Author: +9251

مقبوضہ کشمیر کی خصوصی حیثیت والی دفعات ختم کئے جانے کے بعد سے ہر کوئی انتظار میں تھا کہ ٹرمپ نے مسئلہ کشمیر پر ثالثی کی پیشکش تو کی تھی لیکن بھارت کے اس اقدام کے بعد امریکہ کی طرف سے مکمل خاموشی کیوں ظاہر کی جارہی ہے؟ تاہم اب امریکہ کا ردعمل بھی سامنے آ گیا ہے،

باغی ٹی وی کی رپورٹ‌ کے مطابق بھارت کی جانب سے آرٹیکل 370 ختم کئے جانے کے بعد امریکہ کی جانب سے مقبوضہ کشمیر میں انسانی حقوق کی خلاف ورزیوں کے معاملے پر گہری تشویش کا اظہار کیا گیا ہے، بھارت کی طرف سے راجیہ سبھا میں بل پیش کرنے اور صدر سے دستخط کروانے کا جو اقدام اٹھایا گیا ہے اس سے متعلق ہندوستانی وزارت خارجہ کی جانب سے ایک بیان جاری کیا گیا ہے جس میں قرار دیا گیا ہے کہ امریکہ انڈیا کی طرف سے مقبوضہ کشمیر کی خصوصی حیثیت ختم کرنے سے متعلق معاملے کا جائزہ لے رہا ہے،

امریکی وزارت خارجہ نے کہا ہے کہ ہم مقبوضہ جموں و کشمیر کی صورتحال کا بغور جائزہ لے رہے ہیں، امریکی وزارت خارجہ کی جانب سے یہ بھی کہا گیا ہے کہ مقبوضہ کشمیر میں انسانی حقوق کا احترام کیا جائے، امریکہ کو مقبوضہ کشمیر میں گرفتاریوں اور نظر بندیوں پر تشویش ہے اور یہ کہ ایل او سی پر فریقین امن و استحکام برقرار رکھیں، واضح رہے کہ انڈیا کی ایک صحافی جیوتی ملہوترا کی جانب سے بھی آج یہ سوال اٹھایا گیا تھا کہ مودی کے اس اقدام پر ٹرمپ کیوں‌ خاموش ہیں اور امریکہ کا کوئی ردعمل کیوں نہیں‌ آیا ہے؟

سعودی اخبار عکاظ نے سعودی وزارت صحت کے حوالے سے بتایا ہے کہ سعودی ڈاکٹروں کو منیٰ، مزدلفہ اور عرفات میں سمارٹ روبوٹ استعمال کرنے کی ٹریننگ دی گئی ہے۔ریاض اور جدہ کے ڈاکٹر بھی اس ٹیکنالوجی کی مدد سے حجاج کرام کا طبی معائنہ کر سکیں گے۔

اخبار کے مطابق ڈاکٹرز حاجیوں کے پیچیدہ امراض سے متعلق روبوٹ کی مدد سے مشاورت کر سکیں گے۔اسی طرح ڈاکٹرز کسی بھی سعودی سپیشلسٹ ڈاکٹروں سے طبی مشورہ حاصل کر سکیں گے۔بیرون مملکت ڈاکٹر زمنیٰ ہسپتال میں موجود مریض کاطبی معائنہ کر سکیں گے۔

روبوٹ متعدد سہولتوں سے لیس ہے۔ سٹیتھوسکوپ اور روبو ڈاکٹر کیمروں سے بھی لیس ہے۔ روبوٹ کان اور آنکھ کا معائنہ کر سکتا ہے۔ اس میں جلد کے معائنے کے لیے خصوصی کیمرہ لگا ہوا ہے۔ بیماری کی تشخیص کے لیے ڈاکٹروں کو جو آلات درکار ہوتے ہیں وہ سب اس میں موجود ہیں۔

اسرائیل کی طرف سے سال 2018ءکے دوران فلسطینی بچوں کے وحشیانہ قتل عام کے واقعات کے باوجود اقوام متحدہ کی طرف سے اسرائیل کو ‘بلیک لسٹ’ یعنی شیم لسٹ میں شامل نہ کرنے کی تنقید کی جا رہی ہے۔
اقوام متحدہ کا فلسطینی بچے کو گولیاں مارے جانے کے واقعہ کی تحقیقات کا مطالبہ
فلسطینی تنظیم حماس کے ترجمان حازم قاسم کے مطابق کہ اقوام متحدہ کی طرف سے تسلیم کیے جانے کے باوجود کہ اسرائیل 2018ء کے دوران بھی فلسطینی بچوں کے قتل عام میں ملوث رہا ہے ،اس کے باوجود اقوام متحدہ کی جانب سے اسرائیل کے جرائم پر پردہ ڈالنا قاتل کا دفاع کرنے کے مترادف ہے۔

یادرہے کہ اقوام متحدہ کی طرف سے گذشتہ روز ”شیم لسٹ“ جاری کی گئی تھی جس میں 2018ء کے دوران بچوں کے قتل میں ملوث حکومتوں اور تنظیموں کو شامل کیا گیا ہے۔لیکن حیرت انگیز طور پر اس لسٹ میں اسرائیل کو شامل نہیں کیا گیا ہے۔

حماس ترجمان نے اقوام متحدہ کی جاری کردہ فہرست میں اسرائیل کوشامل نہ کرنے پر افسوس کا اظہار کیا ہے۔
انہوں نے اقوام متحدہ پر زور دیا کہ وہ عالمی رپورٹس کی روشنی میں اسرائیل کو نہ صرف جنگی جرائم کا مرتکب قرار دے بلکہ فلسطینی بچوں کی قاتل ریاست کوبلیک لسٹ کرے۔