Author: +9251

مظفر آباد: وزیر اعظم آزاد کشمیر راجہ فاروق حیدر نےخطرے کی گھنٹی بجاتے ہوئے کہا ہے کہ اگر آج کشمیریوں کا جھنڈا گر گیا تو اگلا ہدف پاکستان ہوگا۔ تفصیلات کے مطابق آج پاکستان کے یوم آزادی پر آزاد کشمیر کی قانون ساز اسمبلی سے خطاب کرتے ہوئے راجہ فاروق حیدر نے کہا کہ آزاد کشمیر پاکستان اور بھارت کے درمیان بفر ہے۔انھوں نے کہا کہ ہم پاکستان کی لڑائی لڑ رہے ہیں، وزیر اعظم پاکستان مقبوضہ کشمیر میں دواؤں اور خوراک کی کمی پر آواز اٹھائیں۔

وزیر اعظم آزاد کشمیر راجہ فاروق حیدر نے کہا کہ مسئلہ کشمیر کے سفر کو 72 نہیں 500 سال ہو گئے ہیں، 1832 میں گلاب سنگھ نے کشمیر میں قتل عام کیا، ڈھائی لاکھ افراد کا قتل کیا گیا، 40 ہزار کشمیریوں کو پاکستان میں پناہ لینی پڑی، 1989 کے بعد سے اب تک ایک لاکھ کشمیریوں کو قتل کیا گیا۔وزیر اعظم آزاد کشمیر راجہ فاروق حیدر نے مزید کہا کہ کشمیریوں نے بہت پہلے فیصلہ کر لیا تھا کہ جینا مرنا پاکستان کے ساتھ ہے، کشمیریوں کی جدوجہد آزادی ابھی جاری ہے، بھارت نے جو اقدامات کیے اس سے دو طرفہ معاہدے ختم ہو گئے۔

ذرائع کے مطابق اس موقع پر راجہ فاروق حیدر نے کہا کہ ہم اسمبلی میں ایل او سی کو ختم کر کے اسے سیز فائر لائن قرار دینے کی قرارداد لائیں گے، ہمارا آئین، پرچم اور قومی ترانہ الگ ہے۔آزاد کشمیر کے وزیر اعظم کا کہنا تھا کہ بی جے پی اور ہٹلر کا سلیوٹ کرنے کا انداز ایک جیسا ہے، ان کے اقدامات میں بھی کوئی فرق نہیں۔

دہلی: بھارت نے اپنے یوم آزادی جسے پاکستانی اور کشمیری یوم سیاہ قرار دیتے ہیں کے موقع پر ونگ کمانڈر ابھی نندن ورتھما کو دوسرا بڑا فوجی اعزاز ’’ویر چکر‘‘ دینے کا اعلان کر دیا۔بھارتی ذرائع ابلاغ کے مطابق بھارتی ائیر فورس کے ونگ کمانڈر ابھی نندن ورتھما کے جہاز کو پاکستان کی فضائیہ نے 27 فروری کو لائن آف کنٹرول پر مار گرایا تھا، اور انہیں گرفتار کیا تھا۔بھارتی پائلٹ کو 60 گھنٹے تحویل میں رکھنے کے بعد پاکستان نے خیرسگالی کے جذبے کے تحت ہمسائیہ ملک کے حوالے کیا تھا۔

بھارتی میڈیا نے کہ انکشاف کیا تھا مطابق پاکستان سے واپسی پر ابھی نندن کو فرائض کی ادئیگی سے روک دیا گیا۔ بھارتی میڈیا کے مطابق بھارتی ونگ کمانڈر کے طبی ٹیسٹ کلیٔر کرنے کے بعد فلائنگ ڈیوٹی میں دوبارہ شامل کیا جائے گا۔بھارتی پائلٹ اپنے تباہ شدہ طیارے سے پیرا شوٹ کے ذریعے نکلنے میں کامیاب ہو گئے تھے تاہم اس دوران وہ زخمی ہوئے۔ مقامی لوگوں نے انہیں گرفتار کر کے پاکستانی حکام کے حوالے کیا تھا۔

