Author: +9251

اسلام آباد: اپوزیشن بوکھلا گئی یا اپنے ہی ارکان اپوزیشن بن گئے . سینیٹ میں عدم اعتماد کی تحریک کی ناکامی کے بعد اپوزیشن کی صورت حال بھی ڈرامائی لگنے لگی. 64 ممبران کا دعویٰ کرنے والوں میں سے 50 نے حمایت کی ، باقی 14 سینیٹرز کا پتہ نہ چل سکا . بعد ازان الیکشن کے بعد اپوزیشن کے اجلاس میں‌پھر 60 سینیٹرز نے پہنچ کر دنیا کو حیران کردیا

اسلام آباد سے ذرائع کے مطابق اپوزیشن کی قیادت خود مذبذب دکھائی دے رہی ہے کہ چیئر مین سینیٹ کے خلاف تحریک عدم اعتماد میں 64 ارکان نے حمایت کرنے کا یقین دلایا تھا لیکن جب پولنگ ہوئی اور نتائج کا اعلان ہوا تو اپوزیشن کے 50 ممبران نے ووٹ سنجرانی کے خلاف ووٹ کاسٹ کیا لیکن دیگر 14 ممبران نے سنجرانی کی حمایت کردی

دلچسپی والی بات یہ ہے کہ الیکشن نتائج کے بعد جب اپوزیشن نے دوبارہ اجلاس طلب کیا تو پھر 60 ممبران وہاں پہنچ گئے . اس پر اپوزیشن کے رہنماء بھی چکرا گئے اور ایک دوسرے کی طرف دیکھنے لگے کہ کون ہے بے وفا ان میں سے

اسلام آباد : افغانستان سے امریکی فوجیوں کی محفوظ واپسی کے لیے امریکی نمائندہ خصوصی برائے افغان مفاہمتی عمل زلمے خلیل زاد نے وزیرخارجہ شاہ محمود قریشی سے ملاقات کی . اس ملاقات میں افغان امن عمل میں ہونے والی پیش رفت اور خطے میں امن و امان کی صورتحال سمیت باہمی دلچسپی کے امور پر تبادلہ خیال کیا گیا۔

دفتر خارجہ کی جانب سے جاری بیان کے مطابق زلمے خلیل زاد نے وزیر خارجہ کو دوحا میں ہونے والے امریکا، افغان طالبان امن مذاکرات کے ساتویں دور کی پیش رفت سے آگاہ کیا۔شاہ محمود قریشی کا کہنا ہے کہ افغان امن عمل کے بنیادی روڈ میپ سے تمام فریقین کا متفق ہونا بہت مثبت پیش رفت ہے۔

امریکی نمائندہ خصوصی برائے افغانستان زلمے خلیل زاد نے اپنے حالیہ دورہ کابل کی تفصیلات سے بھی شاہ محمود قریشی کو آگاہ کیا۔ملاقات میں وزیر خارجہ شاہ محمود قریشی نے کہا کہ کہ پاکستان، افغان امن عمل میں مشترکہ ذمہ داری کے تحت اپنا مصالحانہ کردارادا کرتا رہے گا۔

خیال رہے کہ افغان مفاہمتی عمل کے امریکی نمائندہ خصوصی زلمے خلیل زاد اسلام آباد میں موجود ہیں . یہ بھی معلوم ہوا ہے کہ زلمے خلیل زاد وزیراعظم اور عسکری قیادت کو افغان طالبان سے ہونے والی اب تک کی پیش رفت سے آگاہ کریں گے اور دورہ پاکستان مکمل کرکے قطر روانہ ہو جائیں گے۔

یاد رہے کہ وزیراعظم عمران خان نے دورہ امریکا کے دوران کہا تھا کہ افغان امن عمل کے حوالے سے امریکی حکام سے بات ہو چکی ہے، اب افغان طالبان سے ملاقات کروں گا۔

اسلام آباد: حکومت پاکستان ہر صورت عافیہ صد یقی کو وطن واپس لانا چاہتی ہے . دہشتگردی کے الزام میں امریکہ میں قید ڈاکٹر عافیہ صدیقی کی رہائی کے لیے حکومتی اقدامات کے معاملے پر وزیر برائے خارجہ امور شاہ محمود قریشی کا تحریری جواب قومی اسمبلی میں جمع کرایا گیاہے۔

قومی اسمبلی میں جواب میں شاہ محمود قریشی نے کہا کہ حکومت پاکستان ڈاکٹر عافیہ صدیقی کے کیس سے پوری طرح آگاہ ہےاور امریکی حکام کے سامنے ان کی پاکستان واپسی کا امکان سمیت اس کیس کو مسلسل پیش کیاگیاہے۔

اپنے جواب میں وزارت خارجہ کی طرف سے کہا گیاہے کہ ہیوسٹن میں پاکستان کا قونصل جنرل ڈاکٹر عافیہ صدیقی کی خیر و عافیت معلوم کرنے کے لیے باقاعدہ قونصلر دورے کرتا ہے۔ اگر کوئی پیغام ہو تو وہ پیغامات ڈاکٹر عافیہ کے خاندان کو پہنچاتا ہے۔

وزارت خارجہ کے مطابق پاکستانی قونصلر جنرل نے آخری با 18 اپریل 2019 کو ڈاکٹر عافیہ صدیقی سے ملاقات کی۔ ڈاکٹر عافیہ صدیقی کو نیو یارک عدالت میں طویل سماعت کے بعد 86 سال کی سزا سنائی گئی۔

قومی اسمبلی ذرائع کے مطابق وزارت خارجہ کی طرف سے ایوان زیریں کو آگاہ کیا گیاکہ وزیر اعظم کے دورہ واشنگٹن سے قبل عافیہ صدیقی کی ہمشیرہ نے وزیراعظم سے ملاقات کی۔ انہوں نے دفتر خارجہ میں بھی حکام سے ملاقا ت کی۔ عافیہ صدیقی کا معاملہ وزیراعظم کے دورہ واشنگٹن کے دوران بھی اٹھایا گیا۔