Author: +9251

کشمیریوں کے لیے لڑنا مرنا پاکستان کےلیے لڑنا مرنا ہے. سراج الحق کا پارلیمنٹ کے مشترکہ اجلاس سےخطاب

باغی ٹی وی رپورٹ :جماعت اسلامی کے امیر نے پارلیمنٹ سے خطاب کرتےہوئے کہا کہ. کشمری کی آزادی اور بھارت کے مقابلے کے سب اپوزیشن نے یہ کہا کہ وزیر اعظم آپ قدم بڑھاؤ ہم تمہارے ساتھ ہیںَِِِ. لیکن آپ قدم تو بڑھائیں. جس سے کشمیر کی آزادی ممکن ہو .
کشمیر کی تاریخ ظلم و ستم سے بھری ہوئی ہے، کشمیری ایک ایسا مسئلہ ہے جو چار طاقت ور طاقتوں کے بیچ گھرا ہوا ہے. جن میں چین ، روس شامل ہیں. 86 ہزار مربع کلومیٹر پر مشتمل علاقہ پاکستان ، چین اور بھارت کے پاس ہے. بھارت نے کشمیر کی وحدت کو تقسیم کرنے کی کوشش کی ہے. یہ غلط الزام ہے کہ کشمیر کی آزادی کو باہر سے کنٹرول کیا جارہا ہے ، برہان وانی کشمیری تھا ، عادل بٹ کشمری تھا، مقبول بٹ کشمیری تھا ، افضل گرو کشمیری تھا. کشمیریوں کو سلام پیش کرتا ہوں جس کے مرتے دم تک بھی پاکستان سے محبت کےنعرے ہیں.مرتے ہوئے بھی پاکستان کے پرچم میں‌لپٹنے کی خواہش کرتےہیں. کشمیر کا مسئلہ ریاست کا مسئلہ ہے اس میں سب کو مل کر کشمیر کےلیے آگے بڑھنا چاہیے.
آج اگر حکومت پاکستان نے کشمیر کو بچانے کی کوشش نہیں کی .اگلا قدم آزاد کشمیر اور گلگت بلتستان کو لینے کا ارادہ ہے. اگر بھارت اپنے ارادوں میں کامیاب ہو گیا تو ہمارے لہلاتے کھیت ریگستان بن جائیں گے.کشمیریوں کے لیے لڑنا مرنا پاکستان کےلیے لڑنا مرنا ہے.

راجہ ظفر الحق نے پارلیمنٹ کے اجلاس سے خطاب کرتےہوئے کہاکہ عالمی عدالت انصاف میں اس طرح نہ جایا جائے جیسے ریکوڈک کیس میں گئے تھے،

راجہ ظفر الحق نے پارلیمنٹ کے اجلاس سے خطاب کرتےہوئے کہا کہ بھارت نے کشمیر پر جو کام کیا وہ جلدی سے نہیں کیا بلکہ اس کی تیاری کافی پہلےکی ہے.
عالمی عدالت انصاف میں اس طرح نہ جایا جائے جیسے ریکوڈک کیس میں گئے تھے،
راجہ ظفر الحق نے کہا کہ ٹرمپ اپنے موقف سے ہٹ گئے اور کہا کہ اگر دونوں ممالک چاہیں تو ثالثی کیلیے تیار ہوں،ٹرمپ سے ملاقات کا کیا نتیجہ نکلا اس پر وضاحت آنی چاہیے،اپوزیشن کو نیچا دکھانے کیلیے تمام انرجی استعمال کی جا رہی ہے،پاکستان کو بھی اپنے فرائض پورے کرنے چاہیےتھے، ہمیں پہلے ہی دیکھ لینا چاہیے تھا کہ مودی جو کچھ کر رہےہیں اسکے نتائج کیا ہونگے،

شیری مزاری نے خطاب کرتے ہوئے کہا کہ بدمعاش ریاستوں کی بات کریں تو بھارت سب سے نمایاں ہے

باغی ٹی وی رپورٹ کے مطابق پارلیمنت کے اجلاس سے وفاقی وزیر برائے انسانی حقوق شیری مزاری نے خطاب کرتےہوئے کہا کہ بھارت نے کشمیر کے سلسلے میں آرٹیکل 270 کو تبدیل کر کے اپنے ہی آئین اور بین لاقوامی قوانین کی دھجیاں اڑائی ہیں.بھارت نے اس قدام سے انسانی حقوق کی شدید مخالفت کی ہے. بھارت نے کلسٹر بم استعمال کر کے بین الاقوامی اور جنیوا کنونشن کی دھجیاں اڑائی ہیں.بھارت کے اس اقدام پر جو انسانی حقوق کی خلاف ورزی ہوئی ہے اس پر ہم انسانی حقوق کمیشن میں جائیں گے.

انہوں نے کہا کہ ہماری حکومت نے یو این کو بھی خط لکھا ہے. ہماری حکومت یہ کوشش کرے گی کہ سلامتی کونسل کا ہنگامی اجلاس بلایا جائے.
اس کے علاوہ پاکستان او آئی سی میں بھر پور اجلاس بلائے گا. ہم مسلم امہ سے بھرپور تقاضا کرتے ہیں کہ وہ مسلمانوں پر اس ظلم پر شدید احتجاج کرائے .
بھارت کا کشمیر میں ظلم جنگی جرم ہے اورہم اس پرکسی صورت خاموش نہیں رہ سکتے. بھارت کا خیال ہےکہ کشمیر کا سٹیٹس تبدیل کر کے کشمیریوں کی آواز بند کر دے گا. لیکن وہ ایسا نہیں کر سکتا کشمیریوں کی آواز پاکستان کی آواز ہے.ہم بھارت کو ایسا کبھی نہیں کرنے دیں گے.