Author: +9251

پشاور : کالعدم تحریک طالبان پاکستان نے عوام کو اونچی آواز میں گانے سننے، خواتین کا بغیر کسی محرم کے باہر نکلنے سے خبردار کرتے ہوئے ایسا کرنے پر سخت نتائج بھگتنے کے اعلان کردیا۔

دوسری طرف کالعدم تحریک طالبان کا کہنا تھا کہ گھروں کے اندر یا باہر ڈی جے کا استعمال نہیں ہوگا اور جو ہمارے انتباہ کو نظر انداز کرے گا وہ نتائج کا خود ذمہ دار ہوگا۔

شمالی وزیرستان سے ذرائع کے مطابق ٹی ٹی پی نے کمپیوٹر اور دیگر دکانوں پر اونچی آواز میں گانے سننے سے بھی خبردار کیا گیا اور کہا گیا کہ جس دکان سے ایسی آواز آئی اسے اڑا دیا جائے گا۔

پشاور : پولیو مہم کو ناکام بنانے کے لیے شرپسند عناصر نے سازشیں شروع کردیں. تفصیلات کے مطابق پاکستان میں طالبان دہشت گرد گروہ نے دھمکی دی ہے کہ پولیو کے خلاف مہم شروع کرنے والوں کو جان سے مار دیا جائے گا۔

شمالی وزیرستان سے آمدہ رپورٹ کے مطابق شمالی وزیرستان میں طالبان نے پولیو کی دوا پلانے کا پروگرام شروع کرنے والوں کو دھمکی دی ہے کہ وہ پاکستان میں گھروں میں جاکر ڈراپ پلانے سے باز آجائیں ورنہ ان پر جان لیوا حملے کر دیئے جائیں گے۔

یاد رہے کہ اس سے پہلے بھی پاکستان میں پولیو کے خلاف مہم میں سرگرم عمل افراد کو طالبان گروہ کی جانب سے بارہا دھمکی دی جاتی رہی ہے۔یہ ایسی حالت میں ہے کہ پاکستان کے بعض علاقوں میں اب بھی پولیو کے خلاف مہم جاری رکھے جانے کی ضرورت ہے۔

اسلام آباد: وزیراعظم عمران خان نے دورہ امریکا پر اطمینان کا اظہار کرتے ہوئے خطے میں قیام امن کیلئے امریکی صدر ڈونلڈ ٹرمپ کا وژن قابل تعریف قرار دے دیا۔وزیراعظم عمران خان نے کہا امریکی صدر ڈونلڈ ٹرمپ اس بات سے متفق ہیں کہ خطے میں قیام امن ہو۔

امریکی نمائندہ خصوصی زلمے خلیل کی وزیراعظم سے ملاقات، افغان امن عمل پر گفتگووزیراعظم عمران کی زیر صدارت ہونے والے اجلاس میں پاک امریکا باہمی تعلقات کی مضبوطی کیلئے امریکی صدر کی تجاویز پرگفتگو کی گئی۔

وزیراعظم نے کہا امریکی صدر اس بات سے متفق ہیں کہ خطے میں قیام امن ہو، امریکی صدر متفق ہیں کہ پاک امریکا مضبوط تعلقات ہونے چاہئیں، مضبوط تعلقات سے علاقائی امن و استحکام میں بھی اضافہ ہوگا۔

اجلاس میں آرمی چیف جنرل قمر جاوید باجوہ، وزیر خارجہ شاہ محمود قریشی، وزیر بحری امور علی زیدی، ڈائریکٹر جنرل انٹرسروسز انٹیلی جنس (ڈی جی آئی ایس آئی) لیفٹیننٹ جنرل فیض حمید اور پاک فوج کے شعبہ تعلقات عامہ کے ڈائریکٹر جنرل (ڈی جی آئی ایس پی آر) میجر جنرل آصف غفور نے شرکت کی۔