Author: +9251

بھارتی وزیر دفاع راجناتھ سنگھ نے پاک بھارت کشیدگی کے پیش نظر گیدڑ بھبھکی لگاتے ہوئے کہا ہے کہ انڈیا نیوکلیئرہتھیاروں کا پہلے استعمال نہ کرنے سے متعلق اپنی حکمت عملی کوتبدیل بھی کرسکتا ہے،

باغی ٹی وی کی رپورٹ کے مطابق ہندوستانی وزیر دفاع نے جمعہ کے دن پوکھران میں ہماری نیوکلیئر ہتھیاروں سے متعلق پالیسی یہ رہی ہے کہ یہ ہتھیار پہلے استعمال نہ کئے جائیں‌ تاہم مستقبل میں اس سلسلہ میں پالیسی کیا رہتی ہے یہ اس وقت کے حالات پرمنحصرکرتا ہے،

ہندوستانی میڈیا کے مطابق راجناتھ سنگھ نے پوکھرن میں یہ گفتگو کی اور ہرزہ سرائی کرتے ہوئے کہاکہ یہ وہی جگہ ہے جہاں 1998 میں بھارت نے سابق وزیراعظم اٹل بہاری واجپائی کی قیادت میں 5 نیوکلیئر دھماکے کئے تھے۔ خاص بات یہ ہے کہ آج سابق وزیراعظم واجپائی کی پہلی برسی ہے،

راجناتھ سنگھ نے کہاکہ ہماری پالیسی نوفرسٹ یوز رہی ہے اور یہ پالیسی ہم نے 1998ء میں اپنائی تھی، ہندوستانی میڈیا کا کہنا ہے کہ حالیہ پاک بھارت کشیدگی کے تناظر میں کئی ریٹائرڈ ارکان نے بھارت کی نو فرسٹ یوز پالیسی پر سوال اٹھائے ہیں.

ایران کو اپنی پیش کردہ ان ضمانتوں کی پاسداری کرنا چاہیے کہ تیل بردار جہاز "گریس 1” شام ہر گز نہیں جائے گا۔برطانیہ کی ایران کو تنبیہ

برطانوی وزارت خارجہ کے ترجمان نے جمعرات کے روز جاری ایک بیان میں مزید کہا کہ "ہم ایران یا کسی بھی شخص کو اس بات کی اجازت ہر گز نہیں دیں گے کہ وہ ایسی حکومت کے حوالے سے یورپی یونین کی پابندیوں کو چکمہ دے جس نے اپنے عوام کے خلاف کیمیائی ہتھیاروں کا استعمال کیا ہو”۔

ترجمان کے مطابق "ایران کی جانب سے آبنائے ہرمز میں تجارتی جہازوں کو غیر قانونی طور پر تحویل میں لینے یا ان پر حملہ کرنے کا … جبل طارق کی حکومت کے شام پر عائد یورپی یونین کی پابندیوں پر عمل درامد کے ساتھ کوئی موازنہ یا تعلق نہیں”۔

ادھر جبل طارق میں شائع ہونے والے ایک اخبار "کرونیکل” نے جمعرات کے روز بتایا کہ جبل طارق کے حکام نے اپنی تحویل میں موجود ایرانی تیل بردار جہاز کو آزاد کر دیا۔

سوڈان میں موسلا دھار بارشوں سے سیلاب کی کیفیت پیدا ہو گئی جس سے 2 روز میں 46 افراد جاں بحق ہو گئے ہیں۔

قائمقام وزیرِ صحت سلیمان عبدل جبار کے مطابق سیلاب سے 18 صوبوں میں سے 16 متاثر ہیں. اب تک 9 ہزار سے زائد گھروں کو نقصان پہنچا ہے، 595 گھر مکمل طور پر مسمار ہو گئے ہیں جبکہ 3 ہزار کو جزوی طور پر نقصان پہنچا ہے. مکانات کے منہدم ہونے اور سیلاب کی زد میں آنے سے 46 افراد لقمہ جان کی بازی ہار گئے ہیں۔

یاد رہے کہ ہر سال سوڈان میں ماہ اگست میں موسلا دھار بارشیں پڑتی ہیں اور گزشتہ برس اسی دوران سیلاب سے 43 افراد جاں بحق ہو گئے تھے۔

شمالی کوریا نے جنوبی کوریا کے امن مذاکرات مزید جاری رکھنے سے انکار کر دیا۔

شمالی کوریا نے جنوبی کوریا کے صدر مون جئی ان کو دنیا کا بدترین آدمی قرار دیتے ہوئے کہا کہ ان کے اقدامات کی وجہ سے ہم جنوبی کوریا کے ساتھ مزید مذاکرات جاری نہیں رکھ سکتے۔

جنوبی کورین صدر نے جاپان سے آزادی حاصل کرنے سے متعلق تقریب میں کہا تھا کہ 2045 تک جزیرہ نما کوریا ایک ہو جائے گا۔

یاد رہے کہ جنگ عظیم دوئم کے خاتمے پر کوریا دو ٹکڑوں میں تقسیم ہو گیا تھا۔

صدر مون جئی ان کا مزید کہنا تھا کہ جزیرہ نما کوریا کو جوہری ہتھیاروں سے پاک کرنے کا مقصد حاصل کرنا سب سے مشکل مرحلہ تھا کیونکہ شمالی اور جنوبی کوریا کے درمیان مذاکرات ڈیڈلاک کا شکار تھے