Author: +9251

لاہور : پنجاب کے سابق حکمران مہا راجہ رنجیب سنگھ پر حملہ ہوگیا ، حملے میں مہا راجہ رنجیت سنگھ کا بازوتوڑ دیا گیا . اطلاعات کے مطابق آج لاہور میں دو افراد نے مبینہ طور پر پنجاب کے سابق حکمراں مہاراجہ رنجیت سنگھ کے مجسمے کو توڑ دیا جو شاہی قلعہ میں ان کی قبر کے قریب نصب تھا۔

ذرائع کے مطابق شاہی قلعہ معمول کے مطابق لوگوں کے کھلا تھا جب دو افراد وہاں داخل ہوئے جن میں سے ایک بظاہر پاؤں سے معذور تھا اور اس کے ہاتھ میں لکڑی کی ڈنڈا موجود تھا، جبکہ دوسرا شخص اسے چلنے میں مدد کر رہا تھا۔پولیس حکام کے مطابق قلعے میں داخل ہوکر دونوں سیدھا مجسمے کی طرف گئے اور لکڑی کے ڈنڈوں سے اسے مارنا شروع کر دیا جس سے ایک بازو ٹوٹ گیا، جبکہ دیگر حصوں کو بھی نقصان پہنچا۔

سیکیورٹی گارڈز وہاں پہنچے اور مجسمہ توڑنے والوں کو پکڑ لیا جو مہاراجہ رنجیت سنگھ کے خلاف نعرے لگا رہے تھے۔بعد ازاں حملہ آوروں کو پولیس کے حوالے کردیا گیا جس نے شہری انتظامیہ کی شکایت پر ان کے خلاف مقدمہ درج کر لیا۔سپرنٹنڈنٹ آف پولیس (ایس پی) سید غضنفر شاہ کے مطابق حملہ آوروں نے مذہبی بنیادوں پر مجسمہ توڑا۔

ایس پی پولیس کے مطابق تحقیقات میں انکشاف ہوا کہ حملہ آور یہ دعویٰ کر رہے تھے کہ ان کے جسم میں جنوبی ایشیا کی تاریخ کے معروف جنگجو سلطان محمود غزنوی کی روح موجود ہے۔سید غضنفر شاہ نے کہا کہ حملہ آوروں کا ماننا تھا کہ یہ ان کے مذہب کے خلاف ہے کہ مسلم ملک میں مجسمہ تعمیر کیا جائے اور اگر انتظامیہ نے اسے نہیں ہٹایا تو وہ یہ عمل دوبارہ کریں گے۔

واضح رہے کہ شاہی قلعہ کی مائی جِندا کی حویلی میں راجہ رنجیت سنگھ کے مجسمے کی 27 جون کو ان کے 180ویں یوم پیدائش کے موقع پر نقاب کشائی کی گئی تھی۔کانسی سے بنے اس 9 فٹ اونچے مجسمے میں سکھ بادشاہ کو ہاتھ میں تلوار پکڑے گھوڑے پر بیٹھے جاسکتا ہے، جبکہ انہوں نے مکمل سکھ لباس زیب تن کر رکھا ہے۔

لاہور : مون سون بارشوں نے تباہی مچا دی . بڑی تعداد میں پاکستانی ہلاک اور زخمی ہوئے ، اطلاعات کے مطابق پاکستان میں مون سون بارشوں اور سیلاب کے نتیجے میں 165 افراد ہلاک جبکہ 137 زخمی ہیں۔ ذرائع کے مطابق نیشنل ڈیزاسٹرمینیجمنٹ اتھارٹی پاکستان کے مطابق مون سون بارشوں کے دوران ہلاک ہونے والوں میں 54 بچے، 35 خواتین اور 72 مرد شامل ہیں۔

نیشنل ڈیزاسٹرمینیجمنٹ اتھارٹی کے مطابق پاکستان میں سب سے زیادہ نقصان خیبر پختونخواہ میں ہوا جہاں 56 افراد ہلاک، 57 زخمی ہوئے۔ آزاد کشمیر میں 35 افراد لقمہ اجل بن گئے، 13 زخمی ہوئے۔ پنجاب میں 27 افراد کی جانیں گئیں اور 36 افراد زخمی ہوئے جبکہ سندھ میں 27 افراد موت کا شکار اور 12 زخمی ہوچکے ہیں۔ بلوچستان میں12 افراد جاں بحق اور 10 زخمی، گلگت بلتستان میں 6 افراد جاں بحق اور 9 زخمی جبکہ اسلام آباد میں بھی 2 افراد جاں بحق ہوئے۔

نیشنل ڈیزاسٹرمینیجمنٹ اتھارٹی ذرائع کے مطابق اگلے چند دنوں میں ملک بھر میں مزید بارشیں ہوسکتی ہیں. ان بارشوں میں شہریوں کو محتاط رہنے کی ہدایت کی گئی ہے. یاد رہے کہ ان بارشوں سے ملک کا سب سے بڑا شہر کراچی اس وقت بہت زیادہ متاثر ہے.

اسلام آباد: پاکستان کےایک معروف اینکر، تجزیہ نگار اور ماضی کے اداکار حمزہ علی عباسی اپنے سفر حج پر پیش آنے والے مبارک لمحات کے بارے میں عرب نیوز سے بات کرتے ہوئے کہتے ہیں کہ کیا کہنے ان مبارک گھڑیوں کے جب اللہ کی رحمت کا نزول دیکھا ، حمزہ علی عباسی نے کہا کہ حج کے موقع پر جس طرح امن و بھائی چارہ کا مظاہرہ کیا گیا اس سے پہلے اس کا تصور تک نہ تھا

عرب نیوز سے بات کرتے ہوئے حمزہ علی عباسی نے کہا کہ میری تو دعا ہے کہ اللہ تعالیٰ ہر مسلمان کو اس گھر کی زیارت نصیب فرمائے ، حمزہ علی عباسی کہتے ہیں کہ میں نے یہاں دنیا کے ہرکونے سے آئے ہوئے زائرین کو دیکھا ہےیہی اسلام کی اجتماعیت ہے. حمزہ علی عباسی مزید بتاتے ہیں کہ دوسرا اہم پہلوجو میری آنکھوں کے سامنے بار بار آرہاہے کہ ایک ہی جگہ پر دنیا بھر سے 22 لاکھ سے زائد عازمین حج کا جمع ہونا ہے.
https://www.instagram.com/p/B1CcWWXhV-z/?utm_source=ig_embed
حمزہ علی عباسی کہتے ہیں کہ اتنی بڑی تعداد میں لوگوں کا خیال رکھنا کوئی معمولی کام نہیں . اس سرزمین مقدس پر جس طرح سعودی حکومت نے انتظامات کیے ہیں اور کسی حاجی کو کسی قسم کی پریشانی نہیں‌ہوئی اس کا کریڈٹ بھی سعودی حکومت کو جاتا ہے.

یاد رہے کہ حمزہ علی عباسی کے ساتھ معروف سنگر عاطف اسلم ، فیروز خان اور دیگر اہم ساتھی بھی سفر حج میں شریک تھے ، حمزہ کے دیگر ساتھیوں کے بھی یہی جزبات اور یہ دعائیں تھیں اللہ تعالیٰ ہر کسی کو اس گھر کی زیارت نصیب فرمائے اور اس کے انتظامات کرنے والوں کو مزید عزت بخشے