجہ حرارت میں اضافہ ہوا ہے تاہم کسی بھی جانی نقصان یا کسی کے زخمی ہونے کی کوئی اطلاع موصول نہیں ہوئی
نیویارک (اے پی پی) صدر ڈونلڈ ٹرمپ نے چینی مصنوعات سے دس فیصد محصولات عائد کرنے کا فیصلہ موخر کردیا.
تفصیلات کے مطابق امریکی صدر ڈونلڈ ٹرمپ کی طرف سے کرسمس کے موقع پر صارفین کو مہنگائی کے اثرات سے بچانے کے لیے 150 ارب ڈالر کا چینی مصنوعات پر سے دس فیصد محصولات عائد کرنے کا فیصلہ موخرکر دیا گیا ہے۔ امریکی خبررساں ادارے کے مطابق صدر ٹرمپ کی جانب سے جن چینی مصنوعات پر ٹیکس استثنٰی دیا گیا ہے ان میں لیپ ٹاپ، موبائل فونز اور کھلونے شامل ہیں۔ امریکہ کی جانب سے چین کی دیگر ہزاروں مصنوعات پر 10 فیصد ٹیکس عائد کرنے کا فیصلہ برقرار ہے، ان مصنوعات میں کپڑے، کھانے پینے کی اشیاءاور دیگر الیکٹرانک مصنوعات شامل ہیں جن پر ٹیکس یکم ستمبر سے نافذ العمل کرنا تھا۔
دوسری جانب امریکی حکومت کے اس فیصلے اور چین سے کئے گئے تجارتی مذاکرات کے بعد سٹاک مارکیٹس میں تیزی دیکھی گئی ہے جبکہ ممکنہ مہنگائی سے پریشان صارفین نے بھی سکھ کا سانس لیا ہے۔ صدر ٹرمپ کے اس اعلان کے بعد مذکورہ چینی مصنوعات پر عائد دس فیصد محصولات کا اطلاق اب پندرہ دسمبر سے ہو گا۔
نئی دہلی: بھارت کے علاقے راجھستان میں ہندوؤں نے مسلمان کو مار دیا.
تفصیلات کے مطابق بھارت کے علاقے راجھستان میں ہندوؤں کے گروہ نے مسلمان نوجوان کو مار ڈالا. انصاف نہ ملنے پر نوجوان کے باپ نے بھی خودکشی کرلی ہے. دوسری جانب نوجوان کے خاندان نے کہا کہ فوری انہیں انصاف دیا جائے اور اگر انہیں انصاف نہیں ملتا تو وہ باری باری سب خودکشی کرلیں گے اور ان کے خاندان میں کوئی بھی نہیں رہے گا. جبکہ مسلمان کمیونٹی اس پر سراپہ احتجاج ہے اور مودی سرکار سے فوری انصاف کی امید کر رہے ہیں. لیکن انصاف ہوتا دکھائی نہیں دے رہا.
https://twitter.com/TimesNow/status/1162341113677533184
بھارتی فوج کی طرف سے کنٹرول لائن پر فائرنگ کے نتیجہ میں شہید ہونے والے لانس نائیک تیمور کی نماز جنازہ ادا کر دی گئی ہے،
باغی ٹی وی کی رپورٹ کے مطابق مقبوضہ کشمیر کی صورتحال سے توجہ ہٹانے کے لیے لائن آف کنٹرول پر دو دن قبل بھارت کی جانب سے کی جانیوالی جارحانہ فائرنگ کے نتیجے میں تین فوجی جوان جام شہادت نوش کر گئے تھے۔ ان تین شہداء میں سے بٹل سیکٹر میں شہید ہونے والے لانس نائیک تیمور بھی شامل تھا جس کی نماز جنازہ ریلوے فلیٹس مین والٹن روڈ سٹاپ نزد باب پاکستان پر ادا کر دی گئی ہے، جنازہ میں اہل علاقہ سمیت عوام الناس نے کثیر تعداد میں شرکت کی، اس موقع پر نہایت جذباتی مناظر دیکھنے میں آئے اور شرکاء میں بھارت کی ہٹ دھرمی اور مقبوضہ وادی کے حالات پر غم و غصہ پایا گیا،
اس موقع پر لوگوں نے پاک فوج زندہ باد، کشمیر بنے گا پاکستان اور پاک فوج قدم بڑھاو ہم تمہارے ساتھ ہیں کے نعرے بھی لگائے، نماز جنازہ کی ادائیگی کے بعد شہید کے جسد خاکی کو پورے فوجی اعزاز کے ساتھ مقامی قبرستان میں سپرد خاک کر دیا گیا،
لاہور: مفتی عبدالقوی نے انکشاف کیا ہے کہ محرم کے آخر تک انہیں وزارت قانون میں بڑا عہدہ ملنے والا ہے.
