Author: +9251

لندن: برطانوی عدالت نے نوجوان شہری کو مختصر ترین وقت کی سزا دیتے ہوئے 50 منٹ کے لیے جیل بھیجا۔ایک خاتون کی درخواست پر کیس کی سماعت ہوئی جس میں 23 سالہ نوجوان کو بھی پیش کیا گیا۔ نوجوان نے دورانِ سماعت اعتراف کیا کہ اُس نے اپنی سابق دوست کے گھر کو نقصان پہنچایا اور جھاڑو کھڑکی سے نیچے پھینکی تاکہ اُسے نقصان پہنچ سکے۔

اعتراف جرم کے بعد جج نے نوجوان جین کینز کو جیل بھیجنے کا فیصلہ سنایا اور جج نے کہا کہ نوجوان کو اُس وقت تک حوالات میں رکھا جائے جب تک وہ معافی نامہ نہیں لکھتا یا اُسے خاتون معاف نہیں کردیتیں۔

دوسری طرف اس برطانوی خاتون کے وکیل کینتھ بیل نے دورانِ سماعت مؤقف اختیار کیا کہ جین نے اُن کی مؤکلہ کو دھمکی دی کہ جب وہ نیچے سے گزر رہی ہوں گی تو وہ اینٹ یا پتھر مارے گا البتہ اُس نے کھڑکی سے جھاڑو پھینک کر مارنے کی کوشش کی۔

اس کیس کی مزید دلچسپ امور کچھ اس طرح ہیں کہ جب حوالات میں جانے کا فیصلہ سنا تو نوجوان پریشان ہوا البتہ پولیس نے عدالتی حکم کی تعمیل کی اُسے حوالات جیل میں بند کیا جس کے بعد اُسے ایک پرچہ اور پین دیا گیا تاکہ وہ معافی نامہ لکھ سکے۔

برطانوی میڈیا کے مطابق نوجوان نے معافی نامہ لکھا جس کے بعد خاتون نے اُسے معاف کیا اور پھر اُس تحریر کو عدالت میں پیش کیا گیا جس کے بعد جج نے رہائی کے احکامات جاری کیے۔ اس سارے عمل کے دوران پچاس منٹ لگے جس کے بعد نوجوان کو اس یقین دہانی کے بعد رہا کیا گیا کہ وہ آئندہ اس طرح کا عمل نہیں دہرائے گا۔

واشنگٹن : نسل پرستی صرف ڈونلڈ ٹرمپ میں‌ہی نہیں‌بلکہ اس سے قبل معروف امریکی صدر ریگن بھی ایسی ہی سوچ اور فکر کا اظہار کرچکے ہیں. رپورٹ کے مطابق امریکی میگزین میں شائع ایک مضمون میں کہا گیا ہے کہ حال ہی میں سامنے آنے والی ایک ٹیپ میں انکشاف ہوا ہے کہ سابق امریکی صدر رونالڈ ریگن نے اقوام متحدہ میں افریقہ کے وفود کو ‘بندر’ سے تعبیر کیا تھا۔

دوسری طرف برطانوی نشریاتی ادارے نے بھی امریکی میگزین کی رپورٹ کی تصدیق کرتے ہوئے کہا ہے کہ رونالڈ ریگن نے 1971 میں اس وقت کے امریکی صدر رچرڈ نکسن سے ٹیلی فون پربات کرتے ہوئے اس طرح کے جملے ادا کیے تھے۔

یاد رہے کہ رونالڈ ریگن اس وقت کیلیفورنیا کے گورنر کی حیثیت سے فرائض انجام دے رہے تھے اور اقوام متحدہ میں افریقی نمائندوں کی جانب سے امریکا کے خلاف ووٹ دینے پر غصے میں تھے۔

یہ بھی معلوم ہوا ہےکہ یہ الفاظ امریکی صدر نے اس وقت کہے جب رپورٹ کے مطابق چین اور تائیوان کو تسلیم کرنے کے لیے ووٹنگ کے دوران افریقی ملک تنزانیہ کے نمائندوں نے امریکاکے خلاف ووٹ دینے کے بعد رقص کرتے ہوئے خوشی کا اظہار کیا تھا۔

واشنگٹن : امریکہ جہاں ایک 79 سالہ خاتون فقط اس وجہ سے قید کی سزا سنا دی کہ اس نے آوارہ بلیوں کو کچھ کھلایا پلایا تھا .پولیس کے مطابق معمرخاتون کی پڑوسن نے مقامی انتظامیہ کو شکایت کی کہ ان کے گھر پر آوارہ بلیوں کی وجہ سے گھر کا ماحول خراب ہورہا ہے۔

دنیا کے دوسرے ممالک میں رہنے والوں کے لیے یہ خبر بڑی عجیب تصور کی جائے گی کہ امریکا میں سٹی آرڈیننس کے تحت آوارہ جانوروں کو خوراک دینا قابل سزا جرم ہے۔بعدازاں مئی2017 میں 79 سالہ خاتون پر آوارہ بلیوں کو اپنی رہائش گاہ پر خوارک دینے کے مزید الزامات لگے۔

دوسری طرف پولیس کا کہنا تھا کہ نینسی سیگیولو آوارہ بلیوں کی گندھی صاف میں ناکام رہی۔گزشتہ ہفتے نیسی سیگیولو نے عدالت میں اعتراف کیا کہ وہ عدالتی فیصلے برخلاف آوارہ بلیوں کو خوارک دیتی رہی۔ان کے اعتراف پر عدالت نے توہین عدالت کے جرم میں معمر خاتون کو 10 دن قید کی سزا سنادی۔

نینسی سیگیولو نے عدالتی فیصلے بعد بتایا کہ ’میرے پاس بھی پالتو بلیاں تھی جو مرچکی ہیں اور میرے شوہر بھی زندہ نہیں رہے، میں تنہا ہوں ایسے میں بلیاں اور ان کے بچوں سے میرا دل لگا رہتا ہے‘۔ان کا کہنا تھا کہ 8 سے 10 بلیاں ان کے گھر کا چکر لگاتی رہتی ہیں اور مجھے بہت ترس آتا ہے اس لیے انہیں کھانے کو کچھ دیے دیتی ہوں۔

انہوں نے بتایا کہ وہ پہلے ہی جرمانے کی مد میں 2 ہزار ڈالر جمع کراچکی ہیں، جو کچھ میں نے کیا اس کی اتنی سزا نہیں بنتی جبکہ بہت سارے لوگ انتہائی برے کام کررہے ہیں. لیکن عدالت نے جواز تسلیم کرنے سے انکار کردیا