Author: +9251

پاکستان میں بھارتی ہائی کمشنر اجے بساریہ کی واپسی کے پلان میں تبدیلی کی اطلاعات ہیں،

باغی ٹی وی کی رپورٹ کے مطابق اجے بساریہ کوبذریعہ سڑک واہگہ جانا تھا تاہم اب وہ بذریعہ پرواز براستہ ابوظہبی روانہ ہو رہے ہیں،

اجےبساریہ پروازنمبرای وائے234سےساڑھے8بجےابوظہبی روانہ ہوں گے، واضح‌ رہے کہ بھارت کی طرف سے مقبوضہ کشمیر کی خصوصی حیثیت ختم کرنے کے خلاف پاکستان نے سخت اقدامات اٹھاتے ہوئےا نڈیا سے سفارتی و تجارتی تعلقات ختم کرنے کا اعلان کیا ہے. اسی کے تحت بھارتی ہائی کمشنر اجے بساریہ کو ملک چھوڑنے کا حکم جاری کیا گیا ہے،

کشمیرکی بگڑتی صورتحال پراسپیکر قومی اسمبلی کےدوست ممالک کی پارلیمان کے سربراہوں سےرابطے کئے گئے ہیں. اس حوالہ سے اسپیکراسد قیصر نے ایران کی مجلس اسلامی کے سربراہ ڈاکٹرعلی لاریجانی سے ٹیلیفونک رابطہ کیا اور انہیں بھارت کی جانب سے کشمیریوں پر ڈھائے جانے والے مظالم سے آگاہ کیا ہے،

باغی ٹی وی کی رپورٹ‌ کے مطابق اسد قیصر نے کہاکہ کشمیر کےمسئلے کو آیندہ ہونیوالی اسپیکر کانفرنس کے ایجنڈے میں رکھا جائے، بھارت نے کشمیر میں ظلم و ستم کا بازار گرم کر رکھا ہے، کشمیر میں لاکھوں بیگناہوں کو قتل کیا گیا، پیلٹ گنز کے ذریعے نوجوانوں کو بینائی سے محروم کیا گیا، ایران اور کشمیر کے صدیوں پر محیط ثقافتی اور مذہبی روابط ہیں، ایرانی قیادت نے ہمیشہ کشمیریوں کے حق خودارادیت کی حمایت کی، توقع ہے ایران عالمی سطح پر بھرپور کردار ادا کرے گا،

اسپیکر ایران علی لاریجانی نے کہاکہ ایران کشمیرکے حوالے سے کسی بھی قسم کے مصالحتی کردار کے لیے تیار ہے، پاکستان ایران کا عزیز برادر ملک ہے، مشکل اورمظلومیت کی اس گھڑی میں ایران کشمیریوں کوتنہانہیں چھوڑےگا، ایران کشمیر کے معاملے پر کڑی نگاہ رکھے ہوئے ہے،

پاکستانی وزیر خارجہ شاہ محمود قریشی نے کہا ہے کہ پوری قوم کشمیربنے گا پاکستان کا زور دار نعرہ لگائے، مقبوضہ کشمیر میں تعلیمی ا دارے بند ہیں ،مقبوضہ کشمیرمیں ذرائع ابلاغ مکمل طور پر بند ہیں ،

باغی ٹی وی کی رپورٹ کے مطابق انہوں نے کہاکہ ملٹری آپشن کو جہالت اور خود کشی سمجھتے ہیں، لیکن دفاع کا حق رکھتے ہیں، بھارت میں ایک جنونی طبقہ موجود ہے، شاہ محمود قریشی نے کہاکہ چین نے ایک بار پھر ثابت کیا وہ ہمارے آڑے وقت کا ساتھی ہے ، چینی قیادت کے سامنے تاریخی تفصیل رکھی، چین نے ہمارے موقف کی حمایت کی ہے، چین نے ہمیں اقوام متحدہ بھی حمایت کا یقین دلایا ہے، دونوں ممالک نے مشترکہ حکمت عملی پر اتفاق کیا ہے، چینی وزیرخارجہ نےہمارےموقف کی بھرپورتائیدکی ، مسئلے پرہمارامکمل ساتھ دینےکاعندیہ دیا، 14 اگست کو پاکستان اور کشمیر کا جھنڈا بھی اٹھائیں،

انہوں نے کہاکہ چین نے ایک مرتبہ پھر ثابت کر دیا ہے کہ وہ پاکستان کا لازوال دوست ہے، چینی وزیر خارجہ نےمقبوضہ جموں وکشمیرسے متعلق ہماری معروضات کو توجہ سے سنا، چینی قیادت تک پاکستان کا نکتہ نظر پہنچایا، عالمی برادری،انسانی حقوق کی عالمی تنظیمیں فوری طورپراس گھمبیرصورتحال کا نوٹس لیں، چین نے جو رسپانس دیا وہ ہماری توقعات کے عین مطابق ہے ، سیاسی قیادت سے درخواست ہے کہ کشمیر پر تقسیم نہ ہوں،

پاکستانی آرمی چیف جنرل قمر جاوید باجوہ نے شہید لیفٹیننٹ کرنل راشد کریم بیگ کے اہلخانہ سے ملاقات کی ہے،

باغی ٹی وی کی رپورٹ‌ کے مطابق آرمی چیف کی شہید لیفٹیننٹ کرنل وسیم حیات اورسپاہی غلام رضا کے اہلخانہ سے بھی ملاقات ہوئی ہے، ہیروزکو یاد رکھنا مسلح افواج اور قوم دونوں کے دلوں کو گرمانے کا ذریعہ ہے،

جنرل قمر جاوید باجوہ نے کہاکہ مادر وطن کے دفاع کے لیے زندگی قربان کرنا سب سے بڑی قربانی ہے ، اس موقع پر آرمی چیف جنرل قمرجاویدباجوہ کی اہلیہ بھی ان کےہمراہ تھیں، آرمی چیف کا کہنا تھا کہ شہداءکےلواحقین سےرابطےمیں رہنااوراُن کی فلاح کےلیےکام کرناذمےداری ہے، شہداءکے لواحقین کااحسان کبھی نہیں اتارسکتے،