یاد رہے کہ ابھی نندن کی گرفتاری اور رہائی کے بعد بھارت میں کئی طرح کے جسماتی اور ذہنی ٹیسٹ سے گزرنا پڑا تھا۔پاکستان سے واپسی پر بھارتی پائلٹ نے کہا تھا کہ پاکستانی حکام نے ان پر جسمانی تشدد نہیں کیا، لیکن ان کو مبینہ طور پر ’’ذہنی اذیت‘‘ کا نشانہ بنایا گیا۔ذرائع کے مطابق بھارت ان حالات کے موقع پر یہ انعام دے کرانڈین فضائیہ کو حوصلہ دینے کی کوشش کررہا ہے

چاغی :تو بھی پاکستان ہے میں بھی پاکستان ہوں ، بلوچستان کے دوردراز علاقوں میں بھی یوم پاکستان منانے والوں نے کمال ہی کردیا ، اطلاعات کے مطابق بلوچستان کے ضلع چاغی کے دوردراز علاقے چربان جو کہ افغانستان کی سرحد کے قریب ہے بڑی تعداد میں بلوچ غیرت مندوں نے پاکستان زندہ باد کے نعرے لگا کر دنیا بھر کی سازشوں کو نہ صرف ناکام بنایا ہے بلکہ یہ پیغام دیا ہے کہ بلوچستان پاکستان ہے اور پاکستان بلوچستان

معتبر ذرائع کے حوالے سے ملنی والی اطلاعات کے مطابق چربان کے علاقے میں چھوٹے بڑے ، جوان بوڑھے سب نے ریلی کا اہتمام کیا . اس ریلی میں چاغی ضلع کی اہم شخصیات نے خطاب کیا اور بھارت کو خبردار کرتے ہوئے کہا ہے کہ بھارت کشمیریوں پر ظلم کرنا بند کردے ورنہ یہ غیور بلوچ اپنے کشمیری بھائیوں پر مظالم کا بدلہ لیں تو پھر شکوہ نہ کرنا

چاغی کے اس دوردراز علاقے میں تو یوم پاکستان یوم آزادی منانے والو‌ں نے تو سب کو پیچھے چھوڑ دیا . بلوچ جوان قومی پرچم سے بنے ہوئے لباس پہن کر ٹولیوں کی شکل میں پاکستان زندہ باد کے نعرے لگاتے ہوئے کشمیریوں کے ساتھ اظہار یکجہتی کررہے تھے.چاغی کے اس علاقے میں بچے بھی کسی سےپیچھے نہیں رہے بچوں نے بھی سبز ہلالی پرچم سے بنے ہوئے لباس پہن رکھے تھے ، چھوٹی چھوٹی بلوچ بیٹیوں نے کشمیری بہنوں کے پیغام دیتے ہوئے کہا کہ ٹھیک ہے آپ اس وقت آزمائش میں ہیں لیکن بہت جلد آپ بھی ہماری طرح یوم پاکستان بھی منائیں گی اور یوم آزادی کشمیر بھی منائیں گی

یوم پاکستان ، پاکستان زندہ باد ملک کے کونے کونے میں ہر پاکستانی یوم آزادی کی خوشیوں سے سرشار،چھوٹے چھوٹے بچے ٹولیوں کی شکل میں آزادی کی خوشیاں مناتے ہوئے اور پاکستان زندہ باد کے نعرے لگاتے ہوئے دیکھنے والوں کو خوش کررہے ہیں. اطلاعات کے مطابق اس دفعہ تو یوم آزادی کی خوشی اور منانے کے انداز پہلے سے مختلف ہیں.

ذرائع کے مطابق ملک بھرسےایسی اطلاعات آرہی ہیں کہ چھوٹے چھوٹے بچے ٹولیوں کی شکل میں یوم آزادی منا رہے ہیں تو دوسری طرف کشمیریوں سےاظہاریکجہتی کررہے ہیں. بلوچستان ، کے پی، سندھ اور پنجاب سمیت ملک کے دیگر علاقوں میں ایسے مناظر دیکھنے کو مل رہے ہیں.