تفصیلات کے مطابق پروگرام "سماج عفیفہ راؤ کے ساتھ” میں گفتگو کرتے ہوئے مفتی عبدالقوی نے انکشاف کیا ہے کہ آنے والوں دنوں میں انہیں وزارت قانون میں بڑا عہدہ ملنے والا ہے، جس دن قندیل بلوچ قتل کیس کا فیصلہ سنایا جائے گا اس کے چند دن بعد ہی انہیں وزارت مل جائے گی. مفتی عبدالقوی نے خواہش کا اظہار کرتے ہوئے کہا کہ انہیں امید ہے بہت جلد انہیں پی ٹی آئی کی حکومت میں بڑا عہدہ مل جائے گا. انہوں نے مزید کہا کہ وہ وزارت مذہبی و امور کی بجائے وزارت قانون میں عہدہ ملنے کے خواہش مند ہیں کیونکہ وہ تاریخی کردار ادا کرنا چاہتے ہیں. دوسری جانب انہوں نے کہا کہ وزارت مذہبی و امور مولوی حضرات کا کام ہے. جس پر اینکرپرسن عفیفہ راؤ نے مفتی عبدالقعی سے سوال کیا کہ : کیا آپ مولوی نہیں ہیں؟” جس پر مفتی عبدالقوی نے جواب دیا کہ وہ امت مسلمہ کے نمائندہ ہیں.
انہوں نے مزید کہا کہ قندیل بلوچ قتل کیس کا فیصلہ بہت جلد آنے والا ہے جس میں ان کی کامیابی ہوگی اور کیس جیتنے کے ساتھ ہی انہیں اہم وزارت دیدی جائے گی.
اپوزیشن جماعتوں کی آل پارٹیزکانفرنس 19 اگست کوطلب کر لی گئی ہے،
باغی ٹی وی کی رپورٹ کے مطابق اے پی سی کی صدارت مولانافضل الرحمان کریں گے، اے پی سی میں اپوزیشن جماعتوں کے سربراہان شریک ہوں گے، مسئلہ کشمیرکی صورتحال پراپوزیشن جماعتوں کی مشترکہ حکمت عملی طےکی جائےگی،
سوموار کے دن ہونے والی اے پی سی میں اپوزیشن جماعتیں مشترکہ طور پر آئندہ کی حکمت عملی طے کریں گی
لاہور: مفتی عبدالقوی نے فتویٰ جاری کیا ہے کہ دوسری شادی کرنے سے قبل پہلی بیوی سے اجازت مانگنا لازمی ہے.
تفصیلات کے مطابق پروگرام "سماج عفیفہ راؤ کے ساتھ” میں گفتگو کرتے ہوئے مفتی عبدالقوی نے فتویٰ جاری کیا ہے کہ "دوسری شادی کرنے سے قبل پہلی بیوی سے اجازت لینا لازمی ہوتی ہے کیونکہ یہ پاکستان کا قانون ہے”. انہوں نے کہا کہ "میں پاکستانی ہوں اور پاکستان کے قوانین کی عزت کرتا ہوں اس لئے مجھے پاکستان میں رہتے ہوئے اگر دوسری شادی کرنی ہے تو مجھے اپنی پہلی بیوی سے اجزت لینا لازمی ہوگی، کیونکہ اگر میں ایسا نہیں کرتا تو مجھے 2 سال قید اور 50 ہزار جرمانہ بھی ہوسکتا ہے، اسی لیے دوسری شادی سے قبل پہلی بیوی سے اجازت لازمی درکار ہوگی”. انہوں نے مزید کہا کہ "البتہ وہ نکاح کرسکتے ہیں کیونکہ اس کا حکم قران پاک میں موجود ہے” اس پر اینکرپرسن عفیفہ راؤ نے مفتی صاحب سے سوال کیا کہ "مفتی صاحب آپ نے کتنے نکاح کیے ہوئے ہیں؟” مفتی عبدالقوی عفیفہ راؤ کا سوال یہ کہہ کر گول کرگئے کہ اگر وہ یہ بتادیں کہ ان کے کتنے نکاح ہیں تو اس بات سے ان کے گھر والوں کا دل ٹوٹ جائے گا اور وہ کسی کا دل نہیں توڑنا چاہتے. مفتی صاحب کے نزدیک دل توڑنا حرام ہے جبکہ نکاح کرنا سنت ہے.
واضح رہے کہ مفتی عبدالقوی پروگرام "سماج عفیفہ راؤ کے ساتھ” میں تشریف لائے جہاں انہوں نے دو شادیاں کرنے سے متعلق فتویٰ جاری کیا.
