اسلام آباد :اپنی زندگی کے بارے میں اداکارہ سونیا حسین نے اہم گفتگو کرتے ہوئے کہا کہ زندگی میں بڑی پریشانیاں آئیں ، کبھی گھبرائی نہیں ، ڈٹ کا حالات کا مقابلہ کیا اداکارہ سونیا حسین نے کہا کہ ان کی زندگی میں آنے والی ہر مشکل نے ان کو مضبوط بنایا ہے۔
ذرائع کے مطابق اداکارہ سونیا حسین نے کہا کہ زندگی کے مشکل وقت نے ان کومزید مضبوط بنایا ہے۔اب تو یہ کیفیت ہوچکی ہے کہ مشکلات کی پرواہ نہیں ایک سوال پر ان کا کہنا تھا کہ وہ صاف دل انسان ہیں اور سب کو بہت جلد معاف کر دیتی ہیں اور معافی کرنے میں پہل کرتی ہیں۔
سونیا حیسن ”عشق زہے نصیب“ میں اداکار زاہد حیسن کے ساتھ مرکزی کردار ادا کررہی ہیں جوشائقین میں بہت مقبول ہو رہاہے۔سونیا حسین کا کہنا تھا کہ ان کی فیملی ان کے لئے بہت اہم ہے اور وہ ان کی خوشی کو مدنظر رکھتے ہوئے اپنا ہر فیصلہ کرتی ہیں۔
