واشنگٹن : امریکی معاشرہ جہاں جنسی درندگی اس قدر بڑھ چکی ہے کہ ماں بہن اور بیٹی کا تصور بھی دم توڑ چکا ہے. یہ کوئی عام امریکی نہیں بلکہ معروف شخصیات کا شغل بن کر رہ گی اہے. ایسا ہی ایک واقعہ دنیا کے میڈیا کی زینت بنا ہوا ہے ، جنسی جرائم کے الزامات میں قید امریکی گلوکار موسیقار، میوزک پروڈیوسر اور ریپر رابرٹ سلویسٹرکیلی (آر کیلی) پر امریکی عدالت نے نابالغ لڑکی جس کی عمر بہت ہی کم بتائی جارہی ہے کے ساتھ جسم فروشی کے تعلقات استوار کرنے سمیت مزید 2 نئے الزامات عائد کردیے۔
امریکہ میڈیا کے مطابق اس جنسی درندے آر کیلی کو گزشتہ ماہ 12 جولائی کو جنسی جرائم کے تحت گرفتار کیا گیا تھا اور ان پر کم سے کم 100 کے قریب نابالغ لڑکیوں اور کم عمر خواتین کو ریپ، انہیں جنسی ہراساں کرنے، ان کے ساتھ جنسی تعلقات استوار کرنے اور انہیں جنسی لذت کے لیے ایک سے دوسری جگہ منتقل کرنے جیسے الزامات ہیں۔
آر کیلی کے خلاف امریکا کی مختلف ریاستوں کی عدالتوں میں بیک وقت جنسی جرائم کے مقدمات چل رہے ہیں اور اب تک ان پر ریاست الینوائے کی عدالت نے 2 فرد جرم بھی عائد کر رکھی ہیں۔مزید نئے 11 جنسی جرائم کے الزامات عائد کیے تھے اور ان ہی الزامات کے کیس میں ان پر فرد جرم بھی عائد کی جانی ہے، تاہم تاحال ان پر فرد جرم عائد نہیں کی جا سکی۔آر کیلی گزشتہ ماہ 12 جولائی سے اب تک جیل میں ہیں اور انہیں اس بار سنگین جنسی جرائم کے الزامات کا سامنا ہے۔
