Author: +9251

وزیرِ اعظم عمران خان نے کچلاک میں ہونے والے دھماکے کی شدید مذمت کی ہے،

باغی ٹی وی کی رپورٹ کے مطابق انہوں نے دھماکے میں قیمتی جانوں کے ضیاع پر گہرے دکھ اور افسوس کا اظہار کیا ہے، وزیراعظم کی جانب سے شہدا کی بلندی درجات اور اہل خانہ کے لیے صبر جمیل کی دعا کی گئی،

وزیراعظم عمران خان نے زخمیوں کو بہترین طبی امداد کی فراہمی کی ہدایت کی ہے، واضح‌ رہے کہ کوئٹہ میں کچلاک کے علاقے کلی قاسم میں‌ بم دھماکہ ہوا ہے جس میں 5 افراد جاں بحق اور متعدد زخًی ہوئے ہیں، دھماکہ آئی ای ڈی ریموٹ کنٹرول ڈیوائس سے کیا گیا تھا. دھماکہ نماز جمعہ کے وقت کیا گیا، امام خطبہ دے رہے تھے جب دھماکہ ہوا لوگ خطبہ سن رہے تھے، مسجد میں دھماکے سے مسجد کے اندرونی حصے کو نقصان پہنچا ہے.

سید نوید قمر کی زیر صدارت قومی اسمبلی کی قائمہ کمیٹی برائےتجارت کااجلاس ہوا ہے. اس موقع پر سیکرٹری تجارت کی جانب سے بتایا گیا کہ گزشتہ سال 1.8ارب ڈالرکی بھارتی اشیاءدرآمدہوئی،

باغی ٹی وی کی رپورٹ کے مطابق سیکرٹری تجارت نے بتایا کہ پلواماحملےکے بعدبھارت کےساتھ تجارت کم ہوگئی تھی، پاکستان سےکاٹن،نمک،میڈیکل آلات بھارت کوبرآمدکیےجاتےہیں، بھارت سے80سے90 ملین روپےکی ویکسین درآمدہوتی ہیں، اس دوران طاہرہ اورنگزیب نے سوال اٹھایا کہ بھارت سےتجارت بندہوگئی،اب ویکسین کہاں سےآئے گی؟ جس پر سیکرٹری تجارت نے کہاکہ ہماراانحصاربھارت پرنہیں تھا،چین سےبھی یہ ویکسین منگوائی جاتی ہے،

سیکرٹری تجارت نے کہاکہ بھارت سےکپڑا،پان کےپتےاورادویات اسمگل ہوکرآتی ہیں، بھارت سےاسمگلنگ رکوانےکیلیےچیئرمین ایف بی آرکوخط لکھ رہا ہوں، دوطرفہ تجارت مکمل بندکردی تو اسمگلنگ بندکرنےکےاقدامات بھی کیےجائیں،

وزیر خارجہ شاہ محمود قریشی کی زیر صدارت اہم اجلاس ہوا ہے جس میں انہوں نے کہا ہے کہ سلامتی کونسل میں مسئلہ کشمیر کا جانا پاکستان کی بہت بڑی کامیابی ہے .ہم اہم ملکوں سے رابطہ بھی کر رہے ہیں تاکہ مسئلہ کشمیر پر دنیا کو آگاہ کیا جائے.

واضح رہے کہ وزیر خارجہ شاہ محمود قریشی نے کہا کہ پاکستان تنازعہ کشمیر کے پرامن حل کے حق میں ہے اور اس کے لیے پاکستان نے اقوام متحدہ کی سلامتی کونسل میں یہ مسئلہ اٹھایا ہے اور پرامن حل کیلئے جدوجہد بھی کرے گا۔ انہوں نے واضح کیا کہ بھارت اقوام متحدہ کی سلامتی کونسل کے اجلاس کی مخالفت کر رہا ہے تاہم بین الاقوامی برادری کے ایک بڑا حصہ کشمیریوں کی نسل کشی کی نریندر مودی کی سوچ کی حقیقت سے آگاہ ہو چکا ہے۔ انہوں نے کہا کہ بھارت نے پوری مقبوضہ وادی جموں و کشمیر کو جیل میں تبدیل کر دیا ہے جہاں پر اطلاعات تک رسائی ناممکن بنا دی گئی ہے۔ شاہ محمود قریشی نے کہا کہ مسلم امہ اسلامی تعاون تنظیم (او آئی سی) کی جانب دیکھ رہی ہے تاکہ وہ آگے بڑھے اور معصوم کشمیریوں کی مدد کرے۔ انہوں نے کہا کہ پاکستان کے عوام اور مسلح افواج پوری طرح مسئلہ کشمیر پر متحد ہیں۔

، بھارت نے کشمیرپر اپنے غاصبانہ قبضے کو روا رکھتےہوئے کشمیر کی خصوصی حیثیت والے آرٹیکل 370 کو تبدیل کر کے کشمیر کو اپنا حصہ بنا لیا جس کے بعد خطے میں شدید کشیدگی پیدا ہوگئی. اس سلسلے میں لائن آف کنٹرول پر گولہ باری بھی جاری ہے . دنیا میں اس وقت یہ دیکھا جا رہا ہےکہ خطے میں اب صورت حال کدھر جارہی ہے .ایسی صوت حال میں بھارتی وزیر کا یہ بیان دینا کہ ہم ایٹم ہتھیاروں کے استعمال سے پیچھے نہیں ہٹیں گے. کشمیدگی اور ہوا دینے والی بات ہے