Author: +9251

کوئٹہ:چیئرمین سینیٹ صادق سنجرانی کی پراعتماد شخصیت اور بلوچستان میں ہر دلعزیز ، خیرخواہ اور صوبے میں ترقی کے خواہاں ہونے کی وجہ سے بڑی قدر کی نگاہ سے دیکھا جاتا ہے. شاید اسی وجہ سے صوبے میں بہتر گورننس کے لیے چیئرمین سینیٹ صادق سنجرانی کے چھوٹے بھائی اعجاز سنجرانی کو وزیراعلیٰ بلوچستان کا معاونِ خصوصی تعینات کردیا۔

ذرائع کے مطابق اعجاز سنجرانی کی تعیناتی کا اعلان ایک سرکاری اعلامیے کے ذریعے کیا گیا جو فوری طور پر نافذ العمل ہوگیا۔یہ بات مدِ نظر رہے کہ معاون خصوصی کی تعیناتی کا نوٹفکیشن بدھ کے روز جاری کیا گیا جو عام تعطیل کا دن تھا۔نوٹفکیشن کے مطابق حکومت بلوچستان کے قواعد و ضوابط کے اصول 6 کے مطابق وزیراعلیٰ بلوچستان آئندہ احکامات تک بخوشی اعجاز سنجرانی کو معاون خصوصی تعینات کرنے کا اعلان کرتے ہیں جس کا اطلاق فوری ہوگا۔

خیال رہے کہ حال ہی میں اپوزیشن کی جانب سے چیئرمین سینیٹ کو عہدے سے ہٹانے کے لیے لائی گئی تحریک عدم اعتماد ناکامی سے دوچار ہونے کے بعد صادق سنجرانی اپنا منصب بچانے میں کامیاب رہے تھے۔اعجاز سنجرانی کے متعلق بھی یہ تاثر پایا جاتا ہے کہ وہ بلوچستان کی خوشحالی اور ترقی کے لیے ہر دور میں بڑے سرگرم دکھائی دیتے ہیں اوراسی وجہ سے ہر جماعت ، گروہ اور سیاسی پارٹی حکومت میں رہتے ہوئے بھی اور حکومت سے باہر بھی اعجاز سنجرانی سے مستفید ہوتے رہتے ہیں

کراچی: بھارت سے کشیدگی کی وجہ سے ایک طرف پاکستان بڑاتیار نظر آتا ہے تو دوسری طرف پاکستان انٹرنیشنل ایئرلائن (پی آئی اے) میں پائلٹوں کی تنظیم اور انتظامیہ کے درمیان اختلافات کے باعث آئندہ ماہ اندرونِ و بیرونِ ملک پروازیں متاثر ہونے کا خدشہ ہے۔

ذرائع کے مطابق پائلٹوں کے اختلافات سےپہلے ہی ایک غلط تاثر پایاجاتا ہے . اور اگر پی آئی اے کے حوالے سے رپورٹ کے مطابق اگر معاملے کو وقت پر سلجھایا نہیں گیا تو اس چپقلش کا نشانہ بالآخر مسافر ہی بنیں گے کیوں کہ پروازوں میں تاخیر اور منسوخی کی وجہ سے پالپا کی شکایات کی فہرست خاصی طویل ہے۔جس میں نئے بزنس پلان کے تحت پائلٹس اور عملے کے دیگر اراکین کا کراچی سے اسلام آباد اور پنجاب کے دیگر شہروں میں تبادلہ شامل ہے